THUPHUON 17:4 - PATHIEN LEKHABU THIENGTHO (BSI)

⁴ Zie numei chun puonsandup leh san-au a silh a, sana leh suong mantam leh. tuikawkchang in a kichei a. Sana khawn, thil kihdak-um leh nen a dim, a mi deihchakna thil buok a dim set, a khut in a chawi a.

THUPHUON 17:4 ပူးပေါင်းရင်းမြစ်များ

THUPHUON 18:16

“Khawpi lopi tak, patngat puon silh leh, puonsandup leh puon san-au silh a, sana leh khi suongmantam leh, tuikawkchang a kivan nu chuh, a chung a gik ie! a gik ie!

JEREMIA 51:7

Babulon chuh Lalpa khuta sana khawn, lei chung pumpi kham sakna chuh ahi; nam te chun a uain chuh a dâwn u a, zieziekchun namte lungthim chuh a chavai zo tai,

THUPHUON 19:2

A vaihawmna haw chuh a dik in, a diktat a hi! Amah chun nawhchizuok lopi tak nu, a mi deihchak nawpna zieka leisiet supawlhcheh nu chuh thiemmawh a chan sak a. Pathien in a suokte thisan phuba chuh a la ta ngâla!” a tih ka za a.

THUPHUON 18:12

Kuoma’n a sanateu, a dangkaguoteu, a suong mantamteu; a tuikawkchang teu a châwksak ta puou a; chun, a patngatpuonteu, a puonsandupteu, a lungpuonteu, leh a puonsan a ute le a châwk sak puou a; thing gimlim tin cheng le, saiha umlebelte cheng le, thing mantam tak leh sumeng leh, thik leh suonggiel a kisiem ûmlebel tin cheng tawh.

SUNNA LA 1:9

A kihdak-umna chu a puonmawng ah a bek a; himahleh a tawpna ding chu a ngaihtuoh puoi. Nasa takin a puksie ta a; thamuontu ding himhim a nei puoi. A melmate’n a zo tau a, zahngaihna ngenin Lalpa, ngaitie, ka melma ten ei sukgimtheih zieu hi.

THUPHUON 14:8

Chun, vânsâwlchâk nihna chun. “Babulon khuo lopi, a mi deihchak nawp zieka. namtin kawma a lungnatna uain dâwnsaknu chuh, a chim tai! a chim tai!” ti’n a kiko a.

DANIEL 11:38

Ziehaw cheng, sang chun kulh pathien chuh limbawl intin. Tichun, a suonte’n a na ho khâk ngei loh uh pathien kawm achun sanate, dangkaguote, suongmantamte, leh thilpiek pha tampi chuh pie zaw’n a.

EZEKIEL 24:13

Na thienlohna chuh hûkna hi ahi a, hun sukthien ka guo a, na thien diek loh ziekin na chunga ka lungnatna ka sunthak vek masangsieh bangmah tik na thienlohna apat chun sukthien hita puon la.

EZEKIEL 24:11

Khutichun, bel chuh a ngawnin mei-âm chunga chuh suon zing hi hen la, hung san tin, a thik chuh hung âm intin, a thienlohna haw chuh hung tui intin, a tui-êk kikhawl khawm haw chuh hung bei ina.

1 LENGTE 14:24

Chun, zie gam achun pasal kizuok te le a um u a: Israel chate masanga Lalpa’n a delhdawk tâk nam te thilhih kihdak-um tin cheng chu a hih u a.

HOSEA 9:10

Lalpa chun, Israel te ka muhdawk pat ni chun, gamgaw a grep bang mai ahiu a. Nang haw hun suonte chuh theipi gah min masa bang phet ahiu ui. Himahleh, Baal-Peor tângah a hung u a, zahchâk um takin a masang achun a kisuthiengtho u a, tichun, a pathien hoteu banga kihdak-um a hung hi tau hi.

EZRA 9:11

Na thupiek ka nungngat ta ngâl u a. Na suok thiemgaute manga na thugen, ‘Luoh dinga na zawt uh gam chuh a sunga cheng te ziekin a buok zo ta a; na thil phalo bawl u chun gam chuh a mawng khat apat in a langkhat chanin a luoh suok tai.

EZEKIEL 20:30

Khutichun Israel inkawte kawm achun gen inla, Lalpa Pathien chun hiti hin a tii: Na pileputeu guola nangmau kisubuok in a tenumna lampi hawu a chuh petmang na hi tau maw?

2 LENGTE 21:2

Chun, Lalpa’n, Israel chate masanga a nawhdawk tâk namte’n, thil kihdak-um tak a hih sek teu hih in, Manasseh chun Lalpa mitmuh in thil kihdak-um takte a hih sek a.

EZEKIEL 36:25

Chun, na chung u ah tui chîm theh ing ka ting, hung thiengtho in na tin un, na buokna teu chengcheng leh na milim hawu lak apat chun hun hih thieng ing ka.

DAN NIHNA 29:17

Thing leh suong leh dakguo leh sana a kisiem, a lak u a um, a thil kihdak-um teu, a milim hawu kha na mu ngâl u a.

ISAI 66:3

Bâwngchal that chuh mihing that tawbang ahi a; belam no a kithawi chuh ui gawl âttan tawh kibang ahi a, an thillat lânte chule vawk thisan a kithawi tawbang ahi; gimlim lân chule milim pathien vangsak tawbang ahi. Ahi, amau lampi a tel zawu a; thil tenum hih teu achun a lungthim uh a kipâk sek u a.

EZEKIEL 28:13

Pathien huon Eden ah na cheng a; Suongmantam chitin chengin na kikhuh a, sardius, topaz leh diamond, Beril, onix, jasper, sapphire, emerald leh karbangkal, A kiphuhna leh a kituohna haw sana a kisiemte, siem na hih ni a guot zawhsa ahiu.

THUPHUON 9:21

A tuolthah uh leh, a dawi mat uh leh, a kideihchak uh leh a gukchaknateu chule a haihsan diek puou hi.

THUPHUON 21:21

Chun, kawtpi sawmlenih te chuh, tuikawk chang sawmlenih te chuh ahi a; kawtpi chengcheng chuh, tuikawk chang khat chieta kisiem ahi. Zie khawpi khawlai chuh, sana thieng tak, hai vak let thei tawbanga thieng ahi.