THUPHUON 3:3 - PATHIEN LEKHABU THIENGTHO (BSI)

³ Khutichun, a tûngin bangti sinsak a um na him, bang na ti zak ahim gel zing ah; zie chuh zawp inla, na gitlohna apat in kihei kit in. Na kiven loh le vang, gucha bangin hung ing ka ting, bangtik phata ka hung ding tih nasan le he puo’n la.

THUPHUON 3:3 ပူးပေါင်းရင်းမြစ်များ

THUPHUON 2:5

Khutichun, na puksansa chuh gel zing inla, lunghei in, na thilhih masapen khah hih kit ah, khutilochun, na kawmah hung ing ka ting, na lunghei loh vang leh, na sana thaumei kawihna khah a mun apat chawn ding ka hi.

2 PETER 3:10

Himahlele, Lalpa Ni chuh gucha bangin hungtung tei ina. Zie Ni chu leh, vante chuh nasa taka gi’n mangthai in tin; van a thilte chuh katum in sukmangthai in um intin, chun, lei leh a sunga umte chengcheng hi hung bei vek ina.

1 THESSALONIKA 5:2

Lalpa Ni chuh zan a gucha a hung bangin hungtung ding ahi tih, nangmau haw mawng inle chientakin na he ngâl u a.

THUPHUON 16:15

“Ngaiin! gucha guola hung vak ding ka hi ie! Kiging a, puontum chengsa a um zingte chuh a hamphau ui; khutilochun, sangawn a vakin, mite mitmuh in zahhuoi takin um kha’n au ie!” ti’n.

MATTHAI 25:13

“Khutichun, kiging zingin um un, a ni leh a phat na he ngâl puou in.

HEBRAI 2:1

Zieziekchun, nakhanga I zak hawu kha phachuomngai taka I khawksak zawksem dinguh ahi, khutilochun kithawlh mang khâi tiu.

1 TIMOTHE 6:20

Aw Timothe, na kawma vawpsaka um chuh ching pha ta’n. Holimna thanghuoi leh, kinielna ngawlhuoi, mi khenkhat in, “Hetna” ti a diklo taka kikalhna chuh nungngat ah.

MARK 13:36

Khutilochun, hung phut in, ipmu’n hun mu kha’n a.

MARK 13:33

Chingthei unla, kiging zinga um in paucham un; a phat chuh na he puoh ngâl u a.

EZEKIEL 36:31

Khutichun, na umdan phaloteu leh na thilhih phaloteu chuh hezing ta’n na tin un, na gitlohnau leh na thil chîn tenum hawu ziek chun nangmau ngêi kiten ta’n lau.

THUPHUON 3:19

Ka hehpih tak cheng chuh ka hilhgaih a, ka thunun sek hi. Khutichun. gunchuh inla, lunghei ah.

2 PETER 3:1

Deihtakte, tu a na kawmuh a ka hun zik hi, ka lehkhathâk a nih veina ahi tai. Zie lehkhathâk te nih akhan, zie thilte haw hi hun hetnawnsak kitin, na lunggil u ah ngaihtuohna thieng tak hun chawhthawh kit ka guot ahi.

THUPHUON 3:11

Hung vak zieng ding ka hi, kuoma’n na lallukhuk chuh a hun lâksak lohna dingin, na thil neihsa khah vawp bit ah.

THUPHUON 2:25

Himahlele, ka hung masang sieh in, na neihsau vang khah tudet un.

2 PETER 1:13

Zie bâwkcha a ka um sung cheng hin, nang haw hun hetzing a, hun chawhhalh zing hi pha ka sak ahi.

2 TIMOTHE 1:13

Nanga dinga etsakna ka hun piek guol u khan, thudik tak ka hun sinsakteu kha tudet kei inla, chun, Krista Isu tawh I kipumkhatna ziek u a I chan uh, taksanna leh hehpihna akhan um zingin.

EZEKIEL 20:43

Zie tak a chun na umdan teu leh na thilhih dân hawu, na kisukbuokna chengcheng teu chuh he ta’n na tin un; khutichun thil phalo na hihteu chengcheng ziek khan nangmau mitmuh ngêi in kiten ta’n lau.

THUPHUON 3:2

Kiveng inla, na thil neih naklaite khah, a thih suok kêi ma’n suhat in. Na thil hihhaw himhim, ka Pathien mit tung zo in ka mu puoi.

THUPHUON 22:7

Ngaitie! hung vak zieng ding ka hi, Zie lehkhabu a hilhlawkna thu pawm taphawt chuh a hamphau ie!” a ti a.