THUPHUON 1:8 - PATHIEN LEKHABU THIENGTHO (BSI)

⁸ “Kei a Bul leh a Tawp chuh ka hi,” Lalpa Pathien, A umlai tak leh um sapa leh, hung um kit ding pa, Bangakai hihtheipa chun a tih ahi.

THUPHUON 1:8 ပူးပေါင်းရင်းမြစ်များ

ISAI 44:6

Lalpa, Israel mipite Tandawkpa leh vengpa, Bangakai hihthei Lalpa chun hiti hin a tii, “Kei a Masapen leh a Nunung pên, Pathien khat chauh ka hi a. Kei tihloh Pathien dang himhim a um puoi.

THUPHUON 22:13

Kei, Alpha leh Omega, a masapen leh a nunung pên, a Bul leh a Tawp ka hi.”

ISAI 43:10

Nang u haw hi Kei ei hetpihte na hiu a, ka suokte hi dinga ka hun tel na hiu a, Khutia chuh nei hetuh a, nei ginchak uh a, Kei mai hi Pathien ka hi tih na hêtchet theihna dingun, Lalpa’n a tii. Kei tih loh pathien dang himhim a um puoh a, um le um ngei puo’n tin, hung um kit diek puo’n a.

ISAI 48:12

Aw Jakob leh, ka tel chuom Israel, ana ngaitiem u! Kei hi Amah chuh ka hi a, amasapen leh a Nunung pên chuh ka hi.

THUPHUON 21:6

Chun, ka kawmah, “Hih zawh ahi tai! Kei Alpha leh Omega, a Bul leh a Tawp chuh ka hii. Dangchâk ta chengte kawm achun, Hinna tuikhuk a um, a thawn in pie’ng ka.

ISAI 41:4

Ziehaw umsak chuh kuo ahi? Ana guonggalh chuh kuo ahi? Atûng apat khang tamtak hun samdawkpa chuh kuo ahi? Kei, Lalpa a masapen leh a nunung pên kawma um hin ka hih ahi.

THUPHUON 1:4

Johan chun, Asia gama sapchuom haw lawi sagihte kawm achun: A umlaitak leh um sapa leh hung um kit ding pa kawm apat leh, a lalchutphah masanga Thagau sagih um haw kawm apat leh,

THUPHUON 11:17

“Aw Lalpa Pathien, Bangakai hihthei, Um lai tak leh umsapa! Na thilhih theihna lopitak chuh laa, Vai na hawm pat tâk ziekin, kipahthu ka hun gen ui!

THUPHUON 1:17

Amah ka muh phet chun, a thi tawbang in a keng bul ah ka puk ta a. Chun, amah chun a khut changlam chuh ka chunga nga’n, ka kawmah, “Lau dah ta’n, Kei a Masapen leh a Nunung pên chuh ka hi.

THUPHUON 2:8

“Chun, Smurna khuo a sapchuom haw lawi vânsâwlchâk kawm achun hiti hin zik ah: “A masapen leh Nunung pên, thi a hung thokitpa khan zie thu haw hi a gen ahi;

THUPHUON 4:8

Chun, ganhing lite chuh, tha gup nei chiet, a kimvel cheng leh a sung uh mita dim ahiu hi. Chun, “Lalpa Pathien, Bang cheng hihthei, umsa pa leh, um lai tak leh, hung um kit ding pa chuh, A thiengtho ie, A thiengtho ie, A thiengtho ie!” ti’n sun leh zan in a chawlnga kha puou hi.

2 KORINTH 6:18

Nanguh dingin Pa hi’ng ka ting. Nanguh le, kei dingin chanu, chapa hi’n lau,” Lalpa, Bangakai hihtheipa chun a tii.

ISAI 9:6

Ei u dingin naupang a hung pieng a, Chapa piek in I um tau a! Vaihawmna chuh a liengko ah um intin; Amin chuh “Mak, Lemguottu, Pathien Hat, Kumsawt Pa, Chamna Lal Cha,” tih hi ding ahi ngâla.

THILSIEMBUL 49:25

Na pa Pathien, nang hun panpih ding a Bangkim hihtheipa, Chunglam van vangsakna haw, Nuoi lam a tui thuk tak vangsakna haw, nawitui leh sûla vangsakna haw, Nang mah hun vangsak ngêi ding pa, Bangkim hihtheipa sukhat in a um a.

