THUPHUON 17:3 - PATHIEN LEKHABU THIENGTHO (BSI)

³ Khutichun, amah chun thagau in gamthip ah ei pui a; Pathien gensietna min a dim, sahang, luchang sagih leh ki sawm nei, gamsa sandup chunga chu numei khat ka mu a.

THUPHUON 17:3 ပူးပေါင်းရင်းမြစ်များ

THUPHUON 12:3

Chun, thilmak dang van ah a hung kilang kit a; ngaitie! dragon san, lien tak, luchang sagih leh ki sawm nei, lallukhuk kikhuk hi a hung um a.

THUPHUON 17:18

“Chun, na numei muh khah, khuo lopi, leia lengte chunga vaihawm chuh ahi,” a ti a.

THUPHUON 12:6

Chun, numei chuh thaleka Pathien in amahnu dinga mun a guonggalhna mun achun a taimang a, zie tak a chuh ni sangkhat leh ni zanih leh ni sawmgup sung chuh a khawi theihna dingin.

THUPHUON 17:4

Zie numei chun puonsandup leh san-au a silh a, sana leh suong mantam leh. tuikawkchang in a kichei a. Sana khawn, thil kihdak-um leh nen a dim, a mi deihchakna thil buok a dim set, a khut in a chawi a.

THUPHUON 12:14

Tichun, thalek muna a umna a chuh a lên lut theihna dingin, numei chuh mupi lien tak tha lang nih hi a pieu a, zie tak a chuh kum thum leh a kim chuh, dragon in a dona apat a chuh bit taka etkawl a a um theihna dingin.

DANIEL 7:25

Chun, Chungnung pên pa kalh in thu gen intin, mi thiengthote chuh sugimthei in a, hunte leh dân chuh sukdanglam guo’n tin, hun khat leh hunte leh hun kimkhat sung chuh a khut u a piek hi’n a.

DANIEL 7:20

Chuleh, a luchang a ki sawm nei leh, a nunga a dang hung pawt a, a masanga a dangte puk ta chungchâng chuh le het ka nuom a. Zie chun mit leh kam a nei a, chapo takin a kisuong a. A dangte sang chun tizat-um diek ahi.

DANIEL 7:8

A kite chuh ka et lai in, a lak apat chun ki dang khat, neucha hi a hung dawk a; a masa thum te chuh abul chin taka bawhthâk in a um a. Zie ki chun mihing mit tawbang a nei a, kam le a nei a, chapo takin thu a gen ta a.

THUPHUON 21:10

Ziephet chun, Thagau in ka hung dim ta a, vânsâwlchâk chun tâng lienpi, sang tak chung ahin ei pui ta a. Jerusalem, khawpi Thiengtho, Pathien kawm apat van a hung suk,

EZEKIEL 8:3

Chun, khut tawbang hi a hun thadawk a, ka chalsam in ei mana, Thagau chun lei leh van kal ah ei dawm kâng ta mai a, Pathien kilâkna’n Jerusalem ah ei pui a, huong sungnung mâllam a kawtpi khakna bul a chun ei puitung ta a; zie tak achun Pathien thikthu susie milim chutna mun chuh a uma, zie chun a thikthu a chawktho seka.

EZEKIEL 11:24

Chun thagau chun ei dawm kang a, kilâkna achun Pathien thagau in Kaldai gama saltângte kawm achun ei pui ta a. Ziephet chun, kilâkna ka muh chun ei nusieh ta a.

2 THESSALONIKA 2:4

Amah chun pathien a vawh tâk phawt u leh, sakhuo chengcheng do in, a chung u a um guo’n amah kilimbawl ina. Chun, Pathien Ho-In achun lut in, chu’n tin, Pathien bangin kigen ina.

EZEKIEL 3:12

Khutichun, Thagau in ei dawm kâng ta a, chun, ka nung lam ah van gi tawbang aw ngeih tak a, “A umna mun achun Lalpa lopina chuh pahchak in um hen!” hun ti hi ka he a.

SOLOMON LA 8:5

Kuo ahi gamthip a pata hung to a, a deihtak chunga kinel hih? Theipi bul nuoi ah ka hun chawktho a, zie tak achun na nu’n nauhanat in a hun vei a, Zie tak chuh ahi na nu’n nauhanat a a hun hinna chuh.

THUPHUON 1:10

Lalpa ni achun, Thagau in ka hung um a, chun, ka nung lam ah, pengkun gi tawbang, aw ngeih tak in,

DANIEL 11:36

“Chun, leng chun a nawp nawpin thil hih intin, amah kichawisang intin, pathien dangte sanga lienzaw leh, pathiente Pathien sanga lienzaw’n hung kikawih in a. Zie tawbang thil chu Pathien in a gawtna hun a tun macheng chu hih thei in a. Pathien in a thil guonggalh lawksa chu hun hih ngêi ding ahi ngâl a.

2 LENGTE 2:16

Chun, amau chun a kawmah, “Entie, zie na suokte hin, mi thahat taktak sawmnga ka umpih u a, chieh hi ting un, na pu chu va hawl hitiu. Lalpa thagau in a puito a, khawitak tâng ahim, a hihloh leh khawitak guom ahim a a khiekthak khatto hi’n a,” a tiu a. Elisha chun, “Chieh hiel kiu un,” a ti a.

1 LENGTE 18:12

Hiti hi hung hi’n tin, ka hun nutsieh sieh leh Lalpa thagau in hetlohna ah hun lamang ngâl intin, tichun Ahab ka va hilh a a hun. muh loh chun ei that mai ding ahi: himahlele na suok hin ka tanglak tung apat in Lalpa chu ka lau sek ngâl a.

THUPHUON 4:2

Tichun, phulo-halo in Thagau in ka hung um pai zieng a; chun, ngaitie! van ah lalchutphah a na kitung a. zie chutphah chung achun mi le khat a na chu a.

NASEPTE 8:39

Chun, tui lak apat a pawt toh phet u chun, Lalpa Thagau in Philip chuh a la mang ta a; tichun, mitilgeh chun amah chuh a mu kit ta puoi, himahleh, lampi achun kipâk takin a chieh zel ta a.

MATTHAI 27:28

Tichun, a puonhaw chuh a suohthak sak u a, puon sandup a silh sak uh a.

THUPHUON 18:12

Kuoma’n a sanateu, a dangkaguoteu, a suong mantamteu; a tuikawkchang teu a châwksak ta puou a; chun, a patngatpuonteu, a puonsandupteu, a lungpuonteu, leh a puonsan a ute le a châwk sak puou a; thing gimlim tin cheng le, saiha umlebelte cheng le, thing mantam tak leh sumeng leh, thik leh suonggiel a kisiem ûmlebel tin cheng tawh.

THUPHUON 18:16

“Khawpi lopi tak, patngat puon silh leh, puonsandup leh puon san-au silh a, sana leh khi suongmantam leh, tuikawkchang a kivan nu chuh, a chung a gik ie! a gik ie!