THUPHUON 12:4 - PATHIEN LEKHABU THIENGTHO (BSI)

⁴ A mei chun van aksi, mun thuma khena mun khat a luoi a, lei chungah a paih tha ta a. Nau a suok phat phata a valh zawh theihna dingin, dragon chuh numei nau nei ding âng achun a ding zing a.

THUPHUON 12:4 ပူးပေါင်းရင်းမြစ်များ

THUPHUON 12:9

Chun, Dragon lien tak, gulpi têk, Diabol leh Setan a tih uh, khawvel pumpi thempa chuh a paih tha tau a. Tichun, amah leh a sawlchakte chuh leia paihthâk khawm in a um tau hi.

JOHAN 8:44

Nang u chuh na pau Diabol chate na hiu a, na pau deih guol zuih na nuom uh ahi. A tunga kipatin tuolthat a hi a, thudik lam ah a pang ngei puoi, thudik amah a a um loh ziekin. Lepchieh thu a gen tieng leh, amah ngeina mawng hih a hi a, amah chuh lepchieh a hi a, lepchieh pa le ahi.

THUPHUON 9:19

Zie sakawlte thilhih theihna chuh a kam uh leh a meiteu a chuh um ahi. A mei uh chuh gûl tawbang a hi a, luchang le a nei uh a; zie chun ahi, mi a suknat sek uh chuh.

THUPHUON 9:10

Chun, aikawm mei tawbang leh mi dehna a nei uh a, zie meite chun a hii. tha nga sunga mi suknat theihna a neih uh chuh.

THUPHUON 8:7

Tichun, vânsâwlchâk khatna chun a pengkun chuh a hun mût a, chun, giel leh mei, thisan tawh kihel in lei chungah a hung zu tha zieng ta a. Zie chun lei, mun thuma khena mun khat chuh a kâng tum a, thing leh hampa hing le, mun thuma khena mun khat chuh a katum vek ta a.

1 PETER 5:8

Pilkieu unla, khawthengai un! na kilanpih uh Diabol chun, keipi bakkai kitum sek bangin, a nek theih ding hawl in a kipei hethut sek hi.

PAWTDAWKNA 1:16

Tichun, a kawm u ah, “Hebrai numeite nau na dawp tieng u leh, nau neihna dawhkan a chun en unla, pasal a hih leh that zel unla; numei a hih le chuh na hinghawih dinguh ahi,” a ti a.

THUPHUON 17:18

“Chun, na numei muh khah, khuo lopi, leia lengte chunga vaihawm chuh ahi,” a ti a.

ISAI 27:1

Zie ni chuleh Lalpa chun, a chemzâm hiem hawih tak, lopi tak leh thilhih thei tak chun Leviathan gulpi hattak leh, Leviathan gulpi kiviel ngeungo chuh gawt intin, tuipi a dragon chule that ina.

THUPHUON 8:8

Chun, vânsâwlchâk nihna chun a pengkun chuh a vak mût a; tichun, tâng lienpi meikâk lai tawbang hi tuisuohgiet ah a paih lut uh a. Tichun, tuisuohgiet, mun thuma khena mun khat chuh thisan a hung suok ta a,

THUPHUON 8:9

Tuisuohgiet a thilsiem, hinna neite chule, mun thuma khena mun khat chuh a thi tau a; kuonghaw chule, mun thuma khena mun khat chuh suksiet ahi tau hi.

THUPHUON 8:10

Chun, vânsâwlchâk thumna chun a pengkun chuh a vak mût a. Tichun, aksi lienpi, meisel tawbanga kuong, van apat in a hung kie a; zie chun luipi leh tuinakte chuh a delh khum ta a.

THUPHUON 8:11

(Zie aksi min chuh, “Gamsai, ahi,”). Tichun, luipi mun thuma khena mun khat chuh a hung kha ta a, zie tui chuh a dâwn uh a, mi tamtak a thiu a, a hung khat tâk ziekin.

THUPHUON 8:12

Chun, vânsâwlchâk lina chun a pengkun chuh a vak mût a. Zie chun ni sa, mun thuma khena mun khat, thapi, mun thuma khena mun khat, aksi le mun thuma khena mun khat chuh suksiet ahi ta a; tichun, ni, mun thuma khena mun khat, tha mun thuma khena mun khat chuh a hung thim ta a.

THUPHUON 12:7

Chun, van achun kidona a um a; Mikael leh a sawlchakte chun dragon chuh a do uh a; chun, dragon leh a sawlchakte chun le a do thuk uh a;

THUPHUON 13:2

Chun, ka sahang muh chuh keite tawbang a hi a, a kênghaw chuh savawm keng tawbang a hi a, a kam chuh sakeibaknei kam tawbang ahi. Dragon chun sahang kawm achun a thilhih-theihna leh, a lallukhuk leh thuneihna nasa tak a pie a.

THUPHUON 13:4

Chun, dragon chun sahang kawma a thuneihna a piek ziek chun, dragon chuh mi chengcheng chun Pathien bangin a ho tau a. “Sahang tawbang hi kuo a um? Kuo a do thei ding?” ti’n, sahang chule a ho uh a.

THUPHUON 16:13

Chun, dragon kam apat leh sahang kam apat leh, thiemgau lêm kam apat, thagau buok thum, ukeng tawbang hung pawt hi ka mu a.

THUPHUON 20:2

Chun, dragon, gulpi têk, (zie chuh Diabol ahim, Setan ahim a hii) chuh a man a, a kân a.