THUPHUON 2:2 - PATHIEN LEKHABU THIENGTHO (BSI)

² Na sep zie te, na gim ziete leh, na thuokhat ziete, migilo na ngaih theih loh ziete ka hêi. Sawlchak hisâm lo a, sawlchak kitite chule na patepa, lepchieh ahiu ui tih le na he ta a.

THUPHUON 2:2 ပူးပေါင်းရင်းမြစ်များ

1 JOHAN 4:1

Deihtakte, thagau tapoh gingcha kiu, amahvang chuh, thagau chuh, Pathien apat a hih leh, hih loh khuoltuok masa’n, patep un. Thiemgau lêm tamtak khawvel ahin a hung pawt tâk ziekun.

1 THESSALONIKA 5:21

Thil bang cheng chuh phawchien zawu inla, a phata pawm det un la;

THUPHUON 3:8

Na thilhih ziete ka hêi. Thilhih theihna tawmcha na nei a, ka thu sinsak te na zawp a, keia dingin na ginum hi tih ka hêi. Kuomah khâk theih loh, kawtkhak hawn sa na masangah ka kawih hi.

2 TIMOTHE 2:19

Himahlele, Pathien suongphum dettak chuh suk tawih ding guol ahi puoh a; a chung achun zie thu haw hi zik ahi: “Lalpa chun amah a haw chuh a he a,” tih leh, “Lalpa min lo taphawtte chun gitloh taihsan hen,” tih hi.

1 THESSALONIKA 1:3

ka pauchamnau haw achun na min uh lo in, nangmau haw, na bawnchau a dingin Pathien kawmah kipahthu ka gen zing sek ui.

GALATI 1:7

Himahleh, zie chuh, “Chanchin Pha,” ahi hiel puoh a; nangmau haw hun subuoi in, Krista Chanchin Pha suklamdan nuom, kuote ahim, na lak uh a a um ziekun zie chuh a gen ahi.

SAM LEHKHABU THE PSALMS 1:6

Lalpa chun mi diktatte lampi chuh a he ngâl sek a; Himahleh, mi dukdaklote lampi vang chuh beimang in a.

THUPHUON 3:1

“Chun, Sardis khuo a sapchuom haw lawi vânsâwlchâk kawm achun hiti hin zik ah: “Pathien Thagau sagih leh, aksi sagih neipa khan zie thu haw hi a gen a hii: Na thilhih ziete ka hêi, thi zing ngâla, hing min na put hi.

HEBRAI 6:10

Na nasep u leh, a min zieka hehpihna na latsak sek uh, mithiengthote na zenvielnau, tu tieng a le na hih zing uh chuh hengilh dingin Pathien chuh mi diktatlo a hi puoh ngâl a.

EPHESI 4:14

Chuleh, milem hatte sinsakna, amau muhdawk kawmte zawnchitna huih in, muntin cheng a tawh lawn viel chapang hi ta puoi ting uh;

THUPHUON 2:9

Na gimtheih ziete, na chatgah ziete, himahleh, na hausa ngâl a! Juda tak hilo a, Setan kikhawpna laka tel hizaw ngâla, Juda kiti haw hun gensietna le ka hêi!

THUPHUON 2:6

Himahlele, ziehi na phatna chuh ahi, Nikola lawi thilhih haw na hawt hih, zie chuh ken le ka hawt sek him ahi.

THUPHUON 3:15

Na thilhih ziete ka hêi, vawt la na vawt puo’n, lum la na lum puo’n; na vawt ahim, na lum ahim ka deih ahi!

MATTHAI 7:23

Zie tieng chuleh, ‘Nang haw thil gilo hihte, ka hun he kha puoi, ka kawm apat chieh mang un’ tin amau haw chuh hilh ing ka.

JOHAN 6:6

(Zie thu chuh amah zedapna dinga a gen ahi; a hih ding chuh a ma’n a hezing ngâl a.)

THUPHUON 2:5

Khutichun, na puksansa chuh gel zing inla, lunghei in, na thilhih masapen khah hih kit ah, khutilochun, na kawmah hung ing ka ting, na lunghei loh vang leh, na sana thaumei kawihna khah a mun apat chawn ding ka hi.