THUGENPA 7:3 - PATHIEN LEKHABU THIENGTHO (BSI)

³ Nuihna sangin lungkhamna chuh a phazawi, mel achun lungkhamna kilang mahleh hetna a tat hiem hi.

THUGENPA 7:3 ပူးပေါင်းရင်းမြစ်များ

2 KORINTH 4:17

Chun, zie buoina neucha, mitphetlohkal a beimang ding ka thawk u hin, zie buoina sanga leh tamtak a nasa leh, kumsawt a lopina mun achun ei tun ding ahi ngâl a.

LUKE 6:25

“Nanguh, tu a vah te haw, na chunguh a gik hi, hung gilkiel ding na hi ngâl u a. Nanguh tu a nui te haw na chung uh a gik hi; lungkham a hung kap ding na hi ngâl u a.

LUKE 6:21

“Nang haw, tu a gilkielte haw, na hamphau ui; Hung tai ding na hi ngâl un! “Nang haw, tu a kapte haw, na hamphau ui, hung nui ding na hi ngâl un.

DANIEL 10:19

Tichun, ka kawmah, “Pathien in a hun lungsiet hi, bangmah lungkham ki’n la, lauh le lau diek ki’n,” a ti a. Zie chuh ka kawma a hun gen lai chun ka hung hatzaw deuh ta a, a kawmah, “Hepu, na gen nawp chuh gen in. Nei suhat deuh deuh ta ngâl a,” ka ti a.

SAM LEHKHABU THE PSALMS 119:71

Na thuguot te chuh ka zil theihna ding in; Hih gimtheih a ka na um kha kei dingin a pha ahi.

SAM LEHKHABU THE PSALMS 119:67

Hih gimtheih a ka um makhan ka vakmang sek a; Tuhin vang chuh na thu ka zui tai.

THUGENPA 2:2

Nuih hat hi ngawlna ahi tih le ka mu dawk a, tawbang nawpna chuh phatchuomna bei ahi tih ka he tai.

THUGENPA 7:4

Lawpna thil mai ngaihtuoh mi chuh mingawl ahi a; mipil chun thihna chanchin le a ngaihtuoh sek hi.