THUPHUON 12:9 - PATHIEN LEKHABU THIENGTHO (BSI)

⁹ Chun, Dragon lien tak, gulpi têk, Diabol leh Setan a tih uh, khawvel pumpi thempa chuh a paih tha tau a. Tichun, amah leh a sawlchakte chuh leia paihthâk khawm in a um tau hi.

THUPHUON 12:9 ပူးပေါင်းရင်းမြစ်များ

LUKE 10:18

Chun, amah chun a kawm u ah, “Kawlphe guola Setan van apat a hung kie kha ka mu apuo!

JOHAN 12:31

Tu’n zie khawvel hi a chung thu ngaihtuoh hun a hi ta a; zie khawvel vaihawmtu hi paihthak a um ding ahi.

THUPHUON 20:10

Tichun, amau haw thempa Diabol chuh. sahang leh thiemgau lêm umna, mei leh kât dîl achun a paih tau a; tichun, kumkhuotuong in, a sun a zan a sukgimtheih in um ta’n au.

1 JOHAN 5:19

Khawvel pumpi hi zie Migilo vaihawmna nuoi a chuh um hi himahleh, Pathien a I hiu hi tih I he ngâl uh a.

2 KORINTH 4:4

Zie khawvel pathien hin a lungthim teu a sukdûk ziekin, a gingcha puou hi. Krista lopina, Pathien batpih ngêi, Chanchin Pha eng chun amau haw a salh theih lohna dingin a siem sek hi.

ISAI 14:12

Aw Lucifer, Zinglam chapa, Zingsawl Aksi, bangti dana van apat a kie tha na hi ta! Namtin supukpa bangti dana leia sat thak a um na hi ta’m?

THILSIEMBUL 3:1

Chun, Lalpa Pathien in ganhing a siem chengcheng lak achun gûl a gukhah pên a. Tichun amah chun numei kawm achun, “Pathien in, ‘Huon a thinggah mawngmawng hi na nek loh ding uh ahi,’ a ti maw?” a ti a.

THUPHUON 12:7

Chun, van achun kidona a um a; Mikael leh a sawlchakte chun dragon chuh a do uh a; chun, dragon leh a sawlchakte chun le a do thuk uh a;

JOHAN 8:44

Nang u chuh na pau Diabol chate na hiu a, na pau deih guol zuih na nuom uh ahi. A tunga kipatin tuolthat a hi a, thudik lam ah a pang ngei puoi, thudik amah a a um loh ziekin. Lepchieh thu a gen tieng leh, amah ngeina mawng hih a hi a, amah chuh lepchieh a hi a, lepchieh pa le ahi.

ISAI 65:25

Ngei leh belamno te chuh takhawm tau intin, sakeibakneite chun bâwngchal guolin buhpawl neu intin, chun, leivui chuh gûl an hi’n a. Ka tâng Thiengtho Zion achun kisuknatna leh, kisuksietna himhim um ta puo’n a” Lalpa’n a tii.

THUPHUON 20:8

tichun, kâwlmawng li a namte, zie chuh Gog leh Magog ahi, thêm ding leh kidona a puikhawm dingin chiehdawk ina: ziete tam zie chuh, tuisuohgiet a pîlnel banga tam ahiu hi.

THUPHUON 12:3

Chun, thilmak dang van ah a hung kilang kit a; ngaitie! dragon san, lien tak, luchang sagih leh ki sawm nei, lallukhuk kikhuk hi a hung um a.

THUPHUON 9:1

Chun, vânsâwlchâk ngana chun a pengkun chuh a vak mût a, tichun, aksi, leia kie sa hi ka mu a, thampikuo-âwng chabi chuh a kawmah a pieu a.

THUPHUON 2:24

“Himahlele, nanguh, Thuatira khuo a midang umte, zie sinsakna gilo chuh pawm lo a, mi dangte’n, ‘Setan thuguk,’ a tih sek uh hekha lote chung achun, puokgik dang himhim hun puok sak puo’ng ka, ka tih ahi.

THUPHUON 2:13

Na umna, Setan chutphah umna khah ka hêi; keia dingin taksanum takin na um a, ka thu ei hetpihpa Antipas, Setan umna a, na lak uh a a thah uh, ka mi taksanum tak, umlai nasan khan le, nei taksanna hi na kilepsan puoh a.

1 PETER 5:8

Pilkieu unla, khawthengai un! na kilanpih uh Diabol chun, keipi bakkai kitum sek bangin, a nek theih ding hawl in a kipei hethut sek hi.

2 KORINTH 11:14

Ahi him hi, a mak lo ahi! Setan ngêi le, vânsâwlchâk tawbang in a kisiem sek ngâl a!

2 KORINTH 2:11

Khutilochun, Setan in I chungu ah a khut hun lek ding ahi, a thil ngaihtuoh haw chuh I haih puoh ngâl u a.

ROME 16:18

Khutibang mite chuh, I Lalpau Krista nasem ahi puou a, amau haw gilpi ding sem ahi zaw sek ui. Tichun, a kamphatnau leh, a kam thiem un mi chinglote lungthim chuh a thempai sek u a.

