THUPHUON 1:4 - PATHIEN LEKHABU THIENGTHO (BSI)

⁴ Johan chun, Asia gama sapchuom haw lawi sagihte kawm achun: A umlaitak leh um sapa leh hung um kit ding pa kawm apat leh, a lalchutphah masanga Thagau sagih um haw kawm apat leh,

THUPHUON 1:4 ပူးပေါင်းရင်းမြစ်များ

ISAI 11:2

Chun, Lalpa Thagau, chitna leh hetthiemna thagau, lemguotna leh hatna thagau, hetna leh Lalpa kihchakna thagau a chungah chu’n a.

SAM LEHKHABU THE PSALMS 90:2

Tangte pien ma a, Leichung khawvel na phuhdawk man le, Kumsawt apat kumsawt chan inle nang chuh Pathien na hi.

HEBRAI 13:8

Isu Krista chuh thangni, tuni leh kumkhuotuong in a ngêi ngêi ahi zing ngâl a.

JOHAN 1:1

A tûngin Thu a um a, Thu chuh Pathien kawmah a um, Thu chuh Pathien ahi.

THUPHUON 5:6

Chun, lalchutphah lailung a ding, Belamno, ganhing lite leh upate um kimvela um chuh ka mu a. Zie Belamno chuh a kithat sa hi leh kilawm tak hin a kilang a. Ki sagih leh mit sagih hi a nei a, ziete chuh Pathien Thagau, khawvel pumpi chunga sawl dawka umte chuh ahiu hi.

THUPHUON 4:5

Tichun, lalchutphah apat chun kawlphe le, aw le vangi le a hung pawt dul dul a. Chun, lalchutphah ma achun meisel sagih a kuong a, zie chuh Pathien Thagau sagihte khah ahiu hi.

THUPHUON 1:8

“Kei a Bul leh a Tawp chuh ka hi,” Lalpa Pathien, A umlai tak leh um sapa leh, hung um kit ding pa, Bangakai hihtheipa chun a tih ahi.

THUPHUON 3:1

“Chun, Sardis khuo a sapchuom haw lawi vânsâwlchâk kawm achun hiti hin zik ah: “Pathien Thagau sagih leh, aksi sagih neipa khan zie thu haw hi a gen a hii: Na thilhih ziete ka hêi, thi zing ngâla, hing min na put hi.

JAKOB 1:17

Thilpiek pha leh bukim chengcheng chuh, chunglam apat ahi. Pa vaka hung tha suk ahi a, amah achun lamdanna leh kiheina lim himhim a um thei puoi.

ZEKARIA 4:10

Vânsâwlchâk chun ka kawmah, “Thaumei sagihte chuh Lalpa mit, khawvel pumpi ahin a vakviel sek uh ahi,” a ti a.

ISAI 41:4

Ziehaw umsak chuh kuo ahi? Ana guonggalh chuh kuo ahi? Atûng apat khang tamtak hun samdawkpa chuh kuo ahi? Kei, Lalpa a masapen leh a nunung pên kawma um hin ka hih ahi.

PAWTDAWKNA 3:14

Chun, Pathien in Mosi kawmah, “KEI CHUH KEI KA HI” a ti a. Chun, a kawm u ah: “KEI KA HI, kiti chun na kawm u a ei sawl ka hi,’ na tih ding ahi,” a ti a.

THUPHUON 4:8

Chun, ganhing lite chuh, tha gup nei chiet, a kimvel cheng leh a sung uh mita dim ahiu hi. Chun, “Lalpa Pathien, Bang cheng hihthei, umsa pa leh, um lai tak leh, hung um kit ding pa chuh, A thiengtho ie, A thiengtho ie, A thiengtho ie!” ti’n sun leh zan in a chawlnga kha puou hi.

THUPHUON 3:7

“Chun, Philadelphia khuo a sapchuom haw lawi vânsâwlchâk kawm achun hiti hin zik ah: “Mi thiengthopa, mi dik pa, David chabi neipa, kuomah khâk loh dinga hawng a, kuomah hawn loh dinga khakpa khan, zie thu haw hi a gen a hii:

ROME 1:7

Pathien deihtak, mi thiengtho hidinga sap Rome khuo a um cheng chengte kawmah: Pathien I Pau leh Lal Isu Krista apat chun hehpihna leh lungmuonna na kawm u ah um hen.

ZEKARIA 3:9

Ngaitie, Joshua masanga ka suong kawih chuh, suong khat achun mit sagih a um a, a chunga chun vih kuok thawh in lehkha zik ing ka ting, zie gam sunga gitlohna chengcheng hi ni khat thu’n lamang vek ing ka tih hi Bangkim hihthei Lalpa thugen ahi.

MIKA 5:2

Himahleh, Aw nang Bethlehem Ephrathah, Juda gamsung a khawpi te laka neupen na hi a, himahlele, nang apat in Israel te vaihawm ding tungdawk ing ka, a phunggui malai pek apat a sût a um ngêi chuh.

