THUPHUON 13:5 - PATHIEN LEKHABU THIENGTHO (BSI)

⁵ Tichun, sahang chuh, uong taka Pathien gensietna thu gen chuh phalsak ahi ta a, tha sawmli leh tha nih sung chuh thuneihna piek ahi tai.

THUPHUON 13:5 ပူးပေါင်းရင်းမြစ်များ

DANIEL 7:25

Chun, Chungnung pên pa kalh in thu gen intin, mi thiengthote chuh sugimthei in a, hunte leh dân chuh sukdanglam guo’n tin, hun khat leh hunte leh hun kimkhat sung chuh a khut u a piek hi’n a.

DANIEL 7:8

A kite chuh ka et lai in, a lak apat chun ki dang khat, neucha hi a hung dawk a; a masa thum te chuh abul chin taka bawhthâk in a um a. Zie ki chun mihing mit tawbang a nei a, kam le a nei a, chapo takin thu a gen ta a.

THUPHUON 12:6

Chun, numei chuh thaleka Pathien in amahnu dinga mun a guonggalhna mun achun a taimang a, zie tak a chuh ni sangkhat leh ni zanih leh ni sawmgup sung chuh a khawi theihna dingin.

DANIEL 11:36

“Chun, leng chun a nawp nawpin thil hih intin, amah kichawisang intin, pathien dangte sanga lienzaw leh, pathiente Pathien sanga lienzaw’n hung kikawih in a. Zie tawbang thil chu Pathien in a gawtna hun a tun macheng chu hih thei in a. Pathien in a thil guonggalh lawksa chu hun hih ngêi ding ahi ngâl a.

DANIEL 7:11

Zie lai chun ki neucha chun thu nasa taka a gen thawm ziek chun, ka vak en a, sa chuh thah in a um ta a; a sapum suksiet a meia hâl dinga piek ahih chanin ka en zinga.

THUPHUON 12:14

Tichun, thalek muna a umna a chuh a lên lut theihna dingin, numei chuh mupi lien tak tha lang nih hi a pieu a, zie tak a chuh kum thum leh a kim chuh, dragon in a dona apat a chuh bit taka etkawl a a um theihna dingin.

2 THESSALONIKA 2:4

Amah chun pathien a vawh tâk phawt u leh, sakhuo chengcheng do in, a chung u a um guo’n amah kilimbawl ina. Chun, Pathien Ho-In achun lut in, chu’n tin, Pathien bangin kigen ina.

DANIEL 7:20

Chuleh, a luchang a ki sawm nei leh, a nunga a dang hung pawt a, a masanga a dangte puk ta chungchâng chuh le het ka nuom a. Zie chun mit leh kam a nei a, chapo takin a kisuong a. A dangte sang chun tizat-um diek ahi.

THUPHUON 13:7

Chun, mi thiengthote a do leh a zawh chuh phal ahi ta a, chun, chitin leh namtin, pautin leh, phung tin chengte chunga thuneihna chuh piek in a um ta a.

THUPHUON 11:7

Chun, a hettuoksaknau thuphuon chuh a zawh tiengu leh, thampikuo-âwng apat sahang hung pawtdawk ding chun a mau chuh do intin, zo intin, sulum ina.

SAM LEHKHABU THE PSALMS 12:3

Lalpa chun pahchak lêm na mûk haw chengcheng chuh ât tha hen la, Thu chapo tak genna lei haw chuh tawh:

DANIEL 8:14

Vânsâwlchâk dangin a dawnna chuh ka vak za kit a, “Ni sangnih leh za thum sung sutzawp hi’n tin, zie hun sung chun zingkal leh nitâk in kithawihna lat hi puo’n a. Zie zawh chuleh mun thiengtho chuh sukthien hi ta’n a,” a ti a.

DANIEL 12:12

Chun, ana ngak hâm hâm a, ni sangkhat leh zathum leh sawmthum leh nga beih tienga ginum taka ngak te chuh a hamphau ui.

2 THESSALONIKA 2:3

Bang lama le kuomah thep in um kiu in. Puksietna chuh a hungtun masak zet a, Dan bawhsiepa, mangthai chapa chuh a hung kiphuon macheng chun, zie nikhuo chuh tung ding ahi puoh ngâl a.

2 THESSALONIKA 2:8

Zie kilakmang tieng chu leh, Dan bawhsiepa chuh hung kiphuong intin; himahleh, Lalpa Isu’n amah chuh a kama hu’n sulum intin; amah umna vak tak chun sumangthai ina.

EZEKIEL 35:13

Khutichun ka chungah na kisulien in na ki-uong a, ka chungah na thutuitam a, ka he suok kêi ahi.”