THUPHUON 15:4 - PATHIEN LEKHABU THIENGTHO (BSI)

⁴ Aw Lalpa kuo a na min zah lo a, Pakcha lo ding? Nang mai a Thiengtho na hii; Na thilhih diktatte chuh a kiphuon tâk ziekin, Namtin cheng chuh hung in, Nang hun ho un au,” tih hi a sau a.

THUPHUON 15:4 ပူးပေါင်းရင်းမြစ်များ

SAM LEHKHABU THE PSALMS 86:9

Aw Lalpa, na siem namtin cheng te chu hung untin, na masangah hung kûn untin; Tichun na min chu hun pakcha’n au.

MALAKI 1:11

Ni suohna apat ni tumna tiengin Jentel te lak achun ka min chuh a lopi ngâla. Mun tin a a umnau chengah gimlimte ka kawma hâl in, kithawihna pawmtâkte a lân u a!

JEREMIA 10:7

Aw namte leng, kuo a nang hun kihchalo ding? Zie chuh nangin na phu him a. Namte miching haw lak leh lalgam haw laka le, nang tawbang kuomah a um puoi.

SAM LEHKHABU THE PSALMS 22:27

Kâwlmawng a mi chengcheng in le hezing untin, Lalpa lam ah kihei tan au: Nam tina chitin na masangah khun in hun ho un au.

THUPHUON 11:15

Chun vânsâwlchâk sagihna chun a pengkun chuh a vak mût a, tichun, van apat in aw ngeih tak in, “Khawvel gam hih I Lalpau leh Krista gam a hung hi tai, amah chun kumkhuotuong in vaihawm ina!” a hun ti a.

THUPHUON 14:7

Chun, Pathien chuh aw ngeih tak in, “A vaihawm phat chuh a hungtun tâk ziekin, Pathien chuh lau unla, a lopina chuh pakchau un! Vante, leisiet te leh tuinakte siempa chuh ho un!” a ti a.

ZEKARIA 14:16

Chun, hiti hi hung hi’n tin, Jerusalem hun do nam chengcheng laka nutsieh a umte chuh, kum cheng a Bawkcha Kut mang ding leh, Bangkim hihthei Lalpa chuh ho dingin chiehto sek un au.

ISAI 25:3

Zieziekchun, nam thilhih thei takte chun, hun limbawl un tin; Nam gilo takte khawpi chun hun lau ta’n au.

ISAI 45:23

Ka thutiem chuh a dik a, kisang ngeilo ahi. Mitin cheng chuh ka masanga hung khupdin un tin, keia dinga ginum dingin, keimah kama ngêi in ka kipautiem ta ngâla.

THUPHUON 4:8

Chun, ganhing lite chuh, tha gup nei chiet, a kimvel cheng leh a sung uh mita dim ahiu hi. Chun, “Lalpa Pathien, Bang cheng hihthei, umsa pa leh, um lai tak leh, hung um kit ding pa chuh, A thiengtho ie, A thiengtho ie, A thiengtho ie!” ti’n sun leh zan in a chawlnga kha puou hi.

1 PETER 1:16

“Nanguh na thientho dinguh ahi, Kei ka thiengtho ngâl a,” tih zik a hi kha.

ZEKARIA 2:11

Zie hun tieng chuleh, namtin in Lalpa lam hun zuon tau un tin; a mite hung hi ta’n au. Na laku ah cheng ing ka ting, tichun, na kawm u ahin amah ngêi in ei sawl ahi tih he ta’n la.

THUPHUON 16:7

Chun, maichâm apat in, “A hii, Aw Lalpa Pathien, Bangakai hihthei, na vaihawm haw hi a diktat in a dik ahi,” tih aw hile ka za a.

THUPHUON 19:2

A vaihawmna haw chuh a dik in, a diktat a hi! Amah chun nawhchizuok lopi tak nu, a mi deihchak nawpna zieka leisiet supawlhcheh nu chuh thiemmawh a chan sak a. Pathien in a suokte thisan phuba chuh a la ta ngâla!” a tih ka za a.

ISAI 26:9

Zan lai in ka hinna’n a hun thangaih a, Ahi, ka sunga ka thagau hin tihtak zetin zingkal matak in hun hawl ing ka; leichung a vai na hawm tieng leh, leichung a umte chun diktatna chuh a zil sek ngâl u a.

SAM LEHKHABU THE PSALMS 89:7

Mi thiengtho haw kikhawp khawmna a Pathien lauh um tak, A kiengvêl u a mi cheng cheng sanga lopi leh tizat-um chuh kuo a um ta dem?

ROME 15:9

A khuotuohna vanga Jentel te’n Pathien a limbawl theihna dingun, Pathien thu a dik hi tih hetsakna’n, Krista chuh zektante zenviel in a na um ta a: “Zieziekchun, Jentel te laka chun hun pakcha’ng ka ting, Na min limbawlna dingin la sa’ng ka.” tih zik guol khan.

