THUPHUON 20:3 - PATHIEN LEKHABU THIENGTHO (BSI)

³ Tichun, kum sangkhat sunga dingin thampikuo-âwng achun a paih lut a, a khâk khum a; kum sangkhat chuh a hung kivel kit masang sieh, namtin a thep kit lohna dingin a châlmat khum ta a. Zie nung chuleh, chawmkhat sung a dingin thahdawk takdih ding a hii.

THUPHUON 20:3 ပူးပေါင်းရင်းမြစ်များ

THUPHUON 20:1

Chun, vânsâwlchâk, thampikuo-âwng chabi leh, thikkhau lien tak chawia, van apat a hung suk ka mu a.

THUPHUON 17:8

Sahang na muh khah khatvei khah a hing a, himahleh, a hing zawm ta puoi. chun, thampikuo-âwng apat in hung pawtdawk intin, manthaina ah chieh ina. Leia mihingte, khawvel kisiem tung apat Hinna Lehkhabu a min kizik lote chun. sahang chuh a muh tiengu leh maksa’n dim un au. Khatvei khah a hing a; tu’n a hing kit ta puoh a; himahleh hung kilang kit ding ahi ngâl a.

DANIEL 6:17

Tichun, suong a lau a, a kawtkhak achun a kawih u a, Daniel chuh kuoma’n a hukdawk lohna dingin leng chun a tiemtehna leh a milopite tiemtehna ngêi chun a chung chuh a tiemteh tau a.

THUPHUON 12:9

Chun, Dragon lien tak, gulpi têk, Diabol leh Setan a tih uh, khawvel pumpi thempa chuh a paih tha tau a. Tichun, amah leh a sawlchakte chuh leia paihthâk khawm in a um tau hi.

MATTHAI 27:66

Khutichun, a chieh u a, suong chuh a melchik u a, thân chuh a ven sak tau hi.

2 KORINTH 11:3

Himahlele, gul in a chit gukhahna a Evi a thep guol khan, na lungthim ngaihtuohna teu chuh, bang-em ti’n, Krista kawma bukim tak leh thiengtho taka na kipiekna teu chuh suksiet in um kha’na tih ka lau hi.

2 PETER 3:8

Himahlele, suohpihte, zie thu kamkhat hi hengilh kiu! Lalpa ngaih chun ni khat hi kum sangkhat tawbang ahi a, kum sangkhat hile ni khat tawbang phet ahi, tih hih.

SAM LEHKHABU THE PSALMS 90:4

Nang ngaih chun kum sangkhat hi, Thangni bei ta bang phet kha ahi ngâla. Zan venkhat sung bang phet mah ahi.

THUPHUON 17:2

Leia lengte chun amah chuh a deihcha sek uh a, khawvel a mite chule, a mi deihchak nawpna uain chun vâk kham in a um sek ui,” a ti a.

THUPHUON 13:14

Sahang masa mitmuh a melchikna hih dinga phalsak a a umna kha mang in, mi chengcheng a thêm sek a. Sahang, chemzâma liemsa, hung dam kit pa limbawlna ding chun, amah lim a siem dinguh a hii, ti’n a hilh sek a.

MATTHAI 24:24

Krista lêmte leh thiemgau lêmte hung pawt ding ahi ngâl uh a. Ziete chun melchikna nasatak leh, thilmak lopitak hun etsak un au, a hihtheih diek chun, telte nasan le hun dawha bawl ding ahiu hi.

MARK 4:15

Lampi panga kie haw chuh ziehaw hi ahiu: Thu a zâk zâk un, Setan in a lungthim u a thu kitheh haw chuh a lâksak pai zieng a.

LUKE 8:31

Chun, thithate chun thampikuo-âwng a sawl lo dingin Isu kawm achun a ngên u a.