SUNNA LA 2:9 - PATHIEN LEKHABU THIENGTHO (BSI)

⁹ A kawtkhakte chu leia tumin, a kamnate chu suksiet vek ahi tai. Tuhin, leng leh a milienteu chu salin a um tau a. Dante kihilhna a um ta puoh a, thiemgaute chun Lalpa apat thilmuh a nei ta puou hi.

SUNNA LA 2:9 ပူးပေါင်းရင်းမြစ်များ

2 LENGTE 25:7

Chun, Zedekiah chapate chu a mitmuh ngêi chun a that u a, Zedekiah mit haw chu a kheuhdawk sak a, kawl a buhsak a, Babulon lam ah a pui tau a.

2 KHANGTHUBU 15:3

Chun, Hun sawttak Israel mite chun, Pathien tak neilo leh sinsaktu leh thiempu neilo leh dân neilo in a um u a;

NEHEMIA 1:3

Amau chun ka kawmah, “Saltâng pawtdawkte leh zie gama nutsieh te chuh sukgimtheih leh gensiet ahiu a; tichun, Jerusalem kulhbang haw chuh a chim lem lum mai a, a kawtkhak haw le mei a hâltum in a um hi,” tih ei hilh u a.

SAM LEHKHABU THE PSALMS 74:9

Ka tiemtehnau haw le ka mu ta puou a; Thiemgau mawng mawng a um ta puou a; A sawt ding chin he mawng mawng ka lak u ah ka um ta puou hi.

ISAI 24:12

Khawpi chuh a hawma nutsieh in a um a, chun, kulh kawtkhak chuh khet siet in a um tai.

JEREMIA 14:14

Chun, Lalpa chun ka kawmah, “Thiemgaute chun ka min in lepchieh a genlawk sek uh ahi chu; amau chuh ka sawl puoh a, thu ka pie puoh a, amau chuh ka hopih puoi. Kilâkna diklo haw, phunsân mantakloh haw leh a lungthim uh a lepbawlna chuh a genlawk uh ahi chu,” a ti a.

JEREMIA 23:16

Sepaihte Lalpa chun hiti hin a tii: “Thiemgau, na kawm uh a thugente chuh ngaitha kiu in, amau haw chun thil thâwn maimai a hun sinsak uh ahi! Lalpa kawm apat hilo in, amau haw lungthim suongtuoh a gen sek ui.

JEREMIA 39:2

Zedekia vaihawm kum sawm le kum khatna, tha lina, ni kuo ni chun khawpi kulh chuh a susieu a.

JEREMIA 39:8

Chun, Kaldai te chun leng In leh a mite In chuh mei in a hâl u a; Jerusalem kulh bâng haw chule a suchim vek tau hi.

JEREMIA 51:30

Babulon milopite chun kido a haihsan tau a, a kulhpi sung ah a kikulkhup zing tau hi. A pasal phatnau a dai zo a, numei tawbang mai a hung hi tau a; a chênna mun teu chuh a kavam zo ta a, a daidan na thik zawl a bawng tai.

JEREMIA 52:14

Chun, Kaldai sepaih chengcheng, leng gâlveng lawiupa kawma um te chun Jerusalem kulh bâng haw chuh abawn in a suchim vek u a.

SUNNA LA 1:3

Juda chu gimtheihna ziekin suok in a chieh zo ta a, namte lak ah a chênga, chawldamna a mu ta puoi. Ka gam ahi tih ding himhim um lo in gam dangah a cheng tau a, Suohchakna ding umlo khawp in melmate’n a ûmkimvel tau a.

SUNNA LA 4:15

A kawm u ah “Chiehmang un, chiehmang un, a buok na hiu hi, Chiehmang un, Chieh mang un” ti’n mipite chu a kiko khum u a. A taimang u a, a vakviel viel tieng u leh, amau chun namte lak ah, zie chun um ta puo’n au, a tiu hi.

SUNNA LA 4:20

I nak u a hinna hu, Lalpa sathau nuh chu kawkhuka mat in a um ta a, A thalim nuoi ah namte lak achun hing hitiu, I na tiu a.

EZEKIEL 12:13

Amah chuh ka lên khuh ing ka ting, ka thâng ah âwk hi’n a; amah chuh Kaldai gam, Babulon achun pui ing ka ting; ahih ziekin ama’n muh chuh mu puo’n a, zie tak a chuh thi ding na hi na a.

EZEKIEL 17:20

Lên in khuh ing ka ting, ka thâng achun âwk intin, Babulon achun hun pui ing ka ting, kei dinga a ginum loh ziekin zie chun a chunga thutanna siem ding ka hi.

EZEKIEL 7:26

Sietna chunga siet zawksemna, thuthang chunga thuthang phalo zawsem hung um intin, thiemgau kawmah kilâkna hawl intin un; himahleh, dân chuh thiempu apat in bei intin, upate apat in tatna genna um hiel puo’n a.

HOSEA 11:6

A khawpiteu achun kidona um intin, khawpi hawih takte chuh suksiet in um in a. Amau haw ngaih a dika a hetteu chauh chuh a hih ziekun ka mipite chuh sukmangthai in um un au.

HOSEA 3:4

Zie tawbang chun Israel chate chuh ni tamtak leng neilo leh vaihawmtu beiin um un tin, kithawihna ahim, suong phuh ahim, milim ahim dawikhuom phut lo in, thiempu puonâk Ephod leh Terafim le nei puo’n au.

AMOS 1:5

Damaska khawpi kawtkhak chuh khen gawp ka ting, Aven luiphai a chêngte leh, Beth-eden vaihawmte chuh ladawk ing ka. Tichun, Suria mite chuh Kir gam ah sala puih mang in um un au,” a ti a.

DAN NIHNA 28:36

“Nang u leh na pileputeu in le a hêtkhâk loh uh, nam kawm achun nang u leh na lengpau ngêi chuh Lalpa’n hun nawhlut intin, zie chun thing leh suong a kisiem pathien dang haw na va sem inlau.

DAN NIHNA 28:63

Na chungu a thilpha bawla hun sukpun hi Lalpa thalawp lam tak ahih guol mah khan na chungu a sietna tun sak a hun sukmangthai chuh Lalpa thalawp lam tak hung hi’n tin, luoh dinga na lutnau gam apat hin bawhdawk hung hin lau.

1 SAMUEL 28:6

Chun, Saul in Lalpa a dawng a, ahih ziekin Lalpa chun mang ahim, Urim ahim, thiemgau ahim mang in a dâwng ta himhim puoh a.