THUPHUON 21:3 - PATHIEN LEKHABU THIENGTHO (BSI)

³ Lalchutphah apat chun aw ngeih tak in, “Ngaitie! Pathien bâwkcha chuh mihiem lak ah a hung um tai, Amah chuh a kawm u ah um intin, Amau haw chuh a mite hiu intin uh; Pathien mawng chuh a kawm u ah um intin, A Pathien uh le hi’n a.

THUPHUON 21:3 ပူးပေါင်းရင်းမြစ်များ

EZEKIEL 37:27

Ka bâwkcha le a kawm u ah um intin, a Pathien uh hing ka ting, amau chuh ka mite hi’nau.

2 KORINTH 6:16

Milim haw leh Pathien Ho-In inle banga kituokna a neih uh? Eihaw vang, Pathien hing Ho-In I ngâl u a: Pathien in, “Kei, amau lak ah cheng ing ka ting, Amau tawh kitawn ing ka: Chun, a Pathien uh hi’ng ka ting, Amau haw le ka mite hi’n au,” a tih bang khan.

JOHAN 14:23

Isu’n a dâwng a, “Mi’n ei hehpih chun, ka thu zawp intin, ka Pa’n amah chuh hehpih ina, tichun, a kawmah hung ing ka ting un, a kawmah um zing ung kau.

ZEKARIA 8:8

Chun, hun puikhawm ing ka ting, Jerusalem ah cheng tan au, Tichun, ka mite hiu in tin, Kei a Pathien uh hi’ng ka.”

HEBRAI 8:10

Zie nikhuo haw nung achun Israel inkawte kawmah, Ka thugawlh ding chuh ziehaw hi a hii, Lalpa’n a tii; A lunggil u ah ka dân thupiek haw kawih ka ting, A lunggil u ah le zik ing ka ting; Chun, amau dingin a Pathien uh hi’ng ka ting, Keia dingin le amau haw chuh ka mite hi’nau, Lalpa’n a tii.

JEREMIA 31:33

Chun, ziehaw zawh nunga Israel inkawte tawh thugawlh thak ka siem ding chuh ziehi ahi, Lalpa’n a tii: A lunggil u ah ka thupiek kawih ing ka ting, a lunggil uh a le zik ing ka. Kei hi a Pathien uh hi’ng ka ting, amau haw chuh ka mite hita’n au.

HEBRAI 11:16

Himahleh, tu’n vang, gam phazaw sem ut a na hiu a, zie chuh van a um a hi; khutichun, Pathien chun, a Pathien uh tih a um chuh a zakcha puoi; amau dingin khawpi khat guotsa a kawih sak tâk ziekin.

ZEKARIA 13:9

Tichun, amun thumna te chuh mei ah patep ing ka ting; dangkaguo sukthientho bangin amau hih thiengtho ing ka ting. Sana patep a um bangin amau chuh enchien ing ka. Zie tieng chuleh kei kawmah paucham untin, amau haw ngaitha’ng ka. Chun, amau chuh ka mite ahiu, ti’ng ka ting, amau haw chun, Lalpa chuh ka Pathien uh ahi, ti’n au,” tih hi Lalpa kamsuok ahi.

JEREMIA 32:38

Chun, ka mite hiu untin, kei a Pathien uh hing ka ting,

THUPHUON 7:15

Zieziek a chuh, Pathien lalchutphah maa um ahiu a, chun, a sun a zan in a Ho-In achun a zenviel sek ui. Lalchutphah a chu pa chun a puon-In achun chenpih ina.

2 KORINTH 6:18

Nanguh dingin Pa hi’ng ka ting. Nanguh le, kei dingin chanu, chapa hi’n lau,” Lalpa, Bangakai hihtheipa chun a tii.

THUPHUON 21:7

A zo ta chengin zie chuh ka kawm apat muu un tin; Kei a Pathien u hi’ng ka ting, amau chuh ka chate hi’n au.

JOHAN 1:14

Tichun, Thu chuh phehlevo a hung suok a, I laku ah a um ta a, lungsietna leh thutak in a dim hi. Pa Cha chang khat neih, lopi guolin, a lopi zie I muu hi.

ISAI 12:6

Zion a umte haw chuh ngeih tak in kiko u henla, Israel Pathien Thiengtho, a mite laka cheng chuh a lopi ngâl a,” ti’n.

THUPHUON 12:10

Chun, van a kipat chuh aw ngeih tak in, “Tuhin chuh I Pathien uh hukdamna leh, thilhih theihna leh gam chuh a hungtung tai! Tuhin, Krista chun a thuneihna chuh a sulang tai! Tuhin, I Pathien uh masanga dinga, I suohpihteu sun leh zan a hêk sekte khah, van apat a paihthâk in a um tau hi.

EZEKIEL 43:7

Ka kawmah, “Mihing chapa, zie mun hih ka lalchutphah umna mun, ka kêngpêk ngakna, Israel chate laka kumlekhuo a ka chênna ding mun a hi: Ka min thiengtho chuh Israel inkawte’n ahim, a lengteu in ahim pathien dangte hona’n leh a lengteu luong vuihna a mang in, subuok ta puo’n au.

1 LENGTE 8:27

“Himahlele, Pathien chu lei ahin a cheng taktak thei ding a ahim? Ngaitie, van leh vante van inle nang a hun dawl puoh a; zie ka In sak hi bangti tiengin a neu ta dem!

2 KHANGTHUBU 6:18

“Himahleh Pathien chu lei a hin mihing lak ah a cheng takzet na dem? ngaitie, Van haw, van haw van ale dawllo na hi a, zie ka In sak a hin bangti’n na um thei die?

THUPHUON 10:8

Chun, van apat a aw ka zak khan ei hun hopih kit a, “Tuisuohgiet leh thingtâng chunga ding, vânsâwlchâk khuta lehkhabuziel hawnsa khuh va la ta’n,” a tih ka za a.

THUPHUON 10:4

Chun, van-gi sagihte’n a awu a hun suoh phet un, zik ka guot leh, “Vangi sagihte thugen chuh îm chak inla, zik dah ta’n,” ti’n van apat in aw ka za a.

PAWTDAWKNA 25:8

Chun, Munthiengtho ei siem sak u hen, a lak u a ka chên theihna dingin.

PAWTDAWKNA 29:45

“Tichun, Israel chate lak achun chêng ing ka ting, chun, a Pathien uh hi’ng ka.

EZEKIEL 48:35

A kimvel in tawng singkhat leh sanggiet hi’n tin; zie ni apat chun khawpi min chuh “Jehovah Shammah” Lalpa umna tih hi ding ahi, ti’n.

1 THESSALONIKA 3:11

Tichun, I Pathien u leh Pa mawng leh, I Lalpau Isu chun, na kawm u a hungna dingin lampi ei guonggalh sak ta hen!

HEBRAI 8:2

Amah chun, Mun Thiengtho pên, mihiem sak hilo, Lalpa sak ngêi hobuk tak tak achun Thiempu Lienpen nasep chuh a sem ahi.

THUPHUON 22:3

Chun, zie khawpi sung achun hansie him um ta puo’n tin, Pathien leh Belamno lalchutphah chuh um zaw ta’n tin; tichun, a suokte chun amah chuh zenviel un au.

KISIMNA 9:16

Khutibang chun a um zinga; meipi chun a khuh zinga, zan leh meikuong tawbang in a kilang a.