THUPHUON 2:10 - PATHIEN LEKHABU THIENGTHO (BSI)

¹⁰ Na thil thuok ding haw hi lau ki’n; ngaitie, patepa na um theihna dingin, Diabol chun na lak uh a mi khenkhat chuh suongkul a hun khum ding a hii; tichun, ni sawm sung gimtheihna thuok unlau. Himahlele, thih tiengin taksanum in na um in, tichun, hinna lallukhuk chuh hun pie’ng ka.

THUPHUON 2:10 ပူးပေါင်းရင်းမြစ်များ

JAKOB 1:12

Thepna thuok hâm hâmte chuh a kipâk ui, patepa a um nung leh, hinna lallukhuk, Lalpa’n amah hehpihte kawma a tiem chuh mu ding ahi.

MATTHAI 10:22

Ka min ziekin mi chengcheng muhdah in um un na tin uh, himahlele a tâwp tienga thuok ngâp ta chuh, zie ngêi chuh hukdam in um ina.

1 PETER 5:4

Tichun, Belam Chingpa Lalpen chuh a hung kilak tieng leh, lopina lallukhuk, tuoi theilo chuh mu’n lau.

MARK 13:13

Kei ziekin mi chengcheng muhdah hi’n lau; himahleh, a tâwp chana thuok ngâp chuh, zie ngêi chuh hukdam in um ina.

EPHESI 6:12

I kibuonpih hawu hih sapum leh thisan a hi puoh a; lalna haw leh, thuneihna haw, leh zie khawthim chunga vannuoi vaihawm haw leh, van mun haw a thagau phalo um haw ahi zawu hi.

THUPHUON 2:9

Na gimtheih ziete, na chatgah ziete, himahleh, na hausa ngâl a! Juda tak hilo a, Setan kikhawpna laka tel hizaw ngâla, Juda kiti haw hun gensietna le ka hêi!

MATTHAI 24:13

Himahlele, a tâwp tienga thuok ngâp ta chuh hukdam in um in a.

1 PETER 5:8

Pilkieu unla, khawthengai un! na kilanpih uh Diabol chun, keipi bakkai kitum sek bangin, a nek theih ding hawl in a kipei hethut sek hi.

1 KORINTH 9:25

Guolsiek bawlna haw achun a bawl hâm hâm ta chuh bangakai ah a kidêk sek ui; amau haw chun lallukhuk sie thei mu dingin a bawl u a; ei uh vang chun Lallukhuk sie theilo mu ding I hi ngâl u a.

MATTHAI 10:28

Chuleh, sapum that a thagau that theilo haw chuh lau kiu in la; zie sang chun, Gehen a thagau leh sapum sumang thei vang chuh lau zawu in.

DANIEL 1:14

Tichun, zie thu chuh lem a sak pih ta a, amau haw chuh ni sawm sung chu a patep ta a.

THUPHUON 13:7

Chun, mi thiengthote a do leh a zawh chuh phal ahi ta a, chun, chitin leh namtin, pautin leh, phung tin chengte chunga thuneihna chuh piek in a um ta a.

EPHESI 2:2

Zie hun lai khan khawvel gitlohna lampite hawh in; vanthamzawl a thuneihna leng, tu a Pathien thu awilo chate chunga vaihawmpa thagau chuh na zawp zawu hi.

JOHAN 13:2

Isu leh a sinsakte’n nitâk Ankuong a um u a. Diabol in Simon chapa, Iskariot Juda lungthim achun, Isu matsakna dingin na a na sem zo kêi ta ngâl a.

JOHAN 12:25

Kuole, a hinna thalah chun a chan sek a; kuole, zie khawvel a hi, a hinna ngaitam chun, kumsawt a hinna ding vawp zing ina.

LUKE 21:12

Himahlele, zie thil haw a hungtun masang chun, hun man untin, hun sugimthei untin uh; kikhawpna In ah na chung thuu tan dingin hun pie dawk untin, suongkul ah hun khum un au; ka min ziekin lengte leh vaihawmte masangah hun pui un au.

MARK 8:35

Kuole, a hinna humbit nuom ta’n chan in tin; himahleh, kei ziek leh Chanchin pha zieka a hinna chân ta’n humbit ding ahi ngâl a.

HABAKKUK 2:3

Zie kilâkna chuh hun guot sung a ding chauh ahih ziekin, a tâwp chuh tung pai ding ahi a, thâwn puo’n a. Chanchûm tak guolin kilang mahleh, ngak in, hungtung ngêi ngêi ding ahi a, sawt hal ta puo’n a.

DANIEL 1:12

“Na suokte hi ni sawm sung ei patep inla, nek ding ancheh leh dâwn ding tuisik chauh ei pie dingin ka hun ngên hi.

THUPHUON 13:2

Chun, ka sahang muh chuh keite tawbang a hi a, a kênghaw chuh savawm keng tawbang a hi a, a kam chuh sakeibaknei kam tawbang ahi. Dragon chun sahang kawm achun a thilhih-theihna leh, a lallukhuk leh thuneihna nasa tak a pie a.

NASEPTE 21:13

Himahleh, Paul chun, “Bang na tiu a ahim, na kah na kah uh a, ka tha na suksiet uh? Lalpa Isu min ziek chun, Jerusalem khuo ah kân maicha hi puo’ng ka ting, thih le hung thi ding ka hi a puo!” a ti a.

NASEPTE 20:24

Himahlele, kitaihsiekna lampi, ka maban muolsuoh ding leh, Pathien lungsietna Chanchin Pha phuong dinga Lalpa Isu’n nasep ding ei piek chuh sem buting phawt leng, ka hinna le thaklah takin ka ngai puoi.

JOHAN 13:27

Khutichun, Juda’n chângthâk a lak lak chun, Setan chuh a sung ah a lut ngâl ta a. Ziephet chun, Isu’n a kawmah, “Na hih ding ding chuh hih meng ah,” a ti a.

SAM LEHKHABU THE PSALMS 31:23

Aw, a mi thiengtho chengcheng te, Lalpa chuh hehpih un; Lalpa chun a mi ginum chuh a humbit a, himahleh, kisathei taka hihhaw chuh nasatak in a din sek hi.

THUPHUON 2:13

Na umna, Setan chutphah umna khah ka hêi; keia dingin taksanum takin na um a, ka thu ei hetpihpa Antipas, Setan umna a, na lak uh a a thah uh, ka mi taksanum tak, umlai nasan khan le, nei taksanna hi na kilepsan puoh a.

THUPHUON 13:14

Sahang masa mitmuh a melchikna hih dinga phalsak a a umna kha mang in, mi chengcheng a thêm sek a. Sahang, chemzâma liemsa, hung dam kit pa limbawlna ding chun, amah lim a siem dinguh a hii, ti’n a hilh sek a.

THUPHUON 17:14

Ziete haw chun Belamno chuh do un tin; himahleh Belamno chun, a telte, leh amah nungzui ginumte chu tawh amau chuh zo unau; amah chuh Lalte Lal leh, Lengte Leng a hih ziekin,” ti’n.

SUNNA LA 3:57

Ka hun sap ni’n nangin nei dâwng a; “Lau ki’n” nei ti a.