THUPHUON 4:11 - PATHIEN LEKHABU THIENGTHO (BSI)

¹¹ “Nang, ka Lalpau leh ka Pathien uh, Lopina te, limbawlna te, thilhih theihna te, mu tâk na hi ie; Nangin thil bangkim na siem a, Na deih zieka um leh siem A hi ngâl u a,” a tiu a.

THUPHUON 4:11 ပူးပေါင်းရင်းမြစ်များ

THUPHUON 5:12

chun, aw ngeih tak in, “Belamno thahsa pa hih Thilhih theihna te, neihzawhna te, chitna te, Hatna te leh limbawlna te, lopina te, vangpiekna te mu tâk a hi ie,” a tiu a.

ISAI 40:28

Na lunggil un na he ngei puou hi? Na bil un na za kha puou hi? Lalpa chuh kumlekhuo Pathien, kâwlmawng tâwp tieng siempa chuh ahi ngâl a. Amah chuh a chau ngei puoh a, châwl le a châwl ngei puoh a; A chitna chuh hawldawk zawh guol ahi puoi.

THUCHINGTE 16:4

Lalpa’n thil chengcheng hi tup nei chietin a siem a, mi gilote nasan le buoina ni a dinga guot ahiu hi.

THUPHUON 10:6

Kumkhawtuong a hingzingpa, vante, lei te, leh tuipi leh a sunga thil um chengcheng te siempa Pathien min sam in, “Hun um ta puo’n a!

THUPHUON 14:7

Chun, Pathien chuh aw ngeih tak in, “A vaihawm phat chuh a hungtun tâk ziekin, Pathien chuh lau unla, a lopina chuh pakchau un! Vante, leisiet te leh tuinakte siempa chuh ho un!” a ti a.

THUPHUON 5:9

Chun, amau haw chun, “Nang, lehkhabu chuh laa, A tiemtehna te phel tâk na hi ie; Thah in na um ta a, Chitin a mite, namtin a mite, Pathien dingin na thisan in na chaw a,

HEBRAI 1:10

“Nang, Lalpa, a tûngin Leisiet kingakna na phuhdawk a hi ta a, Vante le na khut suok ahi;

THILSIEMBUL 1:1

Atûng in Pathien in lei leh vante a siem a,

ROME 11:36

Amah apat leh, amah vang leh, amah a dingin thil chengcheng hi hung um ahi ngâl a. Amah kawm achun kumkhuo’n lopina chuh um hen. Amen.

EPHESI 3:9

tuonatâng apat a thuguk Pathien bangakai siempa a selgûk a um chuh bang ahi, tih mi chengcheng muh sak dingin, kei mi thiengtho chengcheng laka neupente sanga neuzaw kawma hin zie lungsietna chuh piek ahi.

NASEPTE 14:15

“Pute haw, ziehaw hi bang dinga hih? Kei u le, na nungchang bang uh pu mihiem ka hiu a puo! Zie thil manloh haw hi nungngat a, van te, lei te, tuisuohgiet te leh, a sunga um chengcheng tawh siempa, Pathien Hing lam na hung ngat theihna dingun, Chanchin Pha ka hun tut na hiu hi.

JEREMIA 32:17

“Aw Lalpa Pathien, ngaitie, na thilhih theih na nasa tak leh na khut zak in lei leh van na siem ta a; nanga dingin thil haksa taluo a um puoi.

SAM LEHKHABU THE PSALMS 18:3

Pahchak tâk Lalpa chuh ka sama; Khutichun ei do te lak ah hukdam in um ing ka.

NEHEMIA 9:5

Khutichun, Levi chi Jeshua leh Kadmiel te, Bani leh Hashabania te, Sherebia leh Hodija, Shebania leh Pethaia te chun: “Ding unla, Lalpa na Pathien u chuh kumsawt apat kumsawt chan in pakchau unla. Chun, limbawl na leh pahchak na chengcheng chungah na min lopi pahchak in um hen,” a tiu a.

NASEPTE 17:24

Pathien, khawvel leh a sunga thil chengcheng siempa chuh, lei leh van Lalpa a hih ziekin, khuta sak ina chun a cheng puoh a.

2 SAMUEL 22:4

Pahchak tâk Pathien chu sam ing ka ting: Khutichun ei dote haw apat hukbit in um ing ka.

THUPHUON 5:2

Chun, vânsâwlchâk hât tak aw ngeih tak a, “Kuo a zie lehkhabu a tiemtehna haw hi hihsie a, phel tâk um?” ti a kiko le ka mu a.

JOB LEHKHABU THE BOOK OF JOB 36:3

Gamla taka pat in ka hetna hun lakhawm ing ka ting, Ei siempa chuh diktatna silh sak ing ka.

SAM LEHKHABU THE PSALMS 68:34

Pathien kawm achun hatna pieu inla, A zahum na chuh Israel chungah a um a, A hatna chu van dum haw akhun a um a.

HEBRAI 1:2

Himahleh, tuhun tâwp ahin, eihaw kawmah a Chapa achun thu a gen tai. Amah achun Pathien in vannuoi pumpi hi a siem a, amah mawng chuh thil bangakai nei dingin Pathien in a teldawk nawn a.

JEREMIA 10:11

A kawm u a hiti hin gen in: pathien lei leh van siem hilote chuh lei apat in sumangthai inla, vannuoi apat in sumangthai vek un.

ISAI 40:26

Chunglam a khun na mitteu hak to unla en un! Aksite khu kuo siem ahim! Amah chun sepaihte chuh kizawm zelin a puidawk sek a a min un a sam chiet sek a; A hatna nasat ziekin leh, thilhih theihna lama a hât ziekin, khatchale kimlo a um ngei puoi.

DAN NIHNA 32:4

“Amah suongpi chuh, a thilhih a phabukim; A umdan chengcheng a dik: Pathien ginum, adiklo hih lo, Thudik leh pha Amah ahi.

PAWTDAWKNA 20:11

Ni gup sungin Lalpa’n lei leh vante, tuisuohgiet leh a sunga um chengcheng te chuh a siem a, a ni sagih ni chun a châwl ta a. Zieziekchun, Lalpa hin chawlhni chuh a vangsak a, a hih thiengtho ta a.

THUPHUON 1:6

tichun, a Pathien leh Pa lenggam thiempu nasem dingin ei siem ta a. A hii, Isu Krista kawm mawng achun, lopina leh vaihawmna chuh kumkhawtuong in um hen. Amen.

THUPHUON 19:1

Ziehaw cheng zawh chun, van ah mipi nasa tak aw tawbang ngêi ngêi hin, “Halleluia, hukdamna le, lopina le, thilhih theihna le I Pathien uh a ahi!