THUPHUON 2:8

“Chun, Smurna khuo a sapchuom haw lawi vânsâwlchâk kawm achun hiti hin zik ah: “A masapen leh Nunung pên, thi a hung thokitpa khan zie thu haw hi a gen ahi;

THUPHUON 1:20

Ziehi, ka khut changlama aksi sagih um na muh te leh, sana thaumei kawihna sagihte thuguk chuh ahi. Aksi sagihte chuh, sapchuom haw lawi sagihte vânsâwlchâk ahiu a, thaumei kawihna sagihte chuh, sapchuom haw lawi sagihte chuh ahiu hi.

THUPHUON 1:11

“Na thil muh ding chuh. lehkhabu ah zik inla, sapchuom haw lawi sagih, Ephesi khuo te, Smurna khuo te, Pergamos khuo te, Thuatira khuo te, Sardis khuo te, Philadelphia khuo te leh Laodikei khuo haw achun thâk ah,” a tih ka za a.

ISAI 57:15

“Chungnung pên Pathien lopi, chawihsân a um, kumlekhuo a hing zing Amin Thiengtho kiti chun hiti hin a gen hi: ‘Mun sang leh Mun Thiengtho achun ka chênga, kingainiemte leh lunggil kisik vulvul te hihhalh ding leh lungthim thasie te chuh suhalh dingin.’

2 KORINTH 1:2

Pathien I pau leh Lalpa Isu Krista kawm apat, lungsietna leh chamna na kawm u ah um hen.

1 KORINTH 1:3

Pathien, I Pau leh Lalpa Isu Krista kawm apat, lungsietna leh chamna na kawm u ah um hen.

THUPHUON 3:14

“Chun, Laodikei khuo a sapchuom haw lawi vânsâwlchâk kawm achun hiti hin zik ah: “Amen, taksanum leh hetpih dik, Pathien thilsiem haw bul khan, zie thu haw hi a gen ahi;

THUPHUON 2:18

“Thuatira khuo a sapchuom haw lawi vânsâwlchâk kawm achun hiti hin zik ah: “Pathien Chapa, mit meikuong tawbang neipa, a kengpekhaw sumeng nawtval tawbang pa khan, zie thu haw hi a gen ahii:

THUPHUON 2:12

“Chun, Pergamos khuo a Sapchuom haw lawi vânsâwlchâk kawm achun hiti hin zik ah: “Chemzâm, a nih langtuok a hiem, hiem tak chawipa khan zie thu haw hi a gen a hii;

THUPHUON 1:1

Isu Krista thuphuon dawk; Pathien in a sawntawlawite hetsak dinga a kawma a piek, thil hungtung vak zieng ding thute chuh ahi. Zie chuh a vânsâwlchâk sawl in, a sawntawlawi Johan a hun hetsak a,

NASEPTE 19:10

Khutibang ngen chun, kum nih vel a hih a; tichun, Asia gama um chengcheng, Judate leh Grikte’n le, Lalpa thu chuh a zak lawh hiel tau hi.

ZEKARIA 6:5

Chun, vânsâwlchâk chun ka kawmah, “Ziehaw hi van apat a huihpi li hung pawt dawk, leisiet chengcheng Lalpa masang apat a hung pawt chuh ahiu hi,” a ti a.

NASEPTE 2:9

Abang Parthaite, Medai te, Elam te apat I hiu a; abang Mesopotamia gama umte, Judea gama umte, Kappadokia gama umte, Ponto gama umte, Asia gama umte;

THUPHUON 1:9

Kei Johan, na suohpihpau, Isu nungzui, lenggam mite chunga gimtheihna hungtung, thuokhat taka hun thuokpih pa chuh ka hi. Pathien thu leh, thu dik, Isu phuondawk chuh ka gen ziekin, Patmos tuikuol achun kawih in ka um a.

THUPHUON 1:17

Amah ka muh phet chun, a thi tawbang in a keng bul ah ka puk ta a. Chun, amah chun a khut changlam chuh ka chunga nga’n, ka kawmah, “Lau dah ta’n, Kei a Masapen leh a Nunung pên chuh ka hi.

THUPHUON 8:2

Chun, Pathien ma a vânsâwlchâk sagih ding sekte chuh ka mu a; chun, a kawm u ah pengkun sagih a pieu a.

THUPHUON 16:5

Vânsâwlchâk chun, “Nang Mi Thiengtho Umzingpa leh Umsapa, na vaihawmnate chuh a dik ie!

THUPHUON 22:8

Chun, kei, Johan hih, zie thil chengcheng mu pa leh za pa chuh ka hi. Chun, ka zak a, ka muh phet chun, zie thil haw ei etsak vânsâwlchâk keng bul achun, Pathien ho tawbanga ho dingin ka khupbawk ta a.

THUPHUON 22:16

“Kei, Isu hin, sapchuom haw kawmah, zie thu hi hettuoksak dingin, na kawm u ah ka vânsâwlchâk chuh ka hun sawl ahi. David bulpi leh a suon, aksi vak tak chuh ka hi,” a ti a.