THUPHUON 13:6 - PATHIEN LEKHABU THIENGTHO (BSI)

⁶ Tichun, Pathien leh, a min leh, a chênna leh, van a um chengcheng te chuh hansie a buok khum pan ta a.

THUPHUON 13:6 ပူးပေါင်းရင်းမြစ်များ

THUPHUON 12:12

Zieziekchun, vante leh a sunga umte haw kipâk un! Himahleh, lei leh tuisuohgiet chung chuh a gik ie! Diabol chun, hun tawmcha mai a nei tai tih a kihet zieka, lungna mah mah puma, na kawmuh a a hung suktak ziekin,” a tih ka za a.

HEBRAI 9:24

Krista chuh khuta sak, Mun Thiengtho, a tak kibatpih achun a lut puoh ngâl a; Pathien ma ah, I sik uh a ding dingin van ngêi ah a lut zaw ta a.

MATTHAI 15:19

Lunggil a hin ngaihtuoh na gilo haw, tuolthahna haw, zawlsaihna haw, kideihchakna haw, gukchakna haw, kiheksietna haw, kigensietnahaw a hung pawt sek ngâl a.

MATTHAI 12:34

Gûl suonte haw! bangti’n a gilo zing puma thilpha na gen theih ding uh? Lungthima dimlet chuh kam in a gen dawk sek a puo!

THUPHUON 21:3

Lalchutphah apat chun aw ngeih tak in, “Ngaitie! Pathien bâwkcha chuh mihiem lak ah a hung um tai, Amah chuh a kawm u ah um intin, Amau haw chuh a mite hiu intin uh; Pathien mawng chuh a kawm u ah um intin, A Pathien uh le hi’n a.

THUPHUON 18:20

“Vante haw, amahnu sietna ziek chun kipâk un! Mi Thiengthote leh, sawlchakte leh thiemgaute haw, kipâk un! Nang haw chunga a thilhihte ziek chun Pathien in amahnu chung achun a vaihawm thuk ta ngâl a!” ti’n.

THUPHUON 11:12

Chun, zie thiemgau nih te chun van a kipat aw ngeih tak a, “Zie tak ahin hung to un,” ti a kiko hi a zau a. Tichun, meitang lak achun van lam ah a kal to tau a; a melmateu in a et zing lai u chun,

THUPHUON 7:9

Ziehaw chengcheng nunga chuh ka vak et leh, ngaitie! mipi nasatak, kuomah simsenloh, namtin laka mite, chitin laka mite, mitin laka mite, pau tin laka mite chuh puon vam silh a tum bâk chawiin, Lalchutphah masang leh, Belamno masanga ding ka mu a.

THUPHUON 5:13

Chun, van leh, lei chung leh, lei nuoi leh, tuisuohgiet a thilsiem tin cheng umte leh, vankhupsin nuoia um chengcheng te chun: “Lalchutphah a chu pa leh, Belamno kawm achun, Vangpiekna leh, limbawlna le, Lopina le, vaihawmna le, Kumkhawtuong in um hen,” a tih uh le ka za a.

THUPHUON 4:4

Chun, lalchutphah kimvel achun lalchutphah dang, sawmnih le li a um a, lalchutphah chung achun upa sawmnih le li, puon vam silh a, a tien a chu ka mu a; sana lallukhuk a kikhuk chiet uh a.

THUPHUON 4:1

Zie thil haw nung chun ka vak en a, chun, ngaitie! van ah kawtkhak kihawngsa ka vak mu a. Aw ka zak masak, pengkun gi banga ei hopihpa khan, “Taka hin hung to ah, tichun, tunung a thil hung um dingte chuh hun etsak ing ka,” a ti a.

HEBRAI 9:2

Puon-In a siem uh a, a tuohtil chuh Mun Thiengtho a kiti a. Zie tak achun thaumei tunna leh, Pathien kawma chângthâk lat kawihna dawhkhâng chuh a um a.

ROME 3:13

A gawl hawm u chuh thân kihawng ahi a; A lei un milemna thu a gen u a, A mûk sung u ah gûlgu a um a.

KOLOSSA 2:9

Pathien hihna bukim chuh Krista mihinna achun a um ngâl a.

KOLOSSA 1:19

Pa lung hihna mawng chun, chapa chun amah achun Pathien batna bukim chuh a nei a.

JOHAN 1:14

Tichun, Thu chuh phehlevo a hung suok a, I laku ah a um ta a, lungsietna leh thutak in a dim hi. Pa Cha chang khat neih, lopi guolin, a lopi zie I muu hi.

JOB LEHKHABU THE BOOK OF JOB 3:1

Zie nung chun Job chun a kam a ka a, a pienni ni chuh hansie a buok ta a.

SAM LEHKHABU THE PSALMS 73:9

A kam u chu van haw akhun a kawih u a, A lei u chun leichung hi a pha let khawp puoh a.

DANIEL 7:8

A kite chuh ka et lai in, a lak apat chun ki dang khat, neucha hi a hung dawk a; a masa thum te chuh abul chin taka bawhthâk in a um a. Zie ki chun mihing mit tawbang a nei a, kam le a nei a, chapo takin thu a gen ta a.

DANIEL 7:25

Chun, Chungnung pên pa kalh in thu gen intin, mi thiengthote chuh sugimthei in a, hunte leh dân chuh sukdanglam guo’n tin, hun khat leh hunte leh hun kimkhat sung chuh a khut u a piek hi’n a.

DANIEL 11:36

“Chun, leng chun a nawp nawpin thil hih intin, amah kichawisang intin, pathien dangte sanga lienzaw leh, pathiente Pathien sanga lienzaw’n hung kikawih in a. Zie tawbang thil chu Pathien in a gawtna hun a tun macheng chu hih thei in a. Pathien in a thil guonggalh lawksa chu hun hih ngêi ding ahi ngâl a.

THUPHUON 7:15

Zieziek a chuh, Pathien lalchutphah maa um ahiu a, chun, a sun a zan in a Ho-In achun a zenviel sek ui. Lalchutphah a chu pa chun a puon-In achun chenpih ina.

THUPHUON 15:5

Zie nunga chuh ka vak et leh, van a Ho-In pindan sungnung chuh a kihawng a,