THUGENPA 2:3 - PATHIEN LEKHABU THIENGTHO (BSI)

³ Pilna ka ngaihnat pên achu puih a um in, keimah leh keimah uain a kisukkipak guon, hun nuom taka mat ka guo a, zie chuh mihing chapate’n a damsung hun uh chawmcha sung a mat hawih theih pên uh hi dingin ka ngaihtuoh a.

THUGENPA 2:3 ပူးပေါင်းရင်းမြစ်များ

THUCHINGTE 20:1

Zu hi nuihzatbuk ahi a, zukham chuh ngawlna ahi, zie a puihmang a umte chuh mipil lo ahiu.

THUGENPA 1:17

Ngawlna leh pilna kibatloh dân hile het ka na guo ta a, himahleh zie chule bangmahlo ahi tih ka hun mu chien ta a.

EPHESI 5:18

Chun, uain kham in um kiu inla, zie tak a chun kidêklohna a um ngâl a; Thagau a dim in um zawu in.

THUGENPA 12:13

Ziehaw chengcheng khaihkhawmna chuh ziehi ahi: Pathien lau inla, a thupiek zawp in, zie chuh mihing te nasep ding pên ahi ngâl a.

THUGENPA 6:12

Mihing a damsung hun chawmcha bangmahlo sung leh lim tawbang phet hi bangti’n ahim amah a dinga thilpha a hettheih ding. Amau nung a ni nuoi a thil hung um ding kuo a gen thei ding?

MATTHAI 6:24

“Kuoma’n to nih na a sem kawp thei puoi; khat chuh mudah in, khat chuh deihchuom in ahim, a hihloh leh khat chuh limbawl in khat chuh simmawh ding ahi ngâl a. Pathien leh sum na na sem kawp thei puou hi.

THUGENPA 7:25

Ka lungthim chuh pilna leh hetna delh in thil umdan haw hechien a hawldawk dingin ka kipie a, himahleh, ngawlna leh thil manloh ahi tih ka mudawk tai.

THUGENPA 7:18

Khat zaw na tûk det chuh a phâi, ahi’n khat chule thahsuok diek lo in; Pathien kihchate chuh a nih nih a chuh lawhting ding ahi ngâl u a.

THUGENPA 2:24

Mihing a ding chun nek leh dâwn a, a sepgim zieka thilpha a nawpchen sanga phazaw a um puoi. Zie chule Pathien khuta kipan ahi tih ka hun he tai.

JOB LEHKHABU THE BOOK OF JOB 14:14

Mi chuh a thih tâk chun, a hing kit dinga ahim? Ka nasep sung cheng chun ngak ing ka ting, zie buoina hun sung hi a beih macheng in.

1 SAMUEL 25:36

Chun, Abigail chu Nabal kawmah a va chieh a, ngaitie, a In a chun lengte ankuong luih tuk hiel in ankuong a na lui a, a hah kham bêk ziekin Nabal chu a puok vengvung zieng a: zieziekchun, a zing khawvak ma cheng chun bangmah a hilh puoh a.

THILSIEMBUL 47:9

Jakob chun Pharaoh kawmah, “Ka khuolzin kum zat chuh kum za leh sawmthum ahi a: ka damsung kum haw hi a tawm in a gimtheih um hi, ei suonte khuolzin laia a damsung kum kimkhat le ahi puoi,” a ti a.

VAIHAWMTE 9:13

Chun, grep gui chun a kawm u ah, ‘Pathien leh mihing sukipak sek ka tui thum tak hi taihsan in thing dang chungah ka chawm vielviel ding a ahim?’ a ti a.

SAM LEHKHABU THE PSALMS 104:15

Mihiem lunggil kipah sak na ding uain tawh, A mai hih hawih na ding sathau tawh, Mihiemte lunggil suhat ding chângthâk tawh.

THUGENPA 5:18

Thilpha leh hawih khawvel a ka muh chuh Pathien in damsung hun chawmchah a piek sunga mihing in a sepgim gah chuh a nêk a, a dawna nuom tak a a chen chuh ahi; zie chuh a chantawk ahi.

THUGENPA 8:15

Zieziekchun, khawvel a hin mihing a dingin a nêk a, a dâwn a, nuom taka a um sanga phazaw bangmah a um puoi tih ka mu a; zie chuh Pathien in a piek khawvel a a damsunga a sepgimna gah chuh ahi ngâl a.

THUGENPA 10:19

Guolvakna chuh kipahna ding ahi a, uain chun hinna a sukipak a, chun, dangka chun thil mamawh cheng a hih thei hi.