THUPHUON 15:3 - PATHIEN LEKHABU THIENGTHO (BSI)

³ Pathien sawntawlawi Mosi la leh Belamno la: “Aw Lalpa Pathien, Bangkim hihthei, Na thilhihte chuh a lopi in, a mak a; Nang, namtin Lalpen, Na lampi chuh a diktat in, a dik ngâl a!

THUPHUON 15:3 ပူးပေါင်းရင်းမြစ်များ

SAM LEHKHABU THE PSALMS 111:2

Lalpa thilhih haw chuh a lopi a, A chunga kipâk ta cheng in hawldawk ahi sek hi,

SAM LEHKHABU THE PSALMS 139:14

Na kieng ah kipahthu gen ing ka; lauh-um tak leh maktak a siem ka hih ziekin: Na thilhih haw hi maktak ahi; Zie chuh ka hinna hin a hechien ten hi.

SAM LEHKHABU THE PSALMS 145:17

Lalpa chuh a lampi chengcheng ah a diktat a, A thilhih na chengah mi lungsiet thei tak ahi.

HEBRAI 3:5

Chun, tunung a Pathien in thu a gen ding haw chuh gen dawkin, Mosi chuh Pathien inkawte laka zenviela pang taksanum tak a hung hi tai.

ISAI 33:22

Lalpa chuh I vaihawmpau ahi a, Lalpa chuh dân ei piepa ahi a; Lalpa chuh I leng uh ahi a, amah chun ei hukdam ina.

HOSEA 14:9

Kuole, miching taphawt chun zie thu haw hi hethiem u hen la, a lungthim ah kawih hen. Lalpa lampite chuh a dik a, mi diktatte chun a zui uh a, a hin lawh sek ui. Himahlele, migilo chun a ngaihsak loh ziek un a kisuipai un au.

ZEKARIA 9:9

Aw Zion chanute haw! lawp un, lawp un nang haw, Jerusalem chanute lâwpin kiko dawk un! En un, na leng chuh na kawmah a hung hi! Amah chuh guolzo leh guol chungchuong in! Kingainiem takin sabiltung chungah a chu a, sabiltungno chung ngêi achun.

JOHAN 1:17

Dan thu chuh Mosi’n a pie a, himahleh, lungsietna leh thutak, Isu Krista vangin a hung um hi.

SAM LEHKHABU THE PSALMS 100:5

Lalpa chuh a pha ngâla, a zahngaihna chuh kumlekhuo’n um zing ina; A muon um na chuh suon chengcheng tieng in um ina.

THILSIEMBUL 17:1

Chun, Abram chuh kum sawmkuo leh kum kuo mi ahih in, Lalpa chuh a kawmah a hung kilak a, a kawmah, “Kei, Pathien Bangkim bawlthei ka hi; ka masang ah um inla pha bukim in um in.

THUPHUON 19:2

A vaihawmna haw chuh a dik in, a diktat a hi! Amah chun nawhchizuok lopi tak nu, a mi deihchak nawpna zieka leisiet supawlhcheh nu chuh thiemmawh a chan sak a. Pathien in a suokte thisan phuba chuh a la ta ngâla!” a tih ka za a.

THUPHUON 14:3

Lalchutphah mai leh, ganhing li leh, upate masang achun la thak a sau a. Lei apat a tatdawksa mi, nuoi khat leh singli leh sang lite ngâllo khan kuoma’n zie la chuh a hethei puou hi.

DAN NIHNA 31:30

Khutichun, Israel mipi hung khawm chengcheng te hetna ngêi achun Mosi chun zie la thu haw hi abul apat atawp chanin a gen suok kêi a.

THUPHUON 17:14

Ziete haw chun Belamno chuh do un tin; himahleh Belamno chun, a telte, leh amah nungzui ginumte chu tawh amau chuh zo unau; amah chuh Lalte Lal leh, Lengte Leng a hih ziekin,” ti’n.

THUPHUON 11:17

“Aw Lalpa Pathien, Bangakai hihthei, Um lai tak leh umsapa! Na thilhih theihna lopitak chuh laa, Vai na hawm pat tâk ziekin, kipahthu ka hun gen ui!

THUPHUON 4:8

Chun, ganhing lite chuh, tha gup nei chiet, a kimvel cheng leh a sung uh mita dim ahiu hi. Chun, “Lalpa Pathien, Bang cheng hihthei, umsa pa leh, um lai tak leh, hung um kit ding pa chuh, A thiengtho ie, A thiengtho ie, A thiengtho ie!” ti’n sun leh zan in a chawlnga kha puou hi.

DANIEL 6:20

Chun, Daniel umna kul a tun phet chun kahpau kawmin a vak sama, “Aw Daniel, Pathien hing suokpa, na Pathien a na nasep zing chun sakeibaknei kul apat chun a hun hukdawk thei nam?” a ti a.

ISAI 45:21

Hung u henla, a chanchin uh hung gen u hen, a panpihteu chule kidawng tuoh uh hen la; Kuoa tumasang a thil hungtung ding genlawk sek? A mite hukdawk sek chuh Kei Lalpa Pathien hi hilo ka him? pathien dang himhim a um puoh ngâl a.

