THUPHUON 22:3 - PATHIEN LEKHABU THIENGTHO (BSI)

³ Chun, zie khawpi sung achun hansie him um ta puo’n tin, Pathien leh Belamno lalchutphah chuh um zaw ta’n tin; tichun, a suokte chun amah chuh zenviel un au.

THUPHUON 22:3 ပူးပေါင်းရင်းမြစ်များ

MATTHAI 25:21

A pu chun a kawmah, ‘Suok pha leh taksanum, na hih pha ie; tawmchah chungah taksan na um in, tamtak chungah hun um sak ing ka, na pu kipahna ah lut ah,’ a ti a.

JOHAN 12:26

Kuo’n le, keia ding a sep nawp chun, ei zui heh, ka umna ah kei dinga sempa le um ina; kuo’nle, kei ding a sep chun, amah chuh Pa’n limbawl ina.

JOHAN 14:3

Chun, nang u dinga mun ka va siem zawh tieng chu leh, hungkit ing ka ting, ka kawmah nanguh hun lang ka, ka umna a nang u le na um theihna dingun.

ZEKARIA 14:11

Chun, zie tak achun mite chuh cheng un tin, Hansie himhim um ta puon tin; Jerusalem chuh bit taka luoh in um zaw ta’n a.

EZEKIEL 37:27

Ka bâwkcha le a kawm u ah um intin, a Pathien uh hing ka ting, amau chuh ka mite hi’nau.

SAM LEHKHABU THE PSALMS 17:15

Ken vang chuh diktatna nei in na mel mu’ng ka ting: Nang mah batna nei a ka thawh dawk tieng le chuh lungkim kei ta’ng ka.

SAM LEHKHABU THE PSALMS 16:11

Nangin hinna lampi chuh nei hetsak a: Na masang achun kipahna bukim a um a; Na khut changlam achun kumsawt nawpna a um ngâla.

ISAI 12:6

Zion a umte haw chuh ngeih tak in kiko u henla, Israel Pathien Thiengtho, a mite laka cheng chuh a lopi ngâl a,” ti’n.

MATTHAI 25:41

“Zie zawh chu leh, a veilam a mite kawm achun, ‘Hansie dawlte haw, kumkhuo mei, Diabol leh a sawlchakte dinga a guot sak uh achun nei chieh mangsan un.

JOHAN 17:24

“Hepa! nangin kei nei piekte hi, ka umna a ka kawma um dingin ka deih hi; nangin nei piek, ka lopina khah a muhna dingun, lei kisiem masang apat in nei hehpih ta ngâl a.

DAN NIHNA 27:26

“ ‘Zie dân thu hi zui a pawm det lo taphawt chuh gausap in um hen,’ ti’n tin un. “Chun, mipite chengcheng chun, ‘Amen’ ana tih dinguh ahi.

EZEKIEL 48:35

A kimvel in tawng singkhat leh sanggiet hi’n tin; zie ni apat chun khawpi min chuh “Jehovah Shammah” Lalpa umna tih hi ding ahi, ti’n.

ISAI 51:11

Tichun, Lalpa tatsa te chuh kipâk takin vaikit untin; lasa kawmin Zion achun lut un au; Lungkham leh dahna um ta puo’n tin, kipahna leh lawpna chang tau intin; kumsawt kipahna chuh a lu chung u ah um ta’n a.

THUPHUON 7:9

Ziehaw chengcheng nunga chuh ka vak et leh, ngaitie! mipi nasatak, kuomah simsenloh, namtin laka mite, chitin laka mite, mitin laka mite, pau tin laka mite chuh puon vam silh a tum bâk chawiin, Lalchutphah masang leh, Belamno masanga ding ka mu a.

THUPHUON 7:10

Ziete haw chun aw ngeih tak in, “I Pathien uh, Lalchutphah a chu pa kawm leh, Belamno kawm apat hukdamna a hung tung tai,” ti’n, a kiko uh a.

JOHAN 13:32

Amah zieka Pathien lopina suklata a um tâk ziekin, Pathien ngêi in, Mihiem Chapa lopina le sulang ina, zie chuh hih zieng ding ahi.