THUPHUON 1:9 - PATHIEN LEKHABU THIENGTHO (BSI)

⁹ Kei Johan, na suohpihpau, Isu nungzui, lenggam mite chunga gimtheihna hungtung, thuokhat taka hun thuokpih pa chuh ka hi. Pathien thu leh, thu dik, Isu phuondawk chuh ka gen ziekin, Patmos tuikuol achun kawih in ka um a.

THUPHUON 1:9 ပူးပေါင်းရင်းမြစ်များ

MATTHAI 20:23

Amah chun a kawm u ah, “Ka khawn dâwn ding chuh dâwn thei un lau, himahleh, ka changlam leh ka veilam a chut ding thu chuh kei piek ding ahi puoh a, ka pa guot sakte ding hi zaw’n a,” a ti a.

MARK 10:39

Amau chun a kawmah, “Thei e a,” a tiu a. Isu’n a kawm u ah, “Ka khawn dâwn ding chuh dâwn thei un na tin uh; ka baptistma chan ding le chang thei un lau.

JOHAN 16:33

Zie thu haw hi na kawm u ah ka gen ta hi, keimah a na um ziek u a lungmuonna na neih theihna dingun. Khawvela hin dahum thuok in na um sek ui. Himahlele, kipâk takin um un, ken khawvel ka zo tai,” a ti a.

NASEPTE 1:15

Chun, zie nung sawtlo cha chun gingtute kikhawp khawmna a um a, a bawn u chun za leh sawmnih vel ahiu a; tichun, Peter chuh a ding a, a kawm u ah,

NASEPTE 14:22

“Dahum tamtak thuokin, Pathien gam ah I lut ding him uh ahi,” ti’n, sinsakte haw lungthim a sudet u a, taksanna a chuh um zing dingin a tîl zel u a.

ROME 8:17

Khutichun, chate I hih tâk u chun, go luohpihte I hiu a; Pathien go luohte, Krista luohpihte I hiu hi; a thuoknate I thuokpih u chun, a kawmah limbawl in um ngêi hitiu.

ROME 8:25

I muh loh chuh I kinep le vang chuh I ngak tuntun sek ui.

2 KORINTH 1:7

Khutichun, nangmau a ka kinepnau hi a lîng ngei puoh a; ka thawkgimnau a nei thawkpih mah bang u hin, panpihna ka muh teu changte le na hi ngâl u a.

PHILIPPI 1:7

Chanchin Pha sukdetna dinga ka dinpihna thu zieka tu a suongkul a ka tan lai leh, zalen taka ka umna haw a le, Pathien in hun khan ei piekte ei kikawppihte na hi ngâl u a.

PHILIPPI 4:14

Himahlele, ka lunggimna haw a nei na lunggimpih hawu hi na hih phau hi.

2 THESSALONIKA 3:5

Lalpa chun, Pathien hehpihna leh, Krista thuokhatna chuh hethiem zawsem dingin hun pui ta hen.

2 TIMOTHE 1:8

Khutichun, I Lalpau thu hetpih a pan chuh zahchâkpih ki’n la, kei, amah zieka suongkul lut hile ei zahchâkpih diek ki’n. Zie malak chun, Chanchin Pha zieka haksa thuok hi, Pathien in thuok theihna a hun piek bang zelin nei thuokpih zaw ta’n.

HEBRAI 10:36

Pathien deihlam hih a, a thil tiem chuh mu dingin thuokhatna na kiphamawh uh a puo!

1 PETER 5:1

Khutichun, na lak uh a sapchuom lawiupate chuh, kei, na upatpih uh, Krista thuokna hetpihpa leh, lopina hung kilang ding chanpih ding pa hin ka hun tîl na hiu hi.

THUPHUON 1:1

Isu Krista thuphuon dawk; Pathien in a sawntawlawite hetsak dinga a kawma a piek, thil hungtung vak zieng ding thute chuh ahi. Zie chuh a vânsâwlchâk sawl in, a sawntawlawi Johan a hun hetsak a,

THUPHUON 1:2

Tichun, Johan chun, a thil muh chengcheng chuh a gen dawk ta a. Ziehi, Johan in, Pathien apat a thu leh, Isu Krista’n a kawma thudik a phuondawk, a gente chuh ahi:

THUPHUON 1:4

Johan chun, Asia gama sapchuom haw lawi sagihte kawm achun: A umlaitak leh um sapa leh hung um kit ding pa kawm apat leh, a lalchutphah masanga Thagau sagih um haw kawm apat leh,

THUPHUON 1:6

tichun, a Pathien leh Pa lenggam thiempu nasem dingin ei siem ta a. A hii, Isu Krista kawm mawng achun, lopina leh vaihawmna chuh kumkhawtuong in um hen. Amen.

THUPHUON 11:7

Chun, a hettuoksaknau thuphuon chuh a zawh tiengu leh, thampikuo-âwng apat sahang hung pawtdawk ding chun a mau chuh do intin, zo intin, sulum ina.

THUPHUON 12:11

Belamno thisan vang leh, thudik a hettuoksak thuu vanga guolzote a hiu a, a hinnau chan khawp leh thih ngama pang te a hi ngâl uh a.

THUPHUON 12:17

Khutichun, dragon chuh numei chung achun a lungna mah mah ta a, tichun, a suonte haw, Pathien thupiek haw zawp a, Isu hetpihna thu pawmte chuh do dingin a chiehdawk ta a.

THUPHUON 13:10

Kuole, sala mat dingte chuh, sala mat in a um sek ui; kuole, chemzâma thah dinga umte chuh, chemzâm mah a thah in a um sek ui. Zie hin, mi thiengthote thuokhatna leh taksanna chuh a hung kilang dawk sek hi.

THUPHUON 14:12

Zie ahin, mi thiengthote, Pathien thupiek haw leh, Isu taksanna zieka thuokhatte kihet theihna a um hi.

THUPHUON 19:10

Tichun, amah ho dingin a keng bul achun ka khupbawk a, himahleh amah chun, “Khutichun hih ki’n khai! Kei chuh nangmah leh na suohpihte, Isu thu hettuoksak haw sawntawlawi chanpih ka hi a puo; Pathien ho zaw ta’n! Isu thu hettuoksak thudik khah, thiemgaute hatkhum sek khah a hi ngâl a!” a ti a.

THUPHUON 20:4

Chun, lalchutphah haw chuh ka mu a, a chungah mi a chuu a, a kawmuh achun vaihawmna a pieu a. Chuleh, Isu thu hettuoksakna thu zieka leh, Pathien thu zieka ngâwng kitante thagau leh sahang leh a lim ho lo a, a chalpâng uh ahim, a khut uh a him a, tiemtehna nei lote thagau chule ka mu a. Ziete haw chuh a hung hing tau a, kum sangkhat a dingin Krista tawh vaihawm in a um tau hi.

THUPHUON 3:10

Thuokhat dinga ka hun thupiek chuh na vawp zing ziekin, ken le khawvel a patepna, leia mi chengcheng chunga hungtung ding buoina lak apat chun hun humbit ing ka.

THUPHUON 6:9

Chun, Belamno chun tiemtehna ngana chuh a vak phel leh, Pathien thu a gen ziekuh leh, hetpihtu taksanum taka a pan ziekuh a thaha umte thagau haw chuh ka mu a.

THUPHUON 7:14

Kei chun a kawmah, “Hepu, ka he puoi, nangin na he’i” ka ti a. Amah chun ka kawmah, “Ziehaw hi, gimtheihna nasatak apat a pawtte khah ahiu a, Belamno thisana a puon uh sawp vamte ahiu hi.