THUPHUON 4:4 - PATHIEN LEKHABU THIENGTHO (BSI)

⁴ Chun, lalchutphah kimvel achun lalchutphah dang, sawmnih le li a um a, lalchutphah chung achun upa sawmnih le li, puon vam silh a, a tien a chu ka mu a; sana lallukhuk a kikhuk chiet uh a.

THUPHUON 4:4 ပူးပေါင်းရင်းမြစ်များ

THUPHUON 11:16

Tichun, upa sawmnih le li, Pathien ânga a lalchutphah uh a chute chuh a khupbawk uh a,

MATTHAI 19:28

Isu’n a kawmah, “Tihtakzet a ka hilh na hiu hi, Siemthakna achun Mihiem Chapa hi a lopina chutphah a chut tieng leh nanguh ei zui haw hi, Israel nam sawm leh nam nih te vaihawm sak in, Lalchutphah sawm le nih ah hung chuh ding na hiu hi.

THUPHUON 4:10

Upa sawmnih le lite chun, lalchutphah a chu, kumkhawtuong a hingzingpa masanga chuh bawkkhup in, a ho sek uh a. A lallukhukteu chuh lalchutphah âng a chuh kawih in,

THUPHUON 7:11

Chun, vânsâwlchâk chengcheng te chuh, Lalchutphah leh, upate leh, ganhing lite kimvel achun dinsa’n a um uh a; chun Lalchutphah mai tak achun khupbawk in,

THUPHUON 20:4

Chun, lalchutphah haw chuh ka mu a, a chungah mi a chuu a, a kawmuh achun vaihawmna a pieu a. Chuleh, Isu thu hettuoksakna thu zieka leh, Pathien thu zieka ngâwng kitante thagau leh sahang leh a lim ho lo a, a chalpâng uh ahim, a khut uh a him a, tiemtehna nei lote thagau chule ka mu a. Ziete haw chuh a hung hing tau a, kum sangkhat a dingin Krista tawh vaihawm in a um tau hi.

THUPHUON 5:14

Chun, ganhing lite chun, “Amen,” a tiu a. Upate chun le khupbawk in a ho uh a.

THUPHUON 5:8

Ziephet chun, ganhing lite leh, upa sawmnih leh lite chuh Belamno ma achun a bawkkhup tau a. Amau haw chun kingkang leh sana belhbu, gimlima dim a kichawih chiet uh a, zie chuh Pathien mite pauchamna chuh a hii.

LUKE 22:30

Chuleh, Israel nam sawm leh nam nih te vaihawm sak in lalchutphah ah hung chu’n lau.

2 TIMOTHE 4:8

Tuhin chuh diktatna Lallukhuk chuh kei dingin kawih in a um ta a, zie chuh Lalpa a ngaihtuohpa diktat chun zie Ni chu leh ei pie’n a; kei kawm mah ah hilo in, a kilâkna ngai ta chengte kawma le hi’n a.

THUPHUON 19:4

Khutichun, upa sawmnih leh lite leh, ganhing lite chun khupbawk in, “Amen, Halleluia,” ti’n, Pathien, Lalchutphah a chu pa chuh a ho uh a.

THUPHUON 7:9

Ziehaw chengcheng nunga chuh ka vak et leh, ngaitie! mipi nasatak, kuomah simsenloh, namtin laka mite, chitin laka mite, mitin laka mite, pau tin laka mite chuh puon vam silh a tum bâk chawiin, Lalchutphah masang leh, Belamno masanga ding ka mu a.

SAM LEHKHABU THE PSALMS 21:3

Phatna a vangsakna te’n na muok ngâla: A lu chung ah sana thiengtho lallukhuk na khuk sak a.

THUPHUON 19:14

Vana sepaihte chun patngat puon ngim tak, vam tak silh in, sakawl kâng chunghaw a chuh chu’n a zui uh a.

THUPHUON 6:11

A kawmuh achun puon vam a pie chiet uh a. Chun, a sawntawlawi chanpihteu leh, a suohpihteu, amau haw bang mah a thaha um dingte chuh a kim masang sieh uh, chawmkhat a na ngak tadih dingin a hilh uh a.

THUPHUON 9:7

Khaupepihaw chuh sakawl kido dinga kiguo zosa tawbang ahiu a, a luchang uh achun sana lallukhuk tawbang a nei uh a, a maichang uh chuh mihiem mai tawbang ahi.

THUPHUON 2:10

Na thil thuok ding haw hi lau ki’n; ngaitie, patepa na um theihna dingin, Diabol chun na lak uh a mi khenkhat chuh suongkul a hun khum ding a hii; tichun, ni sawm sung gimtheihna thuok unlau. Himahlele, thih tiengin taksanum in na um in, tichun, hinna lallukhuk chuh hun pie’ng ka.

ESTHER 8:15

Mordekai chuh leng puon a dum leh a vam a kithuom in, sana lallukhuk lopi tak leh patngat puonâk chuol sandup a kivan in leng in apat chuh a pawtdawk a. Tichun Susan khawpi chuh kipâk in a kiko dul dul tau a.

THUPHUON 3:18

Na hung neihzawh theihna dingin, ka kawm apat sana, sana thieng tak hung kichâwk dingin thu ka hun piek na hi. Chun, na sangawnna zahchâk um tak chuh na khuh theihna dingin, puon vam le hung kichâwk dingin ka hun tih na hii. Na muh theihna dingin, mita nuh ding mitlo le ka kawm apat hung kichâwk dingin ka hun thumawp na hi.

THUPHUON 4:6

Chun, lalchutphah masang achun, lim-et tuisuohgiet tawbang, krustal suong banga a val le a um a. Lalchutphah kimvel cheng achun. ganhing li malam leh nung lam mita dim a um uh a.

THUPHUON 5:6

Chun, lalchutphah lailung a ding, Belamno, ganhing lite leh upate um kimvela um chuh ka mu a. Zie Belamno chuh a kithat sa hi leh kilawm tak hin a kilang a. Ki sagih leh mit sagih hi a nei a, ziete chuh Pathien Thagau, khawvel pumpi chunga sawl dawka umte chuh ahiu hi.

THUPHUON 5:11

Chun, ka vak et kit leh, lalchutphah leh, ganhing lite leh upate kimvel achun, vânsâwlchâk sang tamtak aw hi ka vak za a! Amau haw chuh lalchutphah kimvel leh, ganhing lite leh upate kimvel achun a dinguh a,

THUPHUON 14:3

Lalchutphah mai leh, ganhing li leh, upate masang achun la thak a sau a. Lei apat a tatdawksa mi, nuoi khat leh singli leh sang lite ngâllo khan kuoma’n zie la chuh a hethei puou hi.