THUPHUON 17:1 - PATHIEN LEKHABU THIENGTHO (BSI)

¹ Chun, vânsâwlchâk sagih, belhbu sagih chawite laka khat chuh ka kawmah a hung a, ka kawmah, “Hung tie, luipi tamtak panga kisa, khawpi lopi taka nawchizuok lopitak nu gawtna ding chuh hun etsak ding ka hi.

THUPHUON 17:1 ပူးပေါင်းရင်းမြစ်များ

THUPHUON 19:2

A vaihawmna haw chuh a dik in, a diktat a hi! Amah chun nawhchizuok lopi tak nu, a mi deihchak nawpna zieka leisiet supawlhcheh nu chuh thiemmawh a chan sak a. Pathien in a suokte thisan phuba chuh a la ta ngâla!” a tih ka za a.

JEREMIA 51:13

Aw, nang tui tampi chunga cheng, sumlepai hau mah mah, na tâwp na chuh a hung tung tai; na hinna khau a tan tai.

THUPHUON 16:19

Khawpi lopi tak chuh mun thum in a hung kikhen a, gam chengcheng khawpite chuh sukmangthai in a hung um vek ta a. A lungnatna uain dâwn ding. a lungnatna tâwp khawk khawn a kipata uain dâwn sak dingin, Pathien in Babulon khuo lopitak chuh a hezing ngâl a.

THUPHUON 21:9

Chun, belhbu sagih chawi, gawtna nunung pên sagih puo, vânsâwlchâk sagihte laka khat chuh a hung a, ka kawmah, “Khaile, mo, Belamno zi chuh hun etsak ing ka,” ti’n ei hopih a.

JEREMIA 2:20

Malai a kipat khan na namkawl chuh na kisukbawt a, na kânna khaugui le na sutan a; tichun, nasem ta puo’ng ka na ti a. Tang sang chung haw leh thingbawk nuoi tin cheng achun nawhchizuok guolin na kûn viel viel a.

ISAI 1:21

Bangti dana khawpi ginum tak chuh nawchizuok hung suok ahi ta die aw! Thudik a vaihawm sek, diktatna a dim ahih maizen tawh, tuhin vang chuh tuolthatte a chêng tau hi.

THUPHUON 15:1

Chun, van ah melchikna dang, lopi tak leh mak tak hi ka mu a. Vânsâwlchâk sagih, gawtna sagih chawi hi a um a; zie chuh Pathien lungnat tawpna pên suklatna a hih tâk ziekin, gawtna tawpna pên chuh a hi tai.

ISAI 57:3

Himahleh, nanguh mitvaidawite chapate, zawlsaite leh nawhchizuok chate haw, ei hun naih un.

THUPHUON 21:15

Chun, vânsâwlchâk, ei hopihpa chun, khawpi leh, a kawtpite leh, a bang tehna ding chun, dangkaguo tehna mawlh hi a chawi a.

THUPHUON 4:1

Zie thil haw nung chun ka vak en a, chun, ngaitie! van ah kawtkhak kihawngsa ka vak mu a. Aw ka zak masak, pengkun gi banga ei hopihpa khan, “Taka hin hung to ah, tichun, tunung a thil hung um dingte chuh hun etsak ing ka,” a ti a.

LUKE 24:32

Amau chun, “Lampi a ei hopih laia, Pathien lehkha thu haw ei hilhchet lai khan, I sung ah I lunggil a kuong hiel hilo maw?” a kitiu a.

LUKE 9:30

Chun, ngaitie, mi nih amah tawh a kiho u a, zie te chuh Mosi leh Elija ahiu a,

EZEKIEL 31:4

Tui thieng in a châwm a, a khang tultul a, luipite chun thingbul tin chuh a luon kimvel a, mun zâng thing chitin dâwn dingin a luong viel ui.

THUPHUON 1:1

Isu Krista thuphuon dawk; Pathien in a sawntawlawite hetsak dinga a kawma a piek, thil hungtung vak zieng ding thute chuh ahi. Zie chuh a vânsâwlchâk sawl in, a sawntawlawi Johan a hun hetsak a,

THUPHUON 18:1

Zie thil haw nung chun, vânsâwlchâk dang, thuneihna nasatak nei a, van apat a hung kum ka mu a, a lopina chun lei pumpi hi a salhvak suok a.

THUPHUON 19:9

Chun, vânsâwlchâk chun ka kawmah, “Belamno zi neihna guolvakna a chiela umte chuh a hamphau ui, ti’n zik ah,” ei ti a. Vânsâwlchâk mah chun, “Zie thu haw hi Pathien Thutak ahi,” a ti a.