THUPHUON 13:2 - PATHIEN LEKHABU THIENGTHO (BSI)

² Chun, ka sahang muh chuh keite tawbang a hi a, a kênghaw chuh savawm keng tawbang a hi a, a kam chuh sakeibaknei kam tawbang ahi. Dragon chun sahang kawm achun a thilhih-theihna leh, a lallukhuk leh thuneihna nasa tak a pie a.

THUPHUON 13:2 ပူးပေါင်းရင်းမြစ်များ

THUPHUON 20:2

Chun, dragon, gulpi têk, (zie chuh Diabol ahim, Setan ahim a hii) chuh a man a, a kân a.

THUPHUON 17:12

Chun, ki sawm na muh te khah, leng sawm, lalgam nei nailo te chuh ahiu a; dâkkâl khat sung vang chuh sahang tawh, lengte bangin thuneihna hung chang un au.

THUPHUON 12:9

Chun, Dragon lien tak, gulpi têk, Diabol leh Setan a tih uh, khawvel pumpi thempa chuh a paih tha tau a. Tichun, amah leh a sawlchakte chuh leia paihthâk khawm in a um tau hi.

1 PETER 5:8

Pilkieu unla, khawthengai un! na kilanpih uh Diabol chun, keipi bakkai kitum sek bangin, a nek theih ding hawl in a kipei hethut sek hi.

THUPHUON 19:20

Tichun, sahang chuh a man uh a, thiemgau lêm, sahang melchikna nei leh, a lim note a lepbawl theihna dinga thilmak a mitmuh uh a hihpa khale a man tel uh a. A nih uh chun, mei leh kât a kâng dil achun a hingsan in a paih lut tau a.

THUPHUON 13:4

Chun, dragon chun sahang kawma a thuneihna a piek ziek chun, dragon chuh mi chengcheng chun Pathien bangin a ho tau a. “Sahang tawbang hi kuo a um? Kuo a do thei ding?” ti’n, sahang chule a ho uh a.

THUPHUON 12:15

Chun, dragon chun tui a tawh mang sak theihna dingin, numeinu nung lam achun, a kam apat in tui nasatak mai hi a phih dawk a.

THUPHUON 12:13

Tichun, dragon chun, leia paihthâk a hi tih a kihet phetin, chapa neinu numei chuh a sugimthei pan ta a.

THUPHUON 16:10

Chun, vânsâwlchâk ngana chun a belhbu chuh sahang lalchutphah chung achun a sungtha a, tichun, sahang lenggam chung cheng achun thimna a hung um ta a, chun, mipite chun a natnau ziek chun a lei uh a pet uh a.

AMOS 5:19

Sakeibaknei lau a taimang a, savawm kituokpih mi bang leh, ina lut a, bang chunga khut nga a, gul in a chuk bang chuh ahi.

JEREMIA 13:23

Ethiopia mi vawm in a vun a theng thei em? Gielbem inle a zie a theng thei em? Khutichu ahih theih chun nanguh thil gilo hih sek te hin le thilpha hih thei ven na tiu!

JEREMIA 5:6

Zieziekchun, gammânga sakeibaknei in amau chuh pet intin, gamgaw a ngei haw chun amau chuh ne zo ina. Keite chun a khawpiteu chuh chang intin; a hung pawtdawk tak u leh bawttel ina. A bawhsiet nau chuh a tama, a nungchawnnau haw a nasat ziekin.

ISAI 5:29

A thawm u chuh sakeibaknei hâm bang mai hi’n tin, sakeibaknei vanglai in a sa mat ding a ngîk a a mat bangin; amau chuh chieh mang pih untin, kuoma’n hukdawk puo’n au.

THUCHINGTE 28:15

Sakeibaknei humham bang leh savawm suklungnat guolin, vaihawmtu nunsie chun mi chagahte chungah vai a hawm sek hi.

THUCHINGTE 17:12

Mingawl a ngawlna a puon lai tak kituokpih sang chun savawm a no kilaksak zo pan kituokpih chuh nawp a um zawi.

SAM LEHKHABU THE PSALMS 22:21

Sakeibaknei kam apat hin ei hukbit in; Ahi, bâwngchal ki apat chun nangin nei hukdawk tai.

2 LENGTE 2:24

Chun, Elisha chu a vak kinunghei a, amau haw chu a en a, Lalpa min in hansie a buokkhum ta a. Tichun, gammâng apat in savawmnu nih a hung pawt u a, a lak u a naupang sawmli leh nih chu a hung petlum tai.

HABAKKUK 1:8

“A sakawlteu chuh keite sangin a chanpha zaw a, ngei gilkiel sangin a lauh-um zawi. A sakawl chung chuong miteu chuh chapo takin a kikhawh viel zawt zawt u a, amau chuh gam gamla tak apat a hung ahiu a; sakawl tinte chun tuol a khên a, Mupi sa nek ding zuona leng bang mai in a bawh in a bawhsuk thawh u a.

AMOS 3:12

Lalpa chun, “Belampu’n, sakeibaknei kam apat a, a keng thêm ahim, a bil thêm ahim a hukdawk chauh bangin, Samari khuo a zâlkhun ning a leh zâlkhun, lung-êk puonphah khapchâk chunga Israel cha umte chuh hukdawk un au,” a ti a.

HOSEA 11:10

“Lalpa chuh zui un tin, sakeibaknei banga ngîk ding chuh: ahi, hun ngîk ngêi intin, chun, tumlam apat in a chate chuh hung tai duom duom un au.

2 TIMOTHE 4:17

Chanchin Pha kei zieka gen kima a um theihna’n leh, Jentel te chengcheng chun a zak theihna dingun, Lalpa chun ei hum a, ei sukhat zawk ahi a, chun, sakeibaknei kama um kha hukdawk in ka hung um zaw ahi tai.

THUPHUON 2:13

Na umna, Setan chutphah umna khah ka hêi; keia dingin taksanum takin na um a, ka thu ei hetpihpa Antipas, Setan umna a, na lak uh a a thah uh, ka mi taksanum tak, umlai nasan khan le, nei taksanna hi na kilepsan puoh a.

THUPHUON 13:12

Sahang masa zaw thuneihna chengcheng khah, a mitmuh ah a mang a. Lei leh a chunga um chengcheng te chuh, sahang masa zaw. thihpih kham hiela liem, dam kit pa chuh a chibai sak a.