THUPHUON 16:9 - PATHIEN LEKHABU THIENGTHO (BSI)

⁹ Khutichun, mite chuh sa taka haih in a um tau a, tichun, zie gawtna chunga thuneitu Pathien min chuh a gensie tau a. Himahlele, a lopina pakcha dingin, a gitlohnau apat chun a lunghei nuom diek puou hi.

THUPHUON 16:9 ပူးပေါင်းရင်းမြစ်များ

THUPHUON 16:21

Giel lien tak, talent tawh kibang hiela gik hi van apat in mihiemte chungah a hung kie a, zie giel a gawtna ziek chun; mihiemte chun Pathien chuh a gensie tau a; zie gawtna chuh a nasa mah mah ngâl a.

THUPHUON 11:13

zie lai tak chun, leiling nasatak in a hung kilîng a, khawpi chuh mun sawma khena mun khat chuh suksiet in a um ta a, chun, mi sang sagih suklup in a um tau hi. A thi mâwk cheng chuh a lau mah mah uh a tichun, van Pathien lopina chuh a pakcha tau hi.

THUPHUON 2:21

Chun, lungheina dingin a kawmah hun ka tiem sak a. himahlele, a mi deihchak nawp chuh a haihsan nuom diek puoi.

LUKE 13:5

A hi chuom diek puou, ka hilh na hiu hi, nang haw le na gitlohnau apat a na kihei loh u chun ziete guol mah khan thi ding na hiu hi,” a ti a.

LUKE 13:3

Hi lo e, ka hilh na hiu hi, nang u le na lunghei loh u chun, ziete tawbang mah a chuh thi ding na hiu hi.

JEREMIA 5:3

Aw Lalpa, thutak chuh na muh nawp lam hilo ahim? amau chuh na zêp a, mahleh a lungkham diek puou; amau haw chuh a ne zo u a, thununna chuh a pawm nuom diek puou hi. A mai u chuh suongpi sanga tak zaw’n ahih u a, a kisik nuom diek puou hi.

THUPHUON 14:7

Chun, Pathien chuh aw ngeih tak in, “A vaihawm phat chuh a hungtun tâk ziekin, Pathien chuh lau unla, a lopina chuh pakchau un! Vante, leisiet te leh tuinakte siempa chuh ho un!” a ti a.

THUPHUON 9:20

Chun, mihiem, zie gawtna a suklup mâwkte chun, thithate leh, sana milimte, dangka milim te, sumeng milimte, suong milim te, thing milim te, bangmah mu thei lote leh za theilo, chieh thei diek lote a ho tâk lohna dingun, amau haw khut mâwnga a thil siemteu chuh a tâng diek puou hi.

2 KORINTH 12:21

Na kawm u a ka hungkit phat leh, ka Pathien in, na laku a, ei hih muolpho in, tuma sanga thil hihkhielte laka thil buok, kideihchak leh hûkna te leh kipawlna thanghuoi taka gilo a kisiklote ziek chun, kap gêt kha’ng ka tih ka lau hi.

EZEKIEL 24:13

Na thienlohna chuh hûkna hi ahi a, hun sukthien ka guo a, na thien diek loh ziekin na chunga ka lungnatna ka sunthak vek masangsieh bangmah tik na thienlohna apat chun sukthien hita puon la.

ISAI 8:21

Lungkham tak leh gilkiel kawmin zie gam chuh tawh viel untin, chun, hiti hi hi’n tin, a gil uh a kiel tieng a lung uh na mah mah untin; a lal u leh a Pathien u chuh hansie lawh zawk zawk un tin, van lam nga’n dâk uou uou un au.

ISAI 1:5

Bang zieka zêpa um a, kiphin nalai ding na him? Luchang chuh a pum in a na a, lunggil chule a pum in a chau zo tai.

2 KHANGTHUBU 28:22

A lungzînna a san deuh deuh phet chun, Ahaz hin Lalpa chungah thil a sukhiel deuh deuh mai ta a.

2 LENGTE 6:33

Chun, khutia amau haw a hopih zing lai chun, ngaitie, a mi sawlpa chu a hungtung suk ta a; chun, lengpa chun, “Ngaitie, zie thil phalo hih Lalpa hun sawl ahi hi; bang dinga Lalpa hungaih nalai ding ka him?” a ti a.

JOSHUA 7:19

Chun, Joshua chun Akan kawmah, “Ka chapa, Lalpa Israel te Pathien chuh pakchah aw; a masang a chun kiphuong mai in; na thilhih chuh ei hilh inla; ka kawmah hin îm hiel ki’n,” a ti a.

JEREMIA 13:6

Chun, ni tamtak nung chun Lalpa’n ka kawmah, “Kipan inla, Euphrates lui zuon inla, kâwnggak va sel in ka tih kha va ladawk in,” a ti a.