THUPHUON 10:1 - PATHIEN LEKHABU THIENGTHO (BSI)

¹ Chun, vânsâwlchâk dang khat, van apat a hung kum suk hi ka mu a. Meitang a kivan a hi a, a luchang kimvel achun sakhizozum a um a; a mai chuh nisa tawbang a hi a, a keng chuh mei khuom tawbang ahi.

THUPHUON 10:1 ပူးပေါင်းရင်းမြစ်များ

MATTHAI 17:2

A et zing lai u chun, a mel put zie chuh a hung lamdang ta a; a mai chuh ni guolin a hung vak a, a silhlechente chuh êng guolin a hung vam ta a.

EZEKIEL 1:28

Guoh zuk ni a mei chunga sakhizozum kilat dân tawbang hi a kimvela vak kilat dân chuh ahi Ziehi Lalpa lopina kibatpih kilat dân chuh ahi. Chun, zie chuh ka muh in khupbawk in ka puk a, thugenpa aw ka za a.

THUPHUON 5:2

Chun, vânsâwlchâk hât tak aw ngeih tak a, “Kuo a zie lehkhabu a tiemtehna haw hi hihsie a, phel tâk um?” ti a kiko le ka mu a.

DANIEL 10:6

A taksa chuh beril suong tawbang ahi a; A mai chuh kawlphe tawbang in a vak a, a mit chuh meikuong tawbang ahi. A bante leh a kengte chuh sumeng nawtval tawbang ahi a, a aw chuh mipi tamtak thawmgi tawbang ahi.

THUPHUON 4:3

Zie a chu pa chuh Jaspi leh Sardion suong tawbang hielin a kilang a, chun, lalchutphah kimvel achun sakhizozum, vak et a smaragdin suong zie tawbang hi a kai a.

THUPHUON 8:13

Tichun, ka vak en a, mupi vanlaizawl a leng in, aw ngeih tak in, “Vânsâwlchâk thum, pengkun hun mût ding, zie gi hung um dingte ziek chun leia umte chung a gik ie! a chunguh a gik ie! a chunguh a gik ie!” a tih ka za a.

SAM LEHKHABU THE PSALMS 104:3

Amah chun a inkam chungnung kalkhang haw chu tui chung haw a khun a zam a; Meipi haw a kangtalai in na siem a; huih tha haw chung ah na vakviel a:

SAM LEHKHABU THE PSALMS 97:2

Meipi leh thim sah tak chu a kimvel ah a um a! Diktatna leh thutak chuh a lalchutphah kingakna ahi.

THUPHUON 1:7

Ngaitiem u, amah chuh meipi haw chunga hung ding ahi ie! Mit tin chengin amah muu un tin uh, amah sunte mawng khan tawh; khawvel a nam chengcheng in le amah kahcham un au. A hi. Amen!

NASEPTE 26:13

Chun, aw Lengpa, ka chieh lai in, sun-an nek phat ahi a, van apat eng, ni eng sanga vak zaw’n, keimah leh, ka tawnpihte vela eng in ka mu a.

LUKE 21:27

Zie tieng chuleh, Mihiem Chapa hi thilhih theihna leh lopina nasatak tawh mei laka hung mu ding na hiu hi.

DANIEL 7:13

Zan a kilâkna hung um achun, mi khat, mihing mel tawbang pu hi ka mu a. Meipi ûmkimvel in, kei lam hun zuonin ka mu a, himahleh amah chuh kumlekhuo a hing zing pa lam achun a chieh a, a kawmah a va um ta a.

SUNNA LA 3:44

Meipi’n na kituom khum a, ka pauchamnau chu a chieh pai theih loh na dingin.

ISAI 54:9

“Ziehi keia dingin Noah hun lai tawbang ahi, Noah hun khan tui let kit talo dingin ka kipautiem a; Tuhin, na chunga lungna kit ta lo dingin ka kipautiem ta a; hun gawt ngêi talo ding ka hi.

ISAI 19:1

Aigupta gam puokgik chuh! Ngaitiem u, Lalpa chuh meipi hattak chunga chuong in, Aigupta gam a hungtung tai; Aigupta te milim pathien chuh a masang achun kithing lun lun untin, Aigupta mite lunggil chuh a sung u ah tuimang zo ina.

SOLOMON LA 5:15

A kênghaw chuh suong vam khuom, sana geikuok a kituoh bang ahi. A mel latdan chuh Lebanon tângpi sidar thing hawih pên pente tawbang ahi a.

THIEMPUDANTE 16:2

Lalpa’n Mosi kawmah, “Na suohpihpa Aron hopih in la, puonzak sunga mun thiengtho a Pathien bawm chunga zahngaihna chutphah ma achun hun dang guolin mawk lut hiel kihen, khutilochun, thi kha’na; zahngaihna chutphah chung achun meipi a hung kilak ding ka hi ngâla.

PAWTDAWKNA 16:10

Israel chate kikhawm khawm chengcheng kawma Aron in thu a gen lai tak chun, thalek lam chuh a vak en a; chun, ngaitie, Lalpa lopina chuh meipi ah a hung kilang ta a.

THUPHUON 18:1

Zie thil haw nung chun, vânsâwlchâk dang, thuneihna nasatak nei a, van apat a hung kum ka mu a, a lopina chun lei pumpi hi a salhvak suok a.

THUPHUON 18:21

Chun, vânsâwlchâk hât tak khat hin, suong sumhei tawbang lientak khat hi a la a, tuisuohgiet ah a paih lut a, “Babulon khawpi lopi chuh hitibang taka nasa hin paih in um intin, kuoma’n mu kit ta hiel puo’n au.

THUPHUON 20:1

Chun, vânsâwlchâk, thampikuo-âwng chabi leh, thikkhau lien tak chawia, van apat a hung suk ka mu a.