SUNNA LA 2:4 - PATHIEN LEKHABU THIENGTHO (BSI)

⁴ Melmate bangin a thalpi ei kau khum a; gâl guolin a khut changlam in a dinga, Zion chanu puon-In a a mitla cheng chu a sumang a, a thangtawmna chu mei bangin a sungtha ta a.

SUNNA LA 2:4 ပူးပေါင်းရင်းမြစ်များ

JEREMIA 7:20

Zieziekchun Lalpa Pathien in hiti hin a tii: ‘Ngaitiem u, zie mun ahin ka lungnat na leh ka lauh umna sungtha’ng ka ting, mihiem chung leh gamsa chungah gam laka thing leh leichung a theigah chung haw nasan ah, tichun ka’n tin, mit kit ta puo’n a.’

EZEKIEL 24:25

“Nang, mihing chapa, a kawm u apat a mun det uh, a kipahnau leh a lopinau, a et chim loh u leh a lungthim kipahna pên u leh a chanuteu leh a chapateu ka lak mang sak ni chuleh,

JEREMIA 21:5

Keimah ngêi inle ban zak in khut hat in lungna kawm leh thangtawm lungna’n hun do ding ka hi.

ISAI 42:25

Zieziekchun, a lungnatna thilhih theihna chuh I chungu ah a um ta a; Kidona tizat-um tak I thuok tau a; A lungnatna chuh Israel te lak ah mei guolin a hung kuong zak ta a, himahleh, bang ahim tih le I he puou a; bangmah le I het dawk lawh diek puou hi.

JEREMIA 30:14

A hun lainate chun a hun hengilh zo tau a, a hun limsak ta puou hi. Melma sukliem in ka hun suliem a, migilo gawt in ka hun gawt a, na manlohna chuh a nasa a, na gitlohnate le a pun bêk ziekin.

JOB LEHKHABU THE BOOK OF JOB 6:4

Bangakai hihtheipa thal chuh ka sung ahin a uma, A gu chun ka thagau a zel suok zo ta a; Pathien in a kihchak umna chuh kei ei do di’n a tieng a.

NAHUM 1:6

A lungnat tieng leh kuo a ding zo ding? A lungnatna nasa tak chuh kuo a thuok zo ding? A lungnatna mei chuh a thahdawk a, Suongpite chuh A masanga chun a phel zo tai.

NAHUM 1:2

Lalpa chuh thikthusie Pathien leh phuba la Pathien ahi. Lalpa chun phuba a la a, lungnatna a dim ahi. Lalpa’n a melmate chungah phuba la’n tin, chun, a melmate dingin lungnatna a khawlkhawm hi.

EZEKIEL 36:18

Zieziekchun, gam chunga thisan a suoh u a, gam a sukbuoknau a milim hawu ziek chun a chung u ah ka lungnatna chuh ka buntha ta a,

EZEKIEL 22:22

Hâltuina thuk a tangkaguo a tui guolin nang u le zie tak achun hung tui in lau, kei, Lalpa hin na chung u a ka hachangthakna ka sunthak ahi tih hun he ta’n lau,” a ti a.

EZEKIEL 6:12

Gamla taka umte chuh hipi’n thiu in tin, anai a um chuh chemzâm in thi’n tin, chun, a suokcha sun, huol a um chuh kiel in thi’n a; zie tawbanga hi ka lungnatna a chung u a tunsak ding ka hi.

EZEKIEL 5:13

“Zie tawbang chun ka lungnatna tunsak ing ka ting, a chung u ah ka lungnatna buntha’ng ka ting, ka lung-awi tan a: chun, kei, Lalpa hin a chung u a ka lungnatna ka butthak tieng leh thikthusie taka ka gen ahi tih hun hechien tan au.

SUNNA LA 4:1

Bangti dana sana chuh muol tha a, bangti dana sana thieng takte chu muoltha zo ahi ta! Mun thiengtho a suonghaw chu ning tin a thehzak in a um zo tai.

SUNNA LA 3:3

Ni tum in ka sietna dingin khut a lama, kei ei kalh in ni tum in khut a lam takzet hi.

SUNNA LA 2:5

Melmate bang mai in Lalpa’n Israel chu a hihsie ta a; A leng In teu leh kulhpite chu a suchim vek a. Juda chanu chung achun sûnna leh kahna a hih pung a.

JEREMIA 36:7

Mitin chun a umdan gilo uh a haihsan u a a hih chun Lalpa masanga lungsietna a nget u chuh a tung thei kha mawh die; zie chite chunga lungnatna leh thangtawm na Lalpa’n a gen haw chuh a nasa mah