THUPHUON 19:15

Chun, a kam apat in chemzâm hiem tak a hung pawt a, zie chuh namtin a satna ding ahi. A chunguh achun thik tiengin vaihawm intin; Pathien, Bangakai hihtheipa lungnatna nasatak grep thawkna khuk achun chilgawp ina.

THUPHUON 16:14

Ziete chuh thitha thagau, melchikna hih sekte chuh ahiu hi. Zie thagau thum te chuh, Bang cheng hihthei Pathien Ni lopi a kidona dinga mi pui khawm dingin, khawvel lengte kawm achun a kuon dawk tau a.

THUPHUON 21:22

Chun, khawpi sung achun Ho-In himhim ka mu puoh a, Lalpa Pathien, Bangakai hihtheipa leh Belamno chuh a Ho-In uh ahiu hi.

PAWTDAWKNA 6:3

Abraham te, Isak te leh Jakob kawm akhan Pathien Bangakai hihthei in ka na kilak ta a, himahleh ka min thiengtho Jehovah tih hin vang chuh a kawm u ah ka na kihetsak puoi.

THUPHUON 1:11

“Na thil muh ding chuh. lehkhabu ah zik inla, sapchuom haw lawi sagih, Ephesi khuo te, Smurna khuo te, Pergamos khuo te, Thuatira khuo te, Sardis khuo te, Philadelphia khuo te leh Laodikei khuo haw achun thâk ah,” a tih ka za a.

THILSIEMBUL 35:11

Chun, Pathien mah in a kawmah, “Kei Pathien Bangkim hihtheipa chuh ka hi: chi tamtak suongin hung pung in; chi tih kham zet leh nam chuom chuom tamtak le nang apat in hung pieng intin, na khalbe apat in lengte le hung pawt in au;

THILSIEMBUL 28:3

El Shaddai Pathien chun hun vangsak intin, nam tamtak te pa na hung hihtheihna dingin, suonlepak tamtak hun neihsak in, hun hihpung hen;

THILSIEMBUL 17:1

Chun, Abram chuh kum sawmkuo leh kum kuo mi ahih in, Lalpa chuh a kawmah a hung kilak a, a kawmah, “Kei, Pathien Bangkim bawlthei ka hi; ka masang ah um inla pha bukim in um in.

KISIMNA 24:4

Pathien thugen he theipa thu gen chuh. Mit vak tak chun, puon-In achun, Pathien apat a kilâkna ka mu ta a.

THILSIEMBUL 43:14

Tichun na suohpihpau khat leh Benjamin chuh a hun thahdawk na dingin, Pathien Bangkim hihthei chun zie pa chuh nanguh hun lungsiet sak hen. Ka chate chuh ka chân leh ka chân hi mai ven ti,” a ti a.

THILSIEMBUL 48:3

Jakob chun Joseph kawmah, “Pathien Bangkim hihtheipa chuh Kanaan gama Luz khuo achun ka kawmah a kilak a, ei vangsak ta a.

PAWTDAWKNA 3:14

Chun, Pathien in Mosi kawmah, “KEI CHUH KEI KA HI” a ti a. Chun, a kawm u ah: “KEI KA HI, kiti chun na kawm u a ei sawl ka hi,’ na tih ding ahi,” a ti a.

THUPHUON 15:3

Pathien sawntawlawi Mosi la leh Belamno la: “Aw Lalpa Pathien, Bangkim hihthei, Na thilhihte chuh a lopi in, a mak a; Nang, namtin Lalpen, Na lampi chuh a diktat in, a dik ngâl a!

THUPHUON 16:7

Chun, maichâm apat in, “A hii, Aw Lalpa Pathien, Bangakai hihthei, na vaihawm haw hi a diktat in a dik ahi,” tih aw hile ka za a.

THUPHUON 19:6

Chun, mipi nasa tak aw tawbang leh, tui tamtak gi tawbang leh. van nasa taka gi tawbang in, “Halleluia, Lalpa I Pathien uh, Bangkim hihtheipa chun vai a hawm tai!