THUPHUON 18:2 - PATHIEN LEKHABU THIENGTHO (BSI)

² Amah chun aw ngeih tak in, “Babulon khawpi lopi chuh a chim tai! a chim tai! Thithate umna leh, thagau buok leh muhdahum tin chengte umna a hung hi tai!

THUPHUON 18:2 ပူးပေါင်းရင်းမြစ်များ

THUPHUON 14:8

Chun, vânsâwlchâk nihna chun. “Babulon khuo lopi, a mi deihchak nawp zieka. namtin kawma a lungnatna uain dâwnsaknu chuh, a chim tai! a chim tai!” ti’n a kiko a.

JEREMIA 51:37

Chun, Babulon chuh thilsie paih khawm na, si-âlte chênna mun, maksak huoi huoi leh chekkhum, a luoh um loh na mun hung hi’n a.

JEREMIA 51:8

Babulon chuh thakhat in a puk a, a mangthai ta a; amah chuh hah kah in kah un. Sukdam theih ding a hih chun, thingnai damdawi nuh thawh chi lak sak un.

THUPHUON 18:21

Chun, vânsâwlchâk hât tak khat hin, suong sumhei tawbang lientak khat hi a la a, tuisuohgiet ah a paih lut a, “Babulon khawpi lopi chuh hitibang taka nasa hin paih in um intin, kuoma’n mu kit ta hiel puo’n au.

THUPHUON 18:10

“Babulon khuo lopi, khuo det chuh a chung a gik ie! a gik ie! Dâkkâl khat sungin na chungah vaihawmna chuh a hungtung ta ngâl in,” ti’n, a sukgim lauh zieka gamla taka dingin. kahcham kawmin, a âwm uh kichup un au.

THUPHUON 17:18

“Chun, na numei muh khah, khuo lopi, leia lengte chunga vaihawm chuh ahi,” a ti a.

THUPHUON 17:5

A chalpâng achun thuguk, “BABULON KHUO LOPI NAWHCHIZUOKTE LEH LEICHUNG A KIHDAK-UMTE NU,” ti a min kizik a um a.

THUPHUON 16:19

Khawpi lopi tak chuh mun thum in a hung kikhen a, gam chengcheng khawpite chuh sukmangthai in a hung um vek ta a. A lungnatna uain dâwn ding. a lungnatna tâwp khawk khawn a kipata uain dâwn sak dingin, Pathien in Babulon khuo lopitak chuh a hezing ngâl a.

ISAI 14:23

“Sakuhte chênna dingin siem ka ting, tui kitin khawmna dingin siem ing ka, sukmangthaina munphieh in phiet ing ka,” Sepaihte Lalpa chun a tii.

THUPHUON 16:13

Chun, dragon kam apat leh sahang kam apat leh, thiemgau lêm kam apat, thagau buok thum, ukeng tawbang hung pawt hi ka mu a.

THUPHUON 14:15

Chun, vânsâwlchâk dang khat, Pathien Ho-In apat hin a hung pawtdawk a, meitang chunga chu pa kawm achun aw ngeih tak in, “Na kawite khah la dawk inla, ât ah; ât a phat ta ngâl a, lei buh haw khuh a kuoi zo ta khu,” a ti a.

THUPHUON 10:3

sakeibaknei kitum bangin ngeih tak in a kiko ta a. Khutia a kiko zawh chun, vangi sagihte chun a hun dâwng tau a.

THUPHUON 5:2

Chun, vânsâwlchâk hât tak aw ngeih tak a, “Kuo a zie lehkhabu a tiemtehna haw hi hihsie a, phel tâk um?” ti a kiko le ka mu a.

ZEPHANIA 2:14

Tichun, a sung achun gan hawnte leh ganhing chi tinte giek un tin, Simbute chuh thilsie lak achun cheng un tin, a tukvan haw achun hâm un au! Chun, vangawngsau leh sakuh te chuh a pindan chungnung ah giek un tin, Sidar thinga In kisa haw chuh suksiet hiding ahi ngâl a.

JEREMIA 25:30

“Zieziekchun, a chungu ah ziehi gen inla, a kawm u ah hiti hin ti’n; ‘Lalpa chuh chunglam a kipat hung kiko intin, a chênna Mun thiengtho pat chun a aw suoh ina, A huongsung ah ngeih tak in kiko in tin, grep chilte guolin kiko in tin; tichun, leia mitin cheng chun za’n au!

THUPHUON 1:15

A kengpekhaw chuh sumeng nawtval leh kihal thiengsa tawbang ahi a, chun, a aw chuh tui kikhawhtha gi guolin a gi hum hum a.

JOEL 3:16

Lalpa chuh Zion tâng apat in kiko in tin; Jerusalem khuo apat in a aw suoh in tin; vante leh lei kilîng ina. Himahlele, Lalpa chuh a mite dingin kihumbitna hi’n tin; Israel suonte dingin kulh insang hi’n a.

THUPHUON 11:8

Tichun, a luong u chuh a Lalpau a khetdênnau, khawpi lien tak khawlai dung achun kital ina. Zie khawpi etsakna min ding chun, Sodom leh Aigupta a tih uh a hii.