THUCHINGTE 18:3 - PATHIEN LEKHABU THIENGTHO (BSI)

³ Mi nunsie a hung tieng leh muhsitna’n a zui a, muolphona a um phat leh hilhgaihna’n a zui sek.

THUCHINGTE 18:3 ပူးပေါင်းရင်းမြစ်များ

THUCHINGTE 22:10

Mi muhsit chîng mi chuh nawhdawk unla, kinielna chuh bei intin, ahi, kisuolna leh kigensietna chuh bei in a.

1 PETER 4:14

Krista min zieka hosiet na hih uh chun, na hamphau hi, zie chuh lopina Thagau, Pathien Thagau ngêi chuh na chungu ah a um hi tihna a hi ngâl a.

THUCHINGTE 29:16

Migilo in vai a hawm tieng gitlohna a pung a; himahleh, mi diktat chun a puksietnau chuh muna.

THUCHINGTE 11:2

Chapona a hung um tieng leh zahchâkna’n a zui seka. Kingainiemte kawm achun pilna a um sek hi.

1 PETER 4:4

Ziehaw achun, amau haw nawpsak bawl takluot banga na bawl lohnau ahin mak a hun sau a, a hun gensiet sek uh ahi.

SAM LEHKHABU THE PSALMS 69:20

Mi ei gensietna hi ka thasietna ahi a; nasa tak mai in ka lungkham a: Tichun, ei lungsiet ding ka hawl a, himahleh kuomah a um puoh ngâl u a; Ei thamuon ding ka hawla, himahleh, kuomah ka mu puoi.

SAM LEHKHABU THE PSALMS 69:9

Na In a ka phatchuom ngaihna’n ei ne zo ina; Nang hun gaite gaihna na chu ka chungah a chu ta a.

NEHEMIA 4:4

“Aw ka Pathien, ngaitie, muhsit ka hi ngâl u a; ei muhsitnau hi amau lu chung ah chuk sak inla, amau hile khawi gam ahim ah zahhuoi takin saltan sak in.

1 SAMUEL 20:30

Ziephet chun Jonathan chung achun Saul chu a lungna mah mah ta a, a kawmah, “Nang numei chavai leh genhak chapa, Jessai chapa chu na muolphona ding leh na nu ngawnchang a hih muolpho dinga tel na hi tih helo kha ei sa na him?

THUCHINGTE 18:2

Mingawl chun hetthiemna achun kipahna a nei puoh a, amah ngaihdan gendawk mai tih loh chuh.

THUCHINGTE 18:4

Mihingte kamsuok chuh tuili thuk tak tawbang ahi a, pilna tuinak chuh luicha tuiluong lai bang ahi.

THUCHINGTE 13:5

Mi ginum chun zuou a haw a, himahleh, migilo vang chuh kihdak a um a, muolphona a tun sek hi.