THUPHUON 20:2 - PATHIEN LEKHABU THIENGTHO (BSI)

² Chun, dragon, gulpi têk, (zie chuh Diabol ahim, Setan ahim a hii) chuh a man a, a kân a.

THUPHUON 20:2 ပူးပေါင်းရင်းမြစ်များ

2 PETER 2:4

Chun, Vânsâwlchâkte’n thil a sukkhelh lai uh khan, Pathien in a hâwi puoh a, gawtmun ah a paih lut vek a, a chungthuu chuh vainung leh tan sak dingin a sit a, kawkhuk thim ah a khum tai.

THUPHUON 12:9

Chun, Dragon lien tak, gulpi têk, Diabol leh Setan a tih uh, khawvel pumpi thempa chuh a paih tha tau a. Tichun, amah leh a sawlchakte chuh leia paihthâk khawm in a um tau hi.

JUDA 1:6

Chun, vânsâwlchâkte’n, amau sawlchak hihna kivawp lo a, a chênnau taihsan zawte chuh, Ni lopi, vaihawmna a dingin, khawthim nuoi ah, kumkhuotuong kânna a chuh kân sa’n kawih ahi tai.

JOHAN 12:31

Tu’n zie khawvel hi a chung thu ngaihtuoh hun a hi ta a; zie khawvel vaihawmtu hi paihthak a um ding ahi.

ISAI 27:1

Zie ni chuleh Lalpa chun, a chemzâm hiem hawih tak, lopi tak leh thilhih thei tak chun Leviathan gulpi hattak leh, Leviathan gulpi kiviel ngeungo chuh gawt intin, tuipi a dragon chule that ina.

THILSIEMBUL 3:15

Chun, nang leh numei hi hun kidosak ing ka ting; nang suonte leh numei suon le kido sak ing ka; amah chun na luchang khên thidup intin nangin a khawtalzum chu thidup in la,” a ti a.

1 PETER 5:8

Pilkieu unla, khawthengai un! na kilanpih uh Diabol chun, keipi bakkai kitum sek bangin, a nek theih ding hawl in a kipei hethut sek hi.

HEBRAI 2:14

Tichun, chapangte hi, phehlevo leh thisan neite ngêi ahiu a, zie tawbang mah chun Isu ngêi chule a mihiem hihnau chuh nei in, amau haw tawbang chuh a hung hi ta a. Zie chuh, thihna chunga thunei, Setan thahatna chuh a thihna zieka a sukmangthai theihna ding leh,

ROME 16:20

Khutichun, chamna Pathien chun, chawmlo kalin, Setan chuh na kêngpêk nuoi u ah hun tawh den sak pai zieng ina. I Lalpau Isu Krista lungsietna chuh na kawm u ah um hen.

JOHAN 16:11

Pathien thutanna ale thiemmawh changin um un au, zie khawvel vaihawmpa chuh thiemmawh changa thutan khum a hih tâk ziekin.

THUPHUON 13:2

Chun, ka sahang muh chuh keite tawbang a hi a, a kênghaw chuh savawm keng tawbang a hi a, a kam chuh sakeibaknei kam tawbang ahi. Dragon chun sahang kawm achun a thilhih-theihna leh, a lallukhuk leh thuneihna nasa tak a pie a.

THUPHUON 12:17

Khutichun, dragon chuh numei chung achun a lungna mah mah ta a, tichun, a suonte haw, Pathien thupiek haw zawp a, Isu hetpihna thu pawmte chuh do dingin a chiehdawk ta a.

THUPHUON 12:15

Chun, dragon chun tui a tawh mang sak theihna dingin, numeinu nung lam achun, a kam apat in tui nasatak mai hi a phih dawk a.

THUPHUON 12:13

Tichun, dragon chun, leia paihthâk a hi tih a kihet phetin, chapa neinu numei chuh a sugimthei pan ta a.

MARK 5:7

ngeih tak a kiko in, “Isu, Pathien Chungnung pên Chapa, kei leh nang banga I kitimatna um? Ei hihgimthei lo dingin Pathien min in ka hun ngên hi,” a ti a.

MATTHAI 8:29

Chun, ngai tie, amau chun, “Isu, nang Pathien chapa, nang leh kei u nih in banga kitihmatna I neih uh? a hun maa ei sugimthei dinga taka hi hung na him?” tin a kiko u a.

JOB LEHKHABU THE BOOK OF JOB 1:7

Tichun Lalpa chun Setan kawm achun, “Khawilam a kipata hung na hi?” a ti a. Chun, Setan chun Lalpa chuh a dâwng a, a kawmah, “Leia ka vakvielna apat leh ka chieh suk ka chieh toh na apat in,” a ti a.

THUPHUON 13:4

Chun, dragon chun sahang kawma a thuneihna a piek ziek chun, dragon chuh mi chengcheng chun Pathien bangin a ho tau a. “Sahang tawbang hi kuo a um? Kuo a do thei ding?” ti’n, sahang chule a ho uh a.

THUPHUON 9:11

Chun, Thampikuo-âwng sawlchak chuh a chunguh a lalpen in a nei uh a, a min chuh Hebrai pau in Abaddona ahi a, Grik pau in, Apolluona ahi. (A umzie chuh, “Sumangthaipa,” tihna ahii.)

MATTHAI 19:29

Kuole, suohpihte ahim, suohpihnute ahim, nu ahim, chate ahim, gam ahim, ka min zieka taihsan ta chun aleh za muu untin, kumsawt a hinna hung chang un au.

THILSIEMBUL 3:1

Chun, Lalpa Pathien in ganhing a siem chengcheng lak achun gûl a gukhah pên a. Tichun amah chun numei kawm achun, “Pathien in, ‘Huon a thinggah mawngmawng hi na nek loh ding uh ahi,’ a ti maw?” a ti a.

ISAI 24:22

Chun, amau haw chuh suongkultâng bangin kawkhuk ah khum khawm intin, a gawtna ding ni a tun ma cheng chuh khâk khum intin; ni sawttak nung leh gawt ina.

MARK 4:15

Lampi panga kie haw chuh ziehaw hi ahiu: Thu a zâk zâk un, Setan in a lungthim u a thu kitheh haw chuh a lâksak pai zieng a.

THUPHUON 12:3

Chun, thilmak dang van ah a hung kilang kit a; ngaitie! dragon san, lien tak, luchang sagih leh ki sawm nei, lallukhuk kikhuk hi a hung um a.

THUPHUON 12:4

A mei chun van aksi, mun thuma khena mun khat a luoi a, lei chungah a paih tha ta a. Nau a suok phat phata a valh zawh theihna dingin, dragon chuh numei nau nei ding âng achun a ding zing a.

THUPHUON 20:7

Chun kum sangkhat chuh a kichaih tieng leh. Setan chuh a tânna apat chun thah dawkin um intin.

THUPHUON 20:10

Tichun, amau haw thempa Diabol chuh. sahang leh thiemgau lêm umna, mei leh kât dîl achun a paih tau a; tichun, kumkhuotuong in, a sun a zan a sukgimtheih in um ta’n au.

EZEKIEL 47:5

Chun, tawng sangkhat a teh kit a, ka palkaih zawh loh luipi a hung hi ta a, tui chuh a hung khang zel a, a pala pal guol loh, a zap a zap khawp hiel luipi ahung hi ta a.