NASEPTE 26:18

A mit uh hihvak ding leh, thimna apat a vak lama kiheisak kit ding leh, Setan thilhih theihna apat a Pathien lama kihei kit a, kei ei taksan ziek u a, a gitlohnau ngaihdama um a, Pathien mite laka go chan a neihna dingun,’ a ti a.

LUKE 22:31

“Simon, Simon! ngaitie, nang haw chengcheng hi Setan in buh ngelh guola a hun ngelh theihna dingin, nanguh lawi hi ahun ngên a puo.

2 KORINTH 11:3

Himahlele, gul in a chit gukhahna a Evi a thep guol khan, na lungthim ngaihtuohna teu chuh, bang-em ti’n, Krista kawma bukim tak leh thiengtho taka na kipiekna teu chuh suksiet in um kha’na tih ka lau hi.

LUKE 22:3

Tichun, sawm le nih te laka tel Juda, Iskariot a tihpau sung achun Setan a lut a.

LUKE 8:12

Chun, lamsîk a kie chuh, thu hesate hi ahiu hi: himahleh Setan chuh a hung a, a ginchak loh u a, hukdam a hih theih lohna dingun a lungthim apat thu chuh a lâksak sek hi.

MATTHAI 25:41

“Zie zawh chu leh, a veilam a mite kawm achun, ‘Hansie dawlte haw, kumkhuo mei, Diabol leh a sawlchakte dinga a guot sak uh achun nei chieh mangsan un.

MATTHAI 4:10

Ziephet chun Isu’n a kawmah, “Setan, chiehmang kêi ah! ‘Lalpa na Pathien ho inla, amah na chauh sem in’ tih zik ahi ngâl a,” a ti a.

MATTHAI 4:8

Chun, Diabol chun tâng sang tak ah a puikit a, khawvel gam chengcheng leh a lopina haw chuh a etsak a.

MATTHAI 4:5

Zie zawh chun Diabol in khawpi thiengtho Jerusalem a chun a pui a, Pathien Ho-In sipzum ah a kawih a, a kawmah,

MATTHAI 4:1

Zie zawh chun Isu chuh Diabol thepa um dingin gamthip ah thagau puih lut in a um ta a.

ISAI 27:1

Zie ni chuleh Lalpa chun, a chemzâm hiem hawih tak, lopi tak leh thilhih thei tak chun Leviathan gulpi hattak leh, Leviathan gulpi kiviel ngeungo chuh gawt intin, tuipi a dragon chule that ina.

THILSIEMBUL 3:13

Chun, Lalpa Pathien chun numei kawm achun, “Na thilhih hi bangti dân ahi ta?” a ti a. Numei chun, “Gûl in ei thêm a, ka na nek ahi,” a ti a.

THUPHUON 19:20

Tichun, sahang chuh a man uh a, thiemgau lêm, sahang melchikna nei leh, a lim note a lepbawl theihna dinga thilmak a mitmuh uh a hihpa khale a man tel uh a. A nih uh chun, mei leh kât a kâng dil achun a hingsan in a paih lut tau a.

THUPHUON 16:14

Ziete chuh thitha thagau, melchikna hih sekte chuh ahiu hi. Zie thagau thum te chuh, Bang cheng hihthei Pathien Ni lopi a kidona dinga mi pui khawm dingin, khawvel lengte kawm achun a kuon dawk tau a.

THUPHUON 13:14

Sahang masa mitmuh a melchikna hih dinga phalsak a a umna kha mang in, mi chengcheng a thêm sek a. Sahang, chemzâma liemsa, hung dam kit pa limbawlna ding chun, amah lim a siem dinguh a hii, ti’n a hilh sek a.

THUPHUON 9:20

Chun, mihiem, zie gawtna a suklup mâwkte chun, thithate leh, sana milimte, dangka milim te, sumeng milimte, suong milim te, thing milim te, bangmah mu thei lote leh za theilo, chieh thei diek lote a ho tâk lohna dingun, amau haw khut mâwnga a thil siemteu chuh a tâng diek puou hi.

THUPHUON 3:9

Ngaitie, Setan lawi laka tel, Juda tak hilo a, lepchieh gena Juda ka hi, kitite chuh sawl in, na keng bul ah hun ho sak ing ka ting, chun, ka hun hehpih hi tih le hetsak ing ka.

THUPHUON 2:9

Na gimtheih ziete, na chatgah ziete, himahleh, na hausa ngâl a! Juda tak hilo a, Setan kikhawpna laka tel hizaw ngâla, Juda kiti haw hun gensietna le ka hêi!

JUDA 1:9

Zie tawbang chuh, Mikael, vânsâwlchâk chungnung pên khan le a hih puoi. Mosi luong chung châng a, Diabol tawh a kiniel lai uh khan le, Diabol chuh thiemmawh chan saka, hosiet a ngam puoh a, “Lalpa’n hun gai zaw hen,” a ti zaw ahi kha.

