THUPHUON 11:3 - PATHIEN LEKHABU THIENGTHO (BSI)

³ Tichun, ka thu ei hetpih nih te chuh thu pie’ng ka ting, amau chun kawlladip puon silh in, ni sang khat leh za nih leh ni sawmgup sung thu gen un au,” a ti a.

THUPHUON 11:3 ပူးပေါင်းရင်းမြစ်များ

THUPHUON 12:6

Chun, numei chuh thaleka Pathien in amahnu dinga mun a guonggalhna mun achun a taimang a, zie tak a chuh ni sangkhat leh ni zanih leh ni sawmgup sung chuh a khawi theihna dingin.

THUPHUON 11:2

Ho-In sung pawlam dai sung vang chuh teh ki’n, zie chuh Jentel te kawma piek dawk ahi ta ngâl a, amau haw chun Khawpi Thiengtho chuh tha sawmli leh tha nih tawhden un au.

THUPHUON 13:5

Tichun, sahang chuh, uong taka Pathien gensietna thu gen chuh phalsak ahi ta a, tha sawmli leh tha nih sung chuh thuneihna piek ahi tai.

DAN NIHNA 19:15

“Mi manlohna ahim, gitlohna ahim ngawh a um thiemloh chansakna dingin hetpihtu khat chauh chuh huntawk puo’n a; hetpihtu nih ahim thum ahim thugen apat ngawhna chuh namdet chauh ding ahi.

NASEPTE 13:31

tichun, Galili gam apat Jerusalem khuo a amah tawh va chiehte kawm achun, ni sawttak sung chuh a kilak sek a. Ziete haw chuh tuhin, mite kawma thu hetpihte ahi tau hi.

NASEPTE 1:8

Himahlele, Thagau Thiengtho chuh na chung u a a hungtun tieng leh, thilhih theihna hun nei unlau, tichun, Jerusalem khuo ale, Judea leh Samari gam khuo tin ale, kâwlmawng tiengin ka thu hetpihte hi’n lau,” a ti a.

LUKE 24:48

Ziehaw thil chengcheng chuh a hetpihte na hiu hi.

ISAI 22:12

Zie ni chun, Lalpa Sepaihte Lalpa chun kap ding leh âwm kichup ding leh, sam met muih a saidippuon silh dingin a hun sama.

THILSIEMBUL 37:34

Tichun, Jakob chun a silhlechen haw chuh a bawtthêk a, saidippuon a cheng a, ni sawttak a chapa chuh a sûn a.

2 KORINTH 13:1

Nang haw kawma ka hungna ding, tuhi a thum veina ahi tai. Pathien Lehkhathu’n, “Mawhchansakna thu taphawt chuh, hetpih nih ahim, thum ahim bêkin a hetpih tei ding ahi,” ti a a gen guol in.

NASEPTE 2:32

Zie Isu chuh Pathien in thihna apat in a kaitho ngêi a, zie thudik hetpihte chuh I bawnchau hin I hiu ui.

JOHAN 15:27

Chun, nangun le ka chanchin gen unlau, atûng apat ka kawma um na hih tâk ziekun.

MATTHAI 18:16

Himahleh, na thu a ngaihnawp loh le vang chuh mi dang khat ahim nih ahim, pui in la, khutia chuh thil cheng chuh hetpih nih ahim. thum ahim kama hih det a hih theih na’n.

SUNNA LA 2:10

Zion chanu upate chu tuol ah a chuu a; Saidippuon kisilh in a luchang u achun leivui a kibuok khum u a. Jerusalem ngâklakte chu tuol lam ah a kûn tha tau hi.

JOB LEHKHABU THE BOOK OF JOB 16:15

Ka vun chungah saidippuon ka belh a, ka hatna chuh tuol ah ka paih tha ta a.

1 KHANGTHUBU 21:16

Chun, David chun, Lalpa vânsâwlchâk, chemzâm zuk dawksa a Jerusalem chung zawna, lei leh van kikala ding chu a mu a. Khutichun, David leh upate chun saidippuon silh in, lei tuol ah a bawkkhup tau a.

KISIMNA 11:26

Lawiupa sawmsagih te lak a mi nih Eldad leh Medad chuh puon-In apat chun pawtdawk lo in a um zing u a, puon-In achun a chung u ah thagau chuh a um a, thiemgau guolin thu a gen u a.

THUPHUON 19:10

Tichun, amah ho dingin a keng bul achun ka khupbawk a, himahleh amah chun, “Khutichun hih ki’n khai! Kei chuh nangmah leh na suohpihte, Isu thu hettuoksak haw sawntawlawi chanpih ka hi a puo; Pathien ho zaw ta’n! Isu thu hettuoksak thudik khah, thiemgaute hatkhum sek khah a hi ngâl a!” a ti a.

THUPHUON 1:5

Isu Krista, thu hetpih taksanum tak, mithi lak apat a kaihthawh a um masapen ding pa leh, leia lengte vaihawmpa kawm apan chun A lungsietna leh chamna na kawm u ah um hen. Ama’n ei hehpih a, a thisan in I gitlohnau apat ei tandawk a,

NASEPTE 3:15

Hinna Siempa chuh na that u a; himahlele, Pathien in amah chuh mithi lak apat a kaitho kit a, zie chuh a hetpihte ka hiu hi.

DANIEL 12:7

Chun, mi, patngatpuon a kivan a, luipi tui chunga umpa chun a khut changlam leh a khut veilam van lama zak dawkin, “Hun khat leh hunte leh hun kimkhat sung hi’n a; mi thiengthote sukgimtheihna a tawp tieng leh zie thil chengcheng hi hungtung kim ding ahi,” ti a kumsawt Pathien min sâla a kihâksiel chuh ka za a.

