THUPHUON 14:2 - PATHIEN LEKHABU THIENGTHO (BSI)

² Chun, van a pan a thil gi, tui tamtak gi tawbang leh, vangi nasa tak gi tawbang ka za a. A git chuh thil tumgit thiemte’n kingkang a nawt git uh gihawih tawbang hi ahi.

THUPHUON 14:2 ပူးပေါင်းရင်းမြစ်များ

THUPHUON 5:8

Ziephet chun, ganhing lite leh, upa sawmnih leh lite chuh Belamno ma achun a bawkkhup tau a. Amau haw chun kingkang leh sana belhbu, gimlima dim a kichawih chiet uh a, zie chuh Pathien mite pauchamna chuh a hii.

THUPHUON 1:15

A kengpekhaw chuh sumeng nawtval leh kihal thiengsa tawbang ahi a, chun, a aw chuh tui kikhawhtha gi guolin a gi hum hum a.

THUPHUON 15:2

Chun, lim-et tuisuohgiet, mei tawh kihel tawbang hi ka mu a. Zie achun, sahang leh a lim leh, a min tiemtehna nambar chunga guolzote chule ka mu a. Amau haw chuh Pathien kingkang chawi in, lim-et tuisuohgiet tawbang pang achun a dinguh a.

THUPHUON 11:15

Chun vânsâwlchâk sagihna chun a pengkun chuh a vak mût a, tichun, van apat in aw ngeih tak in, “Khawvel gam hih I Lalpau leh Krista gam a hung hi tai, amah chun kumkhuotuong in vaihawm ina!” a hun ti a.

EZEKIEL 43:2

tichun, ngaitie, Israel Pathien lopina, suohlam apat a hungtung chuh ka mu a: a thawm chuh tui tamtak gi tawbang ahi a, lei chuh a lopina’n a salhvak ta a!

SAM LEHKHABU THE PSALMS 33:2

Kingkang in Lalpa pakchau unla: Tumgit gui sawm nei zat in amah pakcha’n la hawih tak sau in.

2 SAMUEL 6:5

Chun, David leh Israel mi chengcheng chun Lalpa masang achun thil gi thei chichuom chuom, châk thinga siemte leh kingkangte, pekgitte, khuongneu te, pengkun bi neite, dakkhutbet te tumin a lam u a la a sau a.

PAWTDAWKNA 19:16

Chun, a ni thum ni zingkal chun hiti hi a hung hi a, van ahung gi a, kâwl ahung phe a, tâng chung achun meipi a hung zing mepmup a, pengkun ngeih tak in a hung gi a; tichun, mipi giehmun a um chengcheng chuh lau in kilîng tau hi.

THUPHUON 18:22

Kingkang nawthaw le, phenglawng mût githaw le, pengkun mût git husa haw le, thil gihawih git leh, mihing husa himhim, na sung achun zak hi ta puo’n a! Sumkawlvei a nasem mawng mawngte le na sung achun muh hi ta puo’n tin; suong sumhei git le zak hi diek ta puo’n a!

THUPHUON 11:12

Chun, zie thiemgau nih te chun van a kipat aw ngeih tak a, “Zie tak ahin hung to un,” ti a kiko hi a zau a. Tichun, meitang lak achun van lam ah a kal to tau a; a melmateu in a et zing lai u chun,

THUPHUON 6:1

Chun, Belamno chun, tiemtehna sagihte laka khat a hihsiet a, a phel lai tak chuh ka mu a, chun, ganhing lite laka khat chun vangi tawbang hielin, “Hung ah,” a tih ka za a.

THUPHUON 1:10

Lalpa ni achun, Thagau in ka hung um a, chun, ka nung lam ah, pengkun gi tawbang, aw ngeih tak in,

SAM LEHKHABU THE PSALMS 93:4

Tui tampi kinawk sangin, Tuisuohgiet kinawk hattak sang inle, Chunglama Lalpa chuh a lopi zawi.

SAM LEHKHABU THE PSALMS 92:3

Zingkal a na zaidawhna hih lat leh, Zan chenga na muon-um na hihlat hi thilpha tak ahi.

SAM LEHKHABU THE PSALMS 57:8

Ka lopina halh in, pêkgit leh kingkang te haw halh un: Kei chuh zingpi takin halh ing ka.

THUPHUON 8:7

Tichun, vânsâwlchâk khatna chun a pengkun chuh a hun mût a, chun, giel leh mei, thisan tawh kihel in lei chungah a hung zu tha zieng ta a. Zie chun lei, mun thuma khena mun khat chuh a kâng tum a, thing leh hampa hing le, mun thuma khena mun khat chuh a katum vek ta a.

ZEKARIA 9:14

Khutichun, Lalpa chuh a mite kawmah hung kilang intin, A thalchang chuh kawlphe bangin leng dawk intin, Bangakai chunga Lalpa Pathien chun a pengkun chuh hun mût in tin; simlam apat in chinpei in chieh ina.

ISAI 17:13

Namte chuh tui kinawk hattak gi hum hum guolin gi hum hum untin, himahleh, Pathien in a gai a, a vaikit u a, tâng panga leivui bang leh, chinpei in pawl a mût mang guolin nawhmang in a um tau hi.

SAM LEHKHABU THE PSALMS 149:3

Amin chuh lam in pakchau hen la: Khuongcha leh kingkang tawh a mah pakcha’n lasau hen.

SAM LEHKHABU THE PSALMS 98:5

Kingkang tawh Lalpa pakcha’n la sau unla, Kingkang leh pahchakna la hawih tak husa tawh.

PAWTDAWKNA 20:18

Chun, mipite chun van-gi leh kawlphe leh pengkun gite, tânga meikhu te chu a muh phet un, lau in a kilîng u a, gamla tak ah a ding tau a.

SAM LEHKHABU THE PSALMS 147:7

Kipahthu gena Lalpa chawiân in la sau inla, Kingkang tawh I Pathien uh pakcha’n lasau in.

SAM LEHKHABU THE PSALMS 43:4

Khutichun Pathien maichâm kieng ah chieh ing ka ting, Pathien ka lawpna mah mah kawm achun: Aw ka Pathien, ka Pathien kingkang in hun pakcha’ng ka ting.

1 KORINTH 13:1

Mihiemte pau leh. vânsâwlchâkte pau in thu gen thei mah lengle, hehpihna ka neih loh chun, dâk gi maimai ahim, dakkhutbet gi maimai ahim na hing ka.

2 KHANGTHUBU 20:28

Khawpi a tun phet u chun, tumgitte, pengkun te leh kingkang te tawh Ho-In achun a kizawt lut tau a.