THUCHINGTE 8:9 - PATHIEN LEKHABU THIENGTHO (BSI)

⁹ A hechiente ding chun a kichien vek a, hetna mudawkte ding chun a dik vek hi.

THUCHINGTE 8:9 ပူးပေါင်းရင်းမြစ်များ

THUCHINGTE 14:6

Muhsit chîng mi chun pilna chuh a hawl sek a, a mu diek puoh a, himahleh, hetthiemna neite ding chun vang pilna hi baihlam taka muh ahi.

JAKOB 1:5

Na lak uh a kuo’n le, chitna a tâksap chun, mi chengcheng kawma gailo leh it lo a pie sek pa Pathien kawmah ngên hen, khutichun, piek in um ina.

JOHAN 7:17

Kuole, Pathien deih bang hih nuom ta chun, ka thu sinsak hi Pathien apat ahim, keimah thu a gen ka him, tih he’nau.

JOHAN 6:45

Thiemgaute’n, ‘Mi tin chuh, Pathien sinsak in um vek un au,’ ti’n a zikuh ahi. Kuole, Pa thu he a, sin ta chuh, ka kawmah a hung sek ui.

THUCHINGTE 15:24

Mipil lampi chuh chunglam zuonin a chieh to a, nuoi lama thihna khawvel chuh a taihsan theihna dingin.

MIKA 2:7

Aw Jakob inkawte haw, zie hih gena um ding ahim? Lalpa thagau chuh a thuokhat puoh a ahim? Zie tawbang chun thil a hih taktak em? Thil dik hihte kawma chun nunnem takin thu a gen puoh a ahim?” ti’n.

ISAI 35:8

Zie chun lam tuongpi kithun intin, zie chuh, “THIENTHONA LAMPI,” ti’n au. Mi gilote chuh zie chun chieh puou un tin, himahleh, Pathien mite a ding hi zaw’n a; khuolzin te leh mi ngawlte nasan le zie chun gammâng puo’n au.

THUCHINGTE 18:15

Mipil chun a lunggil in hetna a mu a, mipilte bil chun hetna a hawl sek hi.

THUCHINGTE 17:24

Hetthiemna nei mi chun pilna lama chun a mit a hak a, himahleh mingawl chun vang kâwlmawng a en sek hi.

THUCHINGTE 15:14

Hetthiemna lunggil neite chun hetna a hawl sek u a, himahleh, mingawl kam vang chuh lepchieh in a kivâk sek hi.

THUCHINGTE 3:13

Chitna mudawk mi chuh a kipâk a, hetthiemna nei mi chuh a kipâk sek hi.