THUPHUON 11:2 - PATHIEN LEKHABU THIENGTHO (BSI)

² Ho-In sung pawlam dai sung vang chuh teh ki’n, zie chuh Jentel te kawma piek dawk ahi ta ngâl a, amau haw chun Khawpi Thiengtho chuh tha sawmli leh tha nih tawhden un au.

THUPHUON 11:2 ပူးပေါင်းရင်းမြစ်များ

THUPHUON 12:6

Chun, numei chuh thaleka Pathien in amahnu dinga mun a guonggalhna mun achun a taimang a, zie tak a chuh ni sangkhat leh ni zanih leh ni sawmgup sung chuh a khawi theihna dingin.

LUKE 21:24

Khenkhatte chuh chemzâma thah in um un na tin uh, khenkhatte chuh, namtin kawma sala puih in um in tin uh; tichun, Jentel te ni a bukim masang sieh, Jerusalem chuh Jentel te tawh den in um ina.

DANIEL 7:25

Chun, Chungnung pên pa kalh in thu gen intin, mi thiengthote chuh sugimthei in a, hunte leh dân chuh sukdanglam guo’n tin, hun khat leh hunte leh hun kimkhat sung chuh a khut u a piek hi’n a.

THUPHUON 11:3

Tichun, ka thu ei hetpih nih te chuh thu pie’ng ka ting, amau chun kawlladip puon silh in, ni sang khat leh za nih leh ni sawmgup sung thu gen un au,” a ti a.

DANIEL 12:7

Chun, mi, patngatpuon a kivan a, luipi tui chunga umpa chun a khut changlam leh a khut veilam van lama zak dawkin, “Hun khat leh hunte leh hun kimkhat sung hi’n a; mi thiengthote sukgimtheihna a tawp tieng leh zie thil chengcheng hi hungtung kim ding ahi,” ti a kumsawt Pathien min sâla a kihâksiel chuh ka za a.

THUPHUON 21:2

Chun, khawpi Thiengtho Jerusalem thak chuh, mo, a pasal tuok dinga kichei tawbanga kisazo diem in. Pathien kawm apat, van a hung suk le ka mu a.

ISAI 52:1

Aw Zion, halh in, halh inla, na hatna chun kivan in, Na silhlechen hawihtak chun kivan kit inla; Aw Jerusalem khawpi thiengtho, tu apat in na sung achun zektan loh te leh mi thienglo te chuh lut ding ahi ta puoh ngâla.

THUPHUON 22:19

Kuo’n le, zie lehkhabu a hilhlawkna thu hi a lâkmang chun, zie lehkhabu a kizik, Hinna thing leh, Khawpi thiengtho a a chan chuh, Pathien in a kawm apat la mang ina.

MATTHAI 27:53

Ziehaw chun thân chuh a taihsan u a, Isu thana a thawhkit nung chun, Khawpi Thiengtho a chun a lut u a, tichun, mi tamtak kawmah a kilak u a.

MATTHAI 5:13

“Lei chi na hiu hi; himahlele chi hi tam ta leh, bang in a hih al kit ta die? Zie a kipat chun paih dawk a, mihiemte tawhphah maimai ding ngâllo chun bangmah in a mat theih puoi.

MATTHAI 4:5

Zie zawh chun Diabol in khawpi thiengtho Jerusalem a chun a pui a, Pathien Ho-In sipzum ah a kawih a, a kawmah,

DANIEL 8:10

Tichun, van a sepaihte do thei ding khawp hiel chun a hung hât ta a, tichun aksite ngêi leh a laka khenkhatte chuh lei ah a paih tha a, a tawhden ta a.

EZEKIEL 42:20

A sik li chun a teh a: a kimvel a bang a dunglam tawng zanga, a vailam tawng zanga ahin a; a kimvelin kulhbang nei ahi a, zie chuh Mun Thiengtho leh mipi umkhawmna kikhenna dinga siem ahi.

THUPHUON 11:11

Chun, ni thum leh a kim nung chun, Pathien apat a hinna hu chuh a sung u ah a lut a, tichun a ding dawk uh a, a mu taphawtte chun a lau mah mah tau hi.

HEBRAI 10:29

Pathien Chapa tawhden a, thugawlh thisan, amah sukthienna chuh musit a, lungsietna Thagau sumuolpho chuh, zie sanga bangti tienga na zaw a thuok taka ngaih hi dingin a na ginchak?

DANIEL 7:19

Chun, gamsa lina, a dangte laka zatchuom diek, kihchak-um tak, a kengtin sumeng leh a ha thik manga a sapehte bawttel a, a themte a kêngpêk nuoia tawhden chungchâng chuh het ka nuom ta a.

SUNNA LA 1:10

A melmate chun a go neih cheng chu a lâksak tau a; Lalpa’n na mi pungkhawmte laka a lut loh dinguh ahi, ti a thu ana piek te achu a lut tâk ziekun.

ISAI 48:2

Khawpi Thiengtho a mi, a min Bangakai hihthei Israel Pathien chunga ginna ngate ti’n na kisuong mah mah uh a.

SAM LEHKHABU THE PSALMS 79:1

Aw Pathien, namte chuh na goluoh ding ahin a lut u a; Na Ho-In thiengtho hi a subuok u a;

KISIMNA 14:34

Gam na va etthâknau ni sawmli chuh, ni khat chuh kum khat zela sim in, kum sawmli sung chuh na gitlohnau thawk lawh un na tin, tichun ka lung-awihloh na chuh hun he’n lau.

ISAI 5:5

“Tuhin, ka grep huon chunga ka hih ding chuh hun hilh ing ka; a ling dai chuh lamang ing ka ting, nek zawhin um in tin, a suong pal chuh suchim ing ka ting, gamsate tawhden in um ina.

EZEKIEL 4:6

Chun, ziehi na sukbutin tieng leh, changlam pang delh in ni sawmli sung kuol kit in na tin, Juda insung mite gitlohna chuh puo’n na tin, ni khat chuh kum khat tawh kituok zel dinga ka hun guot sak ahi.

DANIEL 8:13

Ziephet chun, mi thiengtho te aw chuh ka za a, chun mi thiengtho dang kuo ahim in thu hun gen pa kawm achun, “Hâlmang thilpiek um zing sek te, bawhsietna suksiet a um mun thiengtho leh sepaih hawnte chuh tawhden dinga piek a hihna teu chungthu a kilâkna chuh bang chana sawt ahi die?” a ti a.

DANIEL 8:14

Vânsâwlchâk dangin a dawnna chuh ka vak za kit a, “Ni sangnih leh za thum sung sutzawp hi’n tin, zie hun sung chun zingkal leh nitâk in kithawihna lat hi puo’n a. Zie zawh chuleh mun thiengtho chuh sukthien hi ta’n a,” a ti a.

THUPHUON 21:10

Ziephet chun, Thagau in ka hung dim ta a, vânsâwlchâk chun tâng lienpi, sang tak chung ahin ei pui ta a. Jerusalem, khawpi Thiengtho, Pathien kawm apat van a hung suk,