SAM LEHKHABU THE PSALMS 145:6

Mite’n na thilhih huoisie takte chu gen untin uh; Ken le na lopina hetsak ing ka.

SAM LEHKHABU THE PSALMS 99:4

Lalpen hatna chun vaihawmna dik a ngaina a; Nang chun khenchuom neih lohna na hih det seka, Nang chun Jakob inkawte chungah vai na hawma, diktak in na hih sek a.

THUPHUON 19:16

A puon leh a malpi achun, “LENGTE LENG, LALTE LAL,” ti a min kizik a um a.

ZEPHANIA 3:5

Himahleh, a sunga Lalpa chuh a diktat a, thil diklo hih puo’n tin, Zingkal chengin a vaihawmna a hih lang a, a supel kha ngei puoh a; Khutisa chun le, a sunga migilote chun zahchâkna himhim a he puou hi.

MIKA 7:20

Malaia ka pileputeu kawma na tiem guol khan Jakob kawm achun na ginumna sulang in na tin, Abraham kawm achun na zahngaihna sulang ding na hi ngâla.

SAM LEHKHABU THE PSALMS 105:5

A thilmak hih haw leh a thilhih lamdang te leh, A kama vaihawmna chuh hezing un.

SAM LEHKHABU THE PSALMS 78:12

A suonteu mitmuh in thilmak mak a hih sek a, Aigupta gama, Zoan phaicham achun.

JOB LEHKHABU THE BOOK OF JOB 5:9

Thil nasatak hawldawk guol loh te, Thilmak tak mai, simsenlohte hihpa chuh.

2 KHANGTHUBU 24:6

Khutichun, a lawiupa pau Jehoiada chu a sama, “Lalpa umna puon in nasemte panpihna ding a Lalpa suok Mosi’n mipite kawma a phut, paisa chu Levi te hin Jerusalem leh Juda gama mite a pata a lâkkhâwm ding u hi bang zieka etpih lo na him?” a ti a.

1 KHANGTHUBU 6:49

Aron leh a suonte chun, gimlim thilpiek leh, maichâm a hâlmang kithawihna kihalte chu a lân sek u a. Mun Thiengtho pena Pathien hona leh, Pathien in Israel chate gitlohna a ngaihdamna dinga kithawihna thilte chunga mawhpuo ahiu ui. Zie thilte chu Pathien suok Mosi’n a piek guolin a hih u a.

THUPHUON 14:8

Chun, vânsâwlchâk nihna chun. “Babulon khuo lopi, a mi deihchak nawp zieka. namtin kawma a lungnatna uain dâwnsaknu chuh, a chim tai! a chim tai!” ti’n a kiko a.

DANIEL 9:11

Ahi, Israel te chengcheng chun na dante bawhsie’n, na thugente chuh a ngaitha nuom puou ui. Na chungah ka na gilo tau a khutichun, na suok Mosi dana kizik hansiete chuh ka chung u ah na hun tun sak ta a.

NEHEMIA 9:14

Chun, na chawlhni thiengtho chuh amau haw na hetsak a; thupiekte thuguot te leh dân te chuh na suok Mosi mang in na pie a.

DAN NIHNA 34:5

Khutichun, Lalpa suok Mosi chuh Lalpa thu guolin Moab gam achun a thi ta a.

DAN NIHNA 32:3

Lalpa min phuong ding ka hi, Lopina I Pathien uh pieu in.

JOSHUA 22:5

Lalpa suok Mosi’n Lalpa na Pathien u chuh hehpih a, a lampi chengcheng chuh hawh a, a thupiek haw chuh pawm a, amah chuh tuchak kêi a, na lunggil chengcheng u leh na thagau chengcheng u a a na sem ding a thu a hun piek u khah, zie thupiek leh dân haw chuh chingthei takin vawp phat guo zing un,” a ti a.

JOB LEHKHABU THE BOOK OF JOB 36:24

A nasepna limbawl ding chuh hezing un, zie chuh mihing te’n la a a pahchak sek u chuh!

SAM LEHKHABU THE PSALMS 18:30

Pathien vang, a lampi ah a phabukim a; Lalpa thutiem chuh adik a; Amah a ginna nga chengcheng te ding chun amah chuh phaw ahi.

SAM LEHKHABU THE PSALMS 92:5

Aw Lalpa, na thilhih haw chuh a lopina maizen e! Na ngaihtuohna haw chuh a thuk mah mah hi.

SAM LEHKHABU THE PSALMS 111:7

A khut nasep haw chuh thutak leh diktak ahi a; A thupiek haw chengcheng chuh a muon-um hi.

1 TIMOTHE 1:17

Leng lienpen, kumsawt a um, thi theilo, muh theih loh, Pathien khat mai pa kawm achun, limbawlnate, lopinate, kumsawt, kumsawt in um ta hen! Amen.

THUPHUON 1:8

“Kei a Bul leh a Tawp chuh ka hi,” Lalpa Pathien, A umlai tak leh um sapa leh, hung um kit ding pa, Bangakai hihtheipa chun a tih ahi.