THUPHUON 1:2 - PATHIEN LEKHABU THIENGTHO (BSI)

² Tichun, Johan chun, a thil muh chengcheng chuh a gen dawk ta a. Ziehi, Johan in, Pathien apat a thu leh, Isu Krista’n a kawma thudik a phuondawk, a gente chuh ahi:

THUPHUON 1:2 ပူးပေါင်းရင်းမြစ်များ

JOHAN 1:32

Chun, Johan chun a thu a hetsak a, a gen a, “Thagau chuh vakhu banga van apat a hung kum ka mu a, a chungah a chu zing a.

JOHAN 12:17

Chun, Lazarus thân apat a sap dawk a, mithi lak apat a kaih thawh laia, a kawma mipi umte khan a thu chuh a hetsak zel tau a.

JOHAN 19:35

Zie thil mu pa chun a gen tai; nangun le na ginchak theihna dingun. A thugen chuh a dik a, chuleh, thudik a gen hi tih le a kihei.

JOHAN 21:24

Zie sinsakpa chuh, zie thu haw hetsakpa leh zikpa hi ahi; a thu hetsak hi a dik hi tih I heu ui.

JOHAN 3:11

Tihtakzet, tihtakzet a ka hilh na hii, kei un ka het u chuh ka gen sek ui, ka muh u chuh ka hetsak sek ui, himahlele, ka thu hetsak u chuh na awi sek puou hi.

NASEPTE 22:15

Mi chengcheng kawma na thil muh te leh zakte kha gen dingin, amah a dinga hetpihtu hi ding na hi.

NASEPTE 26:16

Himahlele, tho inla, na keng in ding ah; Zie na thil muh haw leh, tunung a thil ka hun etsak dingte chuh, mite kawma gen ding leh, hetpihtu a hun siem dingin na kawma hung kilak ka hi.

NASEPTE 4:20

Kei un vang, thil ka muh u leh ka zak teu chuh gen lo in ka um thei puou hi,” a tiu a.

1 KORINTH 1:6

Krista thu ka hetsak khah, nangmau haw a sukdet a um in;

1 KORINTH 2:1

Chun, suohpihte haw, kei vang Pathien thuguk diktak gena na kawm u a ka hung lai khan, thugen lopi leh chitna thupi tak tawh hung ka hi puoh a.

1 JOHAN 1:1

Hinna Thu, atûng apat umsa, chanchin khah na kawmuh a ka hun zikuh ahi. Zie chuh ka zak uh, ka mit ngei uh a ka muh uh a hii, ka mu ngei uh a; chun, ka khut un le ka khawih ngei uh ahi.

1 JOHAN 4:14

Chun, Pa’n a Chapa chuh khawvel hukdampa dingin a hun sawl hi tih keihaw’n ka mu tau a, mi dangte ka hilh sawn uh ahi.

3 JOHAN 1:12

Demetria chun mi cheng cheng pahchak a lawh a, thutak mawng chun le a hetpih ahi. Chun, kei un le ka hetpih u a, ka hetpihnau hi a dik hi tih na hêi.

THUPHUON 1:11

“Na thil muh ding chuh. lehkhabu ah zik inla, sapchuom haw lawi sagih, Ephesi khuo te, Smurna khuo te, Pergamos khuo te, Thuatira khuo te, Sardis khuo te, Philadelphia khuo te leh Laodikei khuo haw achun thâk ah,” a tih ka za a.

THUPHUON 1:19

Khutichun, na thil muh sate leh, thil um laite leh, tunung a thil hung um dingte thu chuh zik ah.

THUPHUON 1:9

Kei Johan, na suohpihpau, Isu nungzui, lenggam mite chunga gimtheihna hungtung, thuokhat taka hun thuokpih pa chuh ka hi. Pathien thu leh, thu dik, Isu phuondawk chuh ka gen ziekin, Patmos tuikuol achun kawih in ka um a.

THUPHUON 12:11

Belamno thisan vang leh, thudik a hettuoksak thuu vanga guolzote a hiu a, a hinnau chan khawp leh thih ngama pang te a hi ngâl uh a.

THUPHUON 12:17

Khutichun, dragon chuh numei chung achun a lungna mah mah ta a, tichun, a suonte haw, Pathien thupiek haw zawp a, Isu hetpihna thu pawmte chuh do dingin a chiehdawk ta a.

THUPHUON 20:4

Chun, lalchutphah haw chuh ka mu a, a chungah mi a chuu a, a kawmuh achun vaihawmna a pieu a. Chuleh, Isu thu hettuoksakna thu zieka leh, Pathien thu zieka ngâwng kitante thagau leh sahang leh a lim ho lo a, a chalpâng uh ahim, a khut uh a him a, tiemtehna nei lote thagau chule ka mu a. Ziete haw chuh a hung hing tau a, kum sangkhat a dingin Krista tawh vaihawm in a um tau hi.

THUPHUON 22:21

Lalpa Isu lungsietna chuh, mi thiengthote kawmah um hen. Amen!

THUPHUON 6:9

Chun, Belamno chun tiemtehna ngana chuh a vak phel leh, Pathien thu a gen ziekuh leh, hetpihtu taksanum taka a pan ziekuh a thaha umte thagau haw chuh ka mu a.