DAN NIHNA 17:6

Hetpih nih ahim thum ahim thu apat a a thi ding pa chuh suklup ding ahi, ahihziekin, hetpih khat chauh thu a kuomah suklup ding ahi puoi.

THUPHUON 20:4

Chun, lalchutphah haw chuh ka mu a, a chungah mi a chuu a, a kawmuh achun vaihawmna a pieu a. Chuleh, Isu thu hettuoksakna thu zieka leh, Pathien thu zieka ngâwng kitante thagau leh sahang leh a lim ho lo a, a chalpâng uh ahim, a khut uh a him a, tiemtehna nei lote thagau chule ka mu a. Ziete haw chuh a hung hing tau a, kum sangkhat a dingin Krista tawh vaihawm in a um tau hi.

EPHESI 4:11

Amah mah chuh, “mihingte kawma Thilpiek,” piepa chuh ahi; khenkhatte chuh sawlchak dingin a guot a, khenkhat chuh thiemgau dingin, khenkhat chuh, belampu ding leh khenkhat chuh sinsaktu dingin a guot a.

1 KORINTH 12:28

Chun, khenkhat chuh, sapchuom haw lak ah a kawih a: a khatna chuh, sawlchak, a nihna ah thiemgau ding bangin; a thumna chun, sinsak dingin, chun, thilmak hihte bang a um u a; zie nung chun, sukdam theihna thilpiekte, mi panpih theihna thilpiekte; vaihawm thiemna thilpiek haw bang, pau chichuom chuom a thugen theihna thilpiekte a hung um kit hi.

JOHAN 3:27

Johan in a dâwng a, “Mihiem in bangmah a nei thei puou, Pathien in a piek a hih loh ngâl chun.

2 SAMUEL 3:31

Chun, David chun Joab leh a kawma mipi um chengcheng te kawm achun, “Na puonhawu bawtthêk unla, kawlladip silh unla, Abner thih chu sun un,” a ti a. Chun, David chun thikuong chu a zui ta a.

1 LENGTE 21:27

Chun, Ahab in zie thu chu a het phetin hiti hi ahi a, a puon a bawtthêk a, kawlladip puon a silh a, an a ngawl a, kawlladip puon chungah a kuol a, kingainiem takin a um ta a.

2 LENGTE 19:1

Chun, leng Hezekia’n zie thu haw chu a zak phetin, lungkham in a silhlechen haw chu a bawtthêk a, kawlladip silh in Lalpa Ho-In achun a chieh ta a.

NEHEMIA 9:1

Khutichun, zie tha mah, ni sawmnih leh ni li ni chun Israel chate chun an a ngawl u a, kawlladip silh in a luzâng u a leivui kibuok in a kikhawm u a.

SAM LEHKHABU THE PSALMS 69:11

Ka silhlechen dinga saidippuon ka mat leh, Amau dingin a sie lama tehkalna ka na hi zela.

JEREMIA 1:10

Entie, tuni hin namte leh lalgam chung haw ah, bawt dawk ding leh phie ding leh susie ding leh paih tha ding leh siempha ding leh tung dawk ding leh phut ding a ka hun guot na hi,” a ti a.

EZEKIEL 4:6

Chun, ziehi na sukbutin tieng leh, changlam pang delh in ni sawmli sung kuol kit in na tin, Juda insung mite gitlohna chuh puo’n na tin, ni khat chuh kum khat tawh kituok zel dinga ka hun guot sak ahi.

DANIEL 7:25

Chun, Chungnung pên pa kalh in thu gen intin, mi thiengthote chuh sugimthei in a, hunte leh dân chuh sukdanglam guo’n tin, hun khat leh hunte leh hun kimkhat sung chuh a khut u a piek hi’n a.

DANIEL 8:14

Vânsâwlchâk dangin a dawnna chuh ka vak za kit a, “Ni sangnih leh za thum sung sutzawp hi’n tin, zie hun sung chun zingkal leh nitâk in kithawihna lat hi puo’n a. Zie zawh chuleh mun thiengtho chuh sukthien hi ta’n a,” a ti a.

JOEL 1:13

Nang haw thiempute haw, kawlladip puon cheng unla kap un! Pathien Ho-In achun chieh unla, zan khuo vakin sûn un; Na Pathien u In apat chun changbuong lat leh dâwn ding lat chuh khap ahi ta ngâla!

JONA 3:5

Ziephetchun, Ninevi khuo a mipite chun Pathien thu chuh a gingchau a. Khutichun, an ngawlh ding thu a phuong u a, a lienpen apat a neupen tiengin a kisik nau suklat na dingin kawlladip puon a silh tau a.

JONA 3:8

Mihing leh gancha cheng chengin saidippuon silh chiet u henla. Mitin chuh Pathien kawma phachuomngai taka paucham in, ahi, mitin in amah lampi phalo leh a khut u a kipawngbawlna chuh kiheisan u hen!

MATTHAI 11:21

“Korazin, na chung a gik hi! Bethsaida, na chung a gik hi! nang haw chunga thilmak kihih haw kha Tura leh Sidon khuo a hih hileh, saidippuon silh a, vut laka chu’n a lung uh hêi ta khawp puo’n au.

LUKE 10:13

“Korazin, na chung a gik hi! Bethsaida, na chung a gik hi! Nangmau haw kawma thilmak kihih haw kha Tura leh Sidon khuo a hih hi hen la hi leh, saidippuon silh a vut laka chu’n a lung uh hêi ta khawp puo’n au.

THUPHUON 11:6

Ziete chun a thugen sung chenguh guoh zu lo dinga van khâk chak theihna thu a nei ui. Chuleh, tui thisan suoh sak theihna thu neihna le a nei uh a, lei hile gawtna tin chenga a ut phat phat uh a gawt theihna thuneihna le a nei uh ahi.