THUPHUON 4:6 - PATHIEN LEKHABU THIENGTHO (BSI)

⁶ Chun, lalchutphah masang achun, lim-et tuisuohgiet tawbang, krustal suong banga a val le a um a. Lalchutphah kimvel cheng achun. ganhing li malam leh nung lam mita dim a um uh a.

THUPHUON 4:6 ပူးပေါင်းရင်းမြစ်များ

THUPHUON 15:2

Chun, lim-et tuisuohgiet, mei tawh kihel tawbang hi ka mu a. Zie achun, sahang leh a lim leh, a min tiemtehna nambar chunga guolzote chule ka mu a. Amau haw chuh Pathien kingkang chawi in, lim-et tuisuohgiet tawbang pang achun a dinguh a.

THUPHUON 5:6

Chun, lalchutphah lailung a ding, Belamno, ganhing lite leh upate um kimvela um chuh ka mu a. Zie Belamno chuh a kithat sa hi leh kilawm tak hin a kilang a. Ki sagih leh mit sagih hi a nei a, ziete chuh Pathien Thagau, khawvel pumpi chunga sawl dawka umte chuh ahiu hi.

THUPHUON 14:3

Lalchutphah mai leh, ganhing li leh, upate masang achun la thak a sau a. Lei apat a tatdawksa mi, nuoi khat leh singli leh sang lite ngâllo khan kuoma’n zie la chuh a hethei puou hi.

THUPHUON 19:4

Khutichun, upa sawmnih leh lite leh, ganhing lite chun khupbawk in, “Amen, Halleluia,” ti’n, Pathien, Lalchutphah a chu pa chuh a ho uh a.

THUPHUON 5:14

Chun, ganhing lite chun, “Amen,” a tiu a. Upate chun le khupbawk in a ho uh a.

EZEKIEL 10:14

Chun, Cherub cheng chun mel li a nei chiet u a: mel khatna chuh Cherub mel ahi a, mel nihna chuh mihing mel ahi a, mel thumna chuh sakeibaknei mel ahi, chun, mel lina chuh mupi mel ahi.

EZEKIEL 10:12

Chun, a taksa pumpiu chuh a nungzang u leh, a khut u leh, thau leh kangtalai keng haw chule a pumpi a mita dim ahiu a, a liu a a kangtalai keng hawu kha le.

THUPHUON 7:11

Chun, vânsâwlchâk chengcheng te chuh, Lalchutphah leh, upate leh, ganhing lite kimvel achun dinsa’n a um uh a; chun Lalchutphah mai tak achun khupbawk in,

THUPHUON 22:1

Chun, amah chun hinna luipi chîm tak, krustal suong tawbanga val, Pathien leh Belam No Lalchutphah apat hung luong dawk chuh ei etsak a.

THUPHUON 21:11

Pathien lopina a vak hi ei etsak a. A vak zie chuh, khisuong mantam pên Jasper suong tawbang, krustal suong banga val hi ahi.

THUPHUON 15:7

Ganhing lite laka khat chun, vânsâwlchâk sagihte kawm achun, Pathien, kumkhawtuong a hingzingpa lungnatna a dim, belhbu sagih chuh a pie a.

THUPHUON 21:21

Chun, kawtpi sawmlenih te chuh, tuikawk chang sawmlenih te chuh ahi a; kawtpi chengcheng chuh, tuikawk chang khat chieta kisiem ahi. Zie khawpi khawlai chuh, sana thieng tak, hai vak let thei tawbanga thieng ahi.

THUPHUON 21:18

A bang chuh Jasper suong a kisiem a hi a, a khawpi chuh hai thieng tak tawbanga, sana thieng a kisiem ahi.

THUPHUON 7:17

Belamno, lalchutphah lailung a umpa chuh amau haw chingpa hi’n tin, hinna tuikhuk haw achun pui ina. Khutichun, Pathien in a mit uh apat mitthi chengcheng chuh thiek hul sak ta’n a,” a ti a.

1 LENGTE 7:23

Chun, sumeng bel lientak, a gei lang khat apat a gei langkhat tieng chu tawng sawm ahi a; a sânlam tawng nga; a kim vel pumpi chu tawng sawmthum vel ahi.

JOB LEHKHABU THE BOOK OF JOB 28:17

Sana leh lim-et in le a kibatpih thei puoh a, Sana thieng tak zem hawih in le a then theih diek puoi.

PAWTDAWKNA 38:8

Khutichun, amah chun Lalpa um na puon-In kawtkhak bula nasem numeite hun piekkhawm sumeng lim-et te chuh lakhawm in, sumeng kuong leh a luihna chuh a siem a.

THUPHUON 4:4

Chun, lalchutphah kimvel achun lalchutphah dang, sawmnih le li a um a, lalchutphah chung achun upa sawmnih le li, puon vam silh a, a tien a chu ka mu a; sana lallukhuk a kikhuk chiet uh a.

THUPHUON 5:8

Ziephet chun, ganhing lite leh, upa sawmnih leh lite chuh Belamno ma achun a bawkkhup tau a. Amau haw chun kingkang leh sana belhbu, gimlima dim a kichawih chiet uh a, zie chuh Pathien mite pauchamna chuh a hii.

THUPHUON 5:11

Chun, ka vak et kit leh, lalchutphah leh, ganhing lite leh upate kimvel achun, vânsâwlchâk sang tamtak aw hi ka vak za a! Amau haw chuh lalchutphah kimvel leh, ganhing lite leh upate kimvel achun a dinguh a,

THUPHUON 6:1

Chun, Belamno chun, tiemtehna sagihte laka khat a hihsiet a, a phel lai tak chuh ka mu a, chun, ganhing lite laka khat chun vangi tawbang hielin, “Hung ah,” a tih ka za a.

THUPHUON 6:6

Chun, ganhing lite lak apat chun aw tawbang hin, “Makhai in suk loh buh dan khat, makhai in sakawlbuh dan thum; thau leh uain vang chuh susie ki’n.” a tih hi ka vak za a.