HEBRAI 2:14

Tichun, chapangte hi, phehlevo leh thisan neite ngêi ahiu a, zie tawbang mah chun Isu ngêi chule a mihiem hihnau chuh nei in, amau haw tawbang chuh a hung hi ta a. Zie chuh, thihna chunga thunei, Setan thahatna chuh a thihna zieka a sukmangthai theihna ding leh,

2 TIMOTHE 3:13

Migilo leh mi thep hatte vang chuh, mi thep bawl leh thepthak a um in, hung sie zaw deuh deuh un au.

1 TIMOTHE 2:14

Adam chuh thep in a um puoh a, numei chuh thep in a um a, tichun, Pathien dân chuh a bawhsie ta a.

2 THESSALONIKA 2:3

Bang lama le kuomah thep in um kiu in. Puksietna chuh a hungtun masak zet a, Dan bawhsiepa, mangthai chapa chuh a hung kiphuon macheng chun, zie nikhuo chuh tung ding ahi puoh ngâl a.

EPHESI 4:14

Chuleh, milem hatte sinsakna, amau muhdawk kawmte zawnchitna huih in, muntin cheng a tawh lawn viel chapang hi ta puoi ting uh;

2 KORINTH 12:7

Chun, thilmak ka muh haw zieka chuh, ka kisuon takluot lohna ding leh zie chuh Setan sawlchak in matchâk a ei mat a, ka chapo loh na dingin ka taksa ahin ling ei kipie ahi.

ROME 16:20

Khutichun, chamna Pathien chun, chawmlo kalin, Setan chuh na kêngpêk nuoi u ah hun tawh den sak pai zieng ina. I Lalpau Isu Krista lungsietna chuh na kawm u ah um hen.

NASEPTE 5:3

Himahlele, Peter in, “Ananias. Thagau Thiengtho thêm ding leh, lei man abang îm dingin, bangati a Setan in na lunggil a sukdim a?

JOHAN 16:11

Pathien thutanna ale thiemmawh changin um un au, zie khawvel vaihawmpa chuh thiemmawh changa thutan khum a hih tâk ziekin.

JOHAN 14:30

Na kawm u ah thu gen kit man ta puo’ng ka, zie khawvel vaihawmpa hi hung ding ahi ta ngâl a; amah chun ka chungah bangmah hih theih him a nei puoi,

LUKE 13:16

Zie Abraham suona mi, Setan in kum sawm leh kum giet a hen chak zing hi, Chawlhni ale sut sak hilo ding ahim?” a ti a.

MATTHAI 24:24

Krista lêmte leh thiemgau lêmte hung pawt ding ahi ngâl uh a. Ziete chun melchikna nasatak leh, thilmak lopitak hun etsak un au, a hihtheih diek chun, telte nasan le hun dawha bawl ding ahiu hi.

MATTHAI 13:39

buhlem thehpa kha Diabol ahi; buh ât hun chuh khawvel beihna ding ahi a, buh-âthaw chuh vânsâwlchâkte ahiu ui.

1 KHANGTHUBU 21:1

Chun, Setan chun, Israel chate chunga buoina siem a nuom a, tichun, David chu mi sim nawpna lungthim a neih sak ta a.

THUPHUON 18:2

Amah chun aw ngeih tak in, “Babulon khawpi lopi chuh a chim tai! a chim tai! Thithate umna leh, thagau buok leh muhdahum tin chengte umna a hung hi tai!

EZEKIEL 28:16

Na sumkawlveina pung tultul chun, kipawngbawlna ah a hun puilut a, Gitlohna na hun hih tai. Zieziekchun ka hun paih dawk, Pathien tâng apat, Thil tenum guolin; Ka hun susiei, Aw vengtu cherub, Suong vak thiithiei lak apat chun.

THUPHUON 18:23

Thaumei vak le na sung ah vak ta puo’n tin; mo leh moneipa husa himhim le, na sung ah zak hi diek ta puo’n a. Na sumkawlveite chuh khawvel a mi thilhih thei pente ahiu a; na dawi thilhih in khawvel a mi chengcheng chuh na thêm sek ngâl a!

SAM LEHKHABU THE PSALMS 109:6

Nangin amau kalh dingin minunsie kawih inla: A khut changlam ah a hektu ding hen.

THUPHUON 12:8

Himahleh, a zo ta puou a, tichun, amah leh a sawlchakte chuh van a a um uh chuh phal a hi ta puoi.

THUPHUON 12:12

Zieziekchun, vante leh a sunga umte haw kipâk un! Himahleh, lei leh tuisuohgiet chung chuh a gik ie! Diabol chun, hun tawmcha mai a nei tai tih a kihet zieka, lungna mah mah puma, na kawmuh a a hung suktak ziekin,” a tih ka za a.

2 KHANGTHUBU 18:21

Chun, thiemgau chun, ‘Chieh ing ka ting, a thiemgaute kam achun thagau lepchieh in va um ing ka ti’n,’” a ti a,