THUPHUON 1:1 - PATHIEN LEKHABU THIENGTHO (BSI)

¹ Isu Krista thuphuon dawk; Pathien in a sawntawlawite hetsak dinga a kawma a piek, thil hungtung vak zieng ding thute chuh ahi. Zie chuh a vânsâwlchâk sawl in, a sawntawlawi Johan a hun hetsak a,

THUPHUON 1:1 ပူးပေါင်းရင်းမြစ်များ

THUPHUON 22:16

“Kei, Isu hin, sapchuom haw kawmah, zie thu hi hettuoksak dingin, na kawm u ah ka vânsâwlchâk chuh ka hun sawl ahi. David bulpi leh a suon, aksi vak tak chuh ka hi,” a ti a.

THUPHUON 22:6

Chun, vânsâwlchâk chun ka kawmah, “Zie thu haw hi taksan a um in, a dik ahi; tichun, Lalpa, thiemgaute kawma a Thagau piepa Pathien chun, thil hungtung vak dingte chuh, a sawntawlawite kawma etsak dingin, a vânsâwlchâk a sawl ahi.

GALATI 1:12

Mihiemte apat ka muh le ahi diek puoi, mi’n ei hilh le ahi diek puoi. Isu Krista kilâkna zieka mu ka hizaw ngâl u a.

AMOS 3:7

Bangakai chunga Lalpa chun, a suok thiemgaute kawma a thuguk phuong lo in bangmah a hih ngei puoi.

EPHESI 3:3

Pathien in a thil guonggalh gûk chuh phuong dawkin, ei hetsak ahi tai. Zie thu chuh chawmcha’n ka hun zik a;

THUPHUON 1:19

Khutichun, na thil muh sate leh, thil um laite leh, tunung a thil hung um dingte thu chuh zik ah.

DANIEL 9:23

Na nget pat tung khan thupiek a pawtdawk ta a, A hun hilh dinga hung ka hi; deihum tak na hi ngâl a; zieziekchun, thil chuh ngaihtuoh in la, kilâkna chuh hethiem in.

THUPHUON 1:9

Kei Johan, na suohpihpau, Isu nungzui, lenggam mite chunga gimtheihna hungtung, thuokhat taka hun thuokpih pa chuh ka hi. Pathien thu leh, thu dik, Isu phuondawk chuh ka gen ziekin, Patmos tuikuol achun kawih in ka um a.

JOHAN 3:32

Amah chun, a muh leh a hette chuh a gen sek a, himahleh, kuoma’n a thugen chuh a pawm nuom puou hi.

DANIEL 9:21

Khutia ka paucham lai tak chun, Gabriel, kilâkna masa a ka muh ngêi khan, nitâk lam kithawih hun lai vel tak chun hât taka leng in ei hun zuon a.

JOHAN 15:15

Suok hun tikit ta puo’ng ka; a pu thilhih suok in a he puoh ngâl a; guolte hun ti zaw ta’ng ka; Pa apat a thil ka het cheng na kawm u ah ka phuong ta ngâl a.

DANIEL 8:16

Ziephet chun, Ulai luipi chunga hin, mihing aw khat hin, “Gabriel, kilâkna umzie chuh a kawmah genchet sak in,” ti a vak gen hi ka za a.

SAM LEHKHABU THE PSALMS 25:14

Lalpa chuh amah kihchate guolpha ahi a A thugawlh chuh amau haw chuh hetsak in a.

THUPHUON 4:1

Zie thil haw nung chun ka vak en a, chun, ngaitie! van ah kawtkhak kihawngsa ka vak mu a. Aw ka zak masak, pengkun gi banga ei hopihpa khan, “Taka hin hung to ah, tichun, tunung a thil hung um dingte chuh hun etsak ing ka,” a ti a.

JOHAN 12:49

Ka phuok kawma ka gen ei puoi, Pa ei sawlpa chun ka gen ding leh ka hilh ding chuh thu ei piek zawk ahi.

JOHAN 8:26

Nang haw chungchâng thu ahin gen ding thil tamtak leh, hun thiemmawhna ding tamtak ka nei hi. Bang hitaleh, ei sawl pa chuh mi diktat ahi; a kawm apat thu ka zâk tâk, khawvel mite kawmah ka gen sek hi,” a ti a.

THUPHUON 21:2

Chun, khawpi Thiengtho Jerusalem thak chuh, mo, a pasal tuok dinga kichei tawbanga kisazo diem in. Pathien kawm apat, van a hung suk le ka mu a.

ROME 16:25

Pathien chuh lopina piei tiu. Amah chun, Chanchin Pha, Isu Krista chanchin ka gen guol ngêi leh, tuma a pata na kisel gu, thudik hung kiphuong dungzui chun, na taksannau achun a hun sudet thei ngâl a.

JOHAN 17:8

Nangin thu nei piek kha a kawm u ah ka pie ta a, ziehaw chuh a ching u a, nangmah kawm ngêi apat ka hii tih dik takin a he tau a, nei sawl ngêi ka hii tih le a gingcha tau hi.

TITA 1:1

Paul, Pathien suokbilvih leh, Isu Krista sawlchak apat, Pathien mi telte chuh Pathien khawksakna lam thudika pui ding leh, taksanna lama panpih dinga teldawk leh sawl ka hi a,

THUPHUON 5:7

Tichun, Belamno chuh a chieh a, lalchutphah a chu pa khut changlam apat chun, lehkhabuziel chuh a la ta a.

THUPHUON 17:1

Chun, vânsâwlchâk sagih, belhbu sagih chawite laka khat chuh ka kawmah a hung a, ka kawmah, “Hung tie, luipi tamtak panga kisa, khawpi lopi taka nawchizuok lopitak nu gawtna ding chuh hun etsak ding ka hi.

THUPHUON 19:9

Chun, vânsâwlchâk chun ka kawmah, “Belamno zi neihna guolvakna a chiela umte chuh a hamphau ui, ti’n zik ah,” ei ti a. Vânsâwlchâk mah chun, “Zie thu haw hi Pathien Thutak ahi,” a ti a.

THUPHUON 19:10

Tichun, amah ho dingin a keng bul achun ka khupbawk a, himahleh amah chun, “Khutichun hih ki’n khai! Kei chuh nangmah leh na suohpihte, Isu thu hettuoksak haw sawntawlawi chanpih ka hi a puo; Pathien ho zaw ta’n! Isu thu hettuoksak thudik khah, thiemgaute hatkhum sek khah a hi ngâl a!” a ti a.

THUPHUON 21:9

Chun, belhbu sagih chawi, gawtna nunung pên sagih puo, vânsâwlchâk sagihte laka khat chuh a hung a, ka kawmah, “Khaile, mo, Belamno zi chuh hun etsak ing ka,” ti’n ei hopih a.

THUPHUON 22:1

Chun, amah chun hinna luipi chîm tak, krustal suong tawbanga val, Pathien leh Belam No Lalchutphah apat hung luong dawk chuh ei etsak a.

THUPHUON 22:8

Chun, kei, Johan hih, zie thil chengcheng mu pa leh za pa chuh ka hi. Chun, ka zak a, ka muh phet chun, zie thil haw ei etsak vânsâwlchâk keng bul achun, Pathien ho tawbanga ho dingin ka khupbawk ta a.

THUPHUON 22:9

Himahleh, amah chun ka kawmah, “Khutichun hih ki’n khai! Kei hile, nangmah leh na suohpih thiemgaute leh, zie lehkhabu thu pawmte sawntawlawi chanpih ka hi a puo. Pathien ho zaw ta’n,” a ti a.