HOSEA 3:5

Zie tieng chu leh Israel chate chuh hung kisik untin, Lalpa a Pathien uh hun hawl untin; a leng uh David kawm achun kihei kit un tin, Tichun ni nunung lam achun Lalpa leh a phatna chuh lau kawmin zuon un au.

ISAI 6:3

Sepaihte Lalpa chuh “A Thiengtho ie, A Thiengtho ie, A Thiengtho ie! Lei chung pumpi hi a lopina’n a dim hi,” ti’n a kidâwng tuoh, a kidâwng tuoh u a.

SAM LEHKHABU THE PSALMS 111:9

Amân a mite kieng ah tatna a hun sawl a; A thuthun chuh kumlekhuo a ding in a guot a. A min chuh a thiengtho in a zahum hi.

THUPHUON 6:10

Amau chun aw ngeih tak in, “Aw Lalpa, mi thiengtho leh diktak, bang chana lei chunga mite chunga vaihawm lo a, ka thisan phubau chuh la lo a na um ding?” ti’n a kiko u a.

HABAKKUK 1:12

Aw Lalpa ka Pathien, ka mi Thiengtho, Nang chuh kumsawt kumsawt a ka Pathien hilo na him? Na thi ngei puoh a, Aw Lalpa amau chuh nangin vaihawm dingin na guot a. Aw nang ka Suongpi, amau haw hih nangin thunun na dinga na tundawk ahiu hi.

THUPHUON 3:7

“Chun, Philadelphia khuo a sapchuom haw lawi vânsâwlchâk kawm achun hiti hin zik ah: “Mi thiengthopa, mi dik pa, David chabi neipa, kuomah khâk loh dinga hawng a, kuomah hawn loh dinga khakpa khan, zie thu haw hi a gen a hii:

SAM LEHKHABU THE PSALMS 105:7

Amah chuh Lalpa I Pathien u chuh ahi: A vaihawmte chuh lei chung cheng ahin a um a.

SAM LEHKHABU THE PSALMS 99:9

Lalpa I Pathien u chuh pakchau unla, A tâng thiengtho a chun ho un: Lalpa I Pathien u chuh a thiengtho ngâla.

SAM LEHKHABU THE PSALMS 22:3

Himahlele, aw nang Israel te pahchakna a cheng sek, Nang vang na thiengtho hi.

1 SAMUEL 2:2

“Lalpa guola thiengtho khatchale a um puoi; Nang tawbang himhim a um puoi, I Pathien u tawbang suongpi himhim a um puoi.

ISAI 60:5

Zie chuh mu’n na tin, kipâk in dim in na tin; na lungthim chuh kipâk in kithing in la. Namte hauhsakna chuh na kawmah puok in um in tin; Tuipi apat a hauhsaknate chuh na kawmah hungtung ina.

JEREMIA 16:19

“Aw Lalpa ka hatna leh ka kulhpi, lungkham ni a ka kihumbitna; kâwlmawng apat in namte hung u’ntin, kei uh ei suonte chun lepchieh thil panna bei; phatchuomna neilo tihloh chuh bangmah goluoh a nei puou hi,” hung ti’n au.

ISAI 57:15

“Chungnung pên Pathien lopi, chawihsân a um, kumlekhuo a hing zing Amin Thiengtho kiti chun hiti hin a gen hi: ‘Mun sang leh Mun Thiengtho achun ka chênga, kingainiemte leh lunggil kisik vulvul te hihhalh ding leh lungthim thasie te chuh suhalh dingin.’

ISAI 24:15

Zie ziek chun, ni suohna lam a chêngte chun Lalpa pakchau in tin; tuipi panga chêngte chun Lalpa min chuh lopina pie’n au, Israel Pathien chuh!

SAM LEHKHABU THE PSALMS 99:5

Lalpa ka Pathien u chuh chawiân unla, A keng bula chun chibai bûk un: Amah chuh thiengtho ahi.

SAM LEHKHABU THE PSALMS 97:8

Aw Lalpa na vaihawmna haw chu, Zion tâng chun a he a, a kipâk a, chun, Juda khawpi haw chun a heu a, a kipâk ui.

SAM LEHKHABU THE PSALMS 22:23

Lalpa kih chate haw, a mah chuh pakchau in; Jakob suonte haw, a mah chuh limbawl un; Israel suon chengcheng te haw a masang achun lau kawm in dingun.

JEREMIA 5:22

Nei kihcha puou maw? Lalpa’n a tii. Ka masang ahin kithing lo ding na hiu maw? Kei hi luipi guom panga dinga sehpho kumlekhuo a a let loh na dinga siempa chuh ka hi.

THUPHUON 16:5

Vânsâwlchâk chun, “Nang Mi Thiengtho Umzingpa leh Umsapa, na vaihawmnate chuh a dik ie!

THUPHUON 19:8

Patngatpuon ngim tak, vam tak silh a phal sak uh a, (patngat puon chuh mi thiengthote thilhih diktat ahi ngâla.)