THUPHUON 1:5 - PATHIEN LEKHABU THIENGTHO (BSI)

⁵ Isu Krista, thu hetpih taksanum tak, mithi lak apat a kaihthawh a um masapen ding pa leh, leia lengte vaihawmpa kawm apan chun A lungsietna leh chamna na kawm u ah um hen. Ama’n ei hehpih a, a thisan in I gitlohnau apat ei tandawk a,

THUPHUON 1:5 ပူးပေါင်းရင်းမြစ်များ

SAM LEHKHABU THE PSALMS 89:27

Chun, kei chun amah chuh ka cha masa’n siem ing ka ting, Leia lalte lak ah chungnung pên in siem ing ka.

HEBRAI 9:14

Krista, kumsawt a Thagau zâla melhemlo a Pathien kawma kithawihna thisan chun, Pathien hing zenviel dingin, na sielephahetnau chuh thilhih thite lak achun a hah hihthien na mai zên ding e!

1 JOHAN 1:7

Himahlele, amah chuh vaka a um banga, ei uh le vaka um I hih uh chun chuh, amah tawh kivawp khawm I hiu a; chun. a Chapa Isu thisan in I gitloh cheng chenguh ei tauh ngim sak ahi.

THUPHUON 17:14

Ziete haw chun Belamno chuh do un tin; himahleh Belamno chun, a telte, leh amah nungzui ginumte chu tawh amau chuh zo unau; amah chuh Lalte Lal leh, Lengte Leng a hih ziekin,” ti’n.

KOLOSSA 1:18

Amah chuh sapum, (zie chuh sapchuomte ahi,) luchang a hi a; taksa pumpi hinna bulpi chule ahi. Thil chengcheng sanga masapen a hih theihna dinga, thihna apat a kaihthawh a um, Chapa pieng masapen chuh ahi.

1 PETER 1:19

belamno melhemlo leh buok beklo thisan guola, Krista thisan lul a tat na hi zawu hi tih, na he ngâl uh a.

NASEPTE 26:23

Krista’n dahum thuok intin, amah chuh mithi lak apat thokit masapen, Judate leh Jentel te kawma hukdamna vak muhsak masapen hi’n a, a tih uh thu khah,” a ti a.

THUPHUON 19:16

A puon leh a malpi achun, “LENGTE LENG, LALTE LAL,” ti a min kizik a um a.

1 JOHAN 4:10

Ziehi ahi hehpihna chuh; eimau in Pathien I hehpih ui ti ka hi puoh a, ama’n ei uh ei hehpih a, I gitloh uh lutchamna hi dingin, a Chapa a hun sawl hi ti ka hi zaw ie.

JOHAN 18:37

Chun, Pilate in a kawmah, “A leh, leng hilo na hi?” a ti a. Isu’n, “Hi e, leng ka hi a puo! Thutak hetsak hi ka pien lawh leh, khawvel a ka hung lawh ahi. Kuole, thutaka um ta poh in ka thu a pawm sek ui,” a ti a.

THUPHUON 3:14

“Chun, Laodikei khuo a sapchuom haw lawi vânsâwlchâk kawm achun hiti hin zik ah: “Amen, taksanum leh hetpih dik, Pathien thilsiem haw bul khan, zie thu haw hi a gen ahi;

THUPHUON 7:14

Kei chun a kawmah, “Hepu, ka he puoi, nangin na he’i” ka ti a. Amah chun ka kawmah, “Ziehaw hi, gimtheihna nasatak apat a pawtte khah ahiu a, Belamno thisana a puon uh sawp vamte ahiu hi.

MATTHAI 28:18

Tichun, Isu chuh a kawm u ah a hung a, a kawm u ah, “Lei leh van a thuneihna chengcheng ka kawma piek ahi tai.

SAM LEHKHABU THE PSALMS 72:11

Ahi, leng chengcheng chuh a masang ah khupbawk u henla; Chun, namtin chengin a na sem u hen.

1 TIMOTHE 6:15

Zie kilâkna chuh a hun tak achun, Pathien, vangsaka um, Thuneipa khat mai, Lengte leng leh Lalte lal chun hun sulang ina.

EPHESI 2:4

Himahlele. Pathien chun khuotuohna a hau a, a mi hehpihna nasatak ziek khan,

EPHESI 5:2

Chun, Krista’n, a hun hehpih a, gimlim a dingin, Pathien kawma thillat leh kithawihna a I sik uh a a kipiek guol khan, hehpihna ah um un.

NASEPTE 20:28

Pathien sapchuom haw, amah thisan a a châwkte chuh vak dingin, nangmau haw leh na belam hawnteu chung achun chingthei un, Thagau Thiengtho in amau haw enkawl dinga a hun siem na hiu hi.

DANIEL 7:14

A kawm achun thuneihnate, lopinate, leh leng thilhih theihnate chuh piek ahi a, mitin te, namtin te, leh pautin te chun a na sep sak un au. A thuneihna chuh kumlekhuo’n um in tin, bei ngei talo ding ahi a, lalgam chun tawp ni neita puo’n a.

GALATI 2:20

Krista kawmah khetdên in ka um ta a, himahlele, ka hing hi, himahleh, keimah vang ka hi ta puoh a; Krista chuh keimah ah a hing zaw tai. Zie hinna, tu a ka hinna mawng hi, Pathien Chapa, ei lungsiet a keia dinga A hinna piepa taksanna mah achun ka hing ta ngâla.

ZEKARIA 13:1

“Zie ni chuh a hungtun tieng leh, David suonte leh Jerusalem mite gitlohna leh milim honau apat sukthien na dingin tuikhuk hawn in um ina,

ISAI 55:4

Ngaitie, amah chuh namte hetpih dingin ka siem a, namte puitu ding leh thupie dingin ka guot a, Amah achun ka thilhih theihna etsak ing ka.

THUPHUON 11:15

Chun vânsâwlchâk sagihna chun a pengkun chuh a vak mût a, tichun, van apat in aw ngeih tak in, “Khawvel gam hih I Lalpau leh Krista gam a hung hi tai, amah chun kumkhuotuong in vaihawm ina!” a hun ti a.

1 TIMOTHE 6:13

Pathien, thil tincheng kawma hinna piepa leh, Krista Isu, Pontia Pilate ma a phuon pha a phuongpa masang achun thu ka hun piek na hi;

1 KORINTH 6:11

Na laku a khenkhat chuh khutibang mi na hi sek u kha. Himahlele, gitlohna apat a sukthien na hi tau a; Pathien kawma lat na hiu a; Lalpa Isu Krista leh, Pathien Thagau zâla chuh, Pathien tawh kichama siem na hi tau hi.

JOHAN 15:9

Pa’n ei hehpih guolin ken le ka hun hehpih na hiu hi; ka hehpih in um zingun.

JOHAN 13:1

Chun, Isu’n, Chiehkân Kut maa zie khawvel hi pawtsan a, Pa kawma chieh phat a tung tai tih a he a. Amah mi, khawvel a um, a hehpih sekte chuh, a tâwp tiengin le a hehpih zing a.

DAN NIHNA 7:8

Lalpa’n a hun hehpih ziek leh na pileputeu kawma a na kihâksielna chuh sukpitin a nawp ziekin ahi zaw a puo Lalpa’n Aigupta lengpa Pharao khut apat khut hattak a suok apat a hun tatdawk chuh.

ROME 8:37

Khen lo e! ziehaw chengcheng achun, ei hehpihpa vang chun, lopi taka zote I hiu hi.

JOHAN 13:34

“Thutiem Thak ka nun piek na hiu hi, kihehpih unla; ken nanguh ka hun hehpih guol hin, nang haw le kihehpih tuoh chiet un.

JOHAN 3:32

Amah chun, a muh leh a hette chuh a gen sek a, himahleh, kuoma’n a thugen chuh a pawm nuom puou hi.

JOHAN 3:11

Tihtakzet, tihtakzet a ka hilh na hii, kei un ka het u chuh ka gen sek ui, ka muh u chuh ka hetsak sek ui, himahlele, ka thu hetsak u chuh na awi sek puou hi.

DAN NIHNA 23:5

Ahih ziekin, Lalpa na Pathien un Balaam thu chuh a limsak puoh a, Lalpa na Pathien u chun a hun hehpih ziekin gâusapna chuh nang u dinga vangsakna Lalpa na Pathien u chun a chansak zaw ta ahi kha.

DANIEL 2:2

Tichun, lengpa chun mitvaidawi thiemte, phunsân thiemte; dawithiemte Kaldai mite a mang chuh amah hilh dinga sap ding thu a pie a. Tichun a hung khawm u a, leng masang achun a hung ding tau a.

SAM LEHKHABU THE PSALMS 51:2

Ka thulimlohna ei silthien sak tin ten inla, Ka gitlohna ei silngim sak in.

THUCHINGTE 14:5

Hetpih ginum chuh a zuou ngei puoh a, himahleh hetpih ginumlo vang chun zuou a gen sek hi.

MATTHAI 20:28

Mihiem Chapa hi zen a um dinga hung ahi puoh a, mi zen ding leh, mi tamtak tatna dinga a hinna pie dinga hung a hih guol hin,” a ti a.

JOHAN 3:16

Pathien in khawvel a hehpih mah mah ziekin, a Chapa changkhat neih sun a pie a, kuole, amah gingcha taphawt chuh mangthai puou un tin; himahleh, kumkhuo hinna nei zawn au.

ROME 3:25

Pathien thuokhatna zâla malaia a gitlohna teu kihetloh sak a a um ziekin a diktatna etsakna dingin Krista Isu chuh a thisana ginna zieka suol thuphachawih na hiding in Pathien in a guot a.

HEBRAI 10:29

Pathien Chapa tawhden a, thugawlh thisan, amah sukthienna chuh musit a, lungsietna Thagau sumuolpho chuh, zie sanga bangti tienga na zaw a thuok taka ngaih hi dingin a na ginchak?

THUPHUON 2:13

Na umna, Setan chutphah umna khah ka hêi; keia dingin taksanum takin na um a, ka thu ei hetpihpa Antipas, Setan umna a, na lak uh a a thah uh, ka mi taksanum tak, umlai nasan khan le, nei taksanna hi na kilepsan puoh a.

THUPHUON 11:3

Tichun, ka thu ei hetpih nih te chuh thu pie’ng ka ting, amau chun kawlladip puon silh in, ni sang khat leh za nih leh ni sawmgup sung thu gen un au,” a ti a.

THUPHUON 19:11

Chun, van kihawng ka mu a; ngaitie! sakawl kâng leh, a chunga chu, “Taksanum leh Diktak,” a tih uh chule ka mu a; amah chun diktat takin vai a hawm a, a do sek hi.

THIEMPUDANTE 13:58

Chun, puon chuh a kigan ahim, a kiphan ahim, savun a kisiem chi himhim na sawp a, natna hi’n a kithiel dawk san chun sawp kit ding ahi a, tichun, hung thieng ta’n a.

DAN NIHNA 18:2

A unauteu lak ah gochan a neih dinguh ahi puoi; a kawm uh a a tiem guol khan, Lalpa chuh a gochan uh ahi ngâla.