THUPHUON 15:2 - PATHIEN LEKHABU THIENGTHO (BSI)

² Chun, lim-et tuisuohgiet, mei tawh kihel tawbang hi ka mu a. Zie achun, sahang leh a lim leh, a min tiemtehna nambar chunga guolzote chule ka mu a. Amau haw chuh Pathien kingkang chawi in, lim-et tuisuohgiet tawbang pang achun a dinguh a.

THUPHUON 15:2 ပူးပေါင်းရင်းမြစ်များ

THUPHUON 4:6

Chun, lalchutphah masang achun, lim-et tuisuohgiet tawbang, krustal suong banga a val le a um a. Lalchutphah kimvel cheng achun. ganhing li malam leh nung lam mita dim a um uh a.

THUPHUON 12:11

Belamno thisan vang leh, thudik a hettuoksak thuu vanga guolzote a hiu a, a hinnau chan khawp leh thih ngama pang te a hi ngâl uh a.

THUPHUON 5:8

Ziephet chun, ganhing lite leh, upa sawmnih leh lite chuh Belamno ma achun a bawkkhup tau a. Amau haw chun kingkang leh sana belhbu, gimlima dim a kichawih chiet uh a, zie chuh Pathien mite pauchamna chuh a hii.

THUPHUON 21:18

A bang chuh Jasper suong a kisiem a hi a, a khawpi chuh hai thieng tak tawbanga, sana thieng a kisiem ahi.

1 PETER 1:7

Na taksannau patepna, sana, meia etchien a hih nunga mangthai sek sanga le lul zaw chun, Isu Krista hung kilak tieng leh, pahchakna leh, limbawlna leh, lopina ding a hung hih theihna dingin.

MATTHAI 3:11

Ken chuh na lunghei ui tih suklatna’n tui in ka hun baptist sek a, ka nunga hung ding pa hin chuh Thagau thiengtho leh mei in hun baptist ding ahi. Kei sangin a lopi zaw a, a kengtawbek khau phel hâwi le ka hi puoi.

THUPHUON 13:14

Sahang masa mitmuh a melchikna hih dinga phalsak a a umna kha mang in, mi chengcheng a thêm sek a. Sahang, chemzâma liemsa, hung dam kit pa limbawlna ding chun, amah lim a siem dinguh a hii, ti’n a hilh sek a.

1 PETER 4:12

Deihtakte haw, na lak uh a patepna haksa tak hung um, nangmau etchetna dinga na chunguh a hungtung hi, thil bang ahim khat, um ngeilo thil hungtung guolin, maksa kiu in.

THUPHUON 13:1

Chun, a chieh a, tuisuohgiet sehpho achun a dinga, sahang, tuisuohgiet apat a hung pawt hi ka mu a. Zie chun ki sawm leh luchang sagih a nei a; a kihaw chung achun lallukhuk a um chiet a, a luchang haw achun, Pathien gensietna min haw le a um chiet hi.

THUPHUON 13:17

Zie tiemtehna sahang min ahim, a min nambar ahim neite ngâllo chun, kuoma’n bangmah a zuok uh a, a châwk theih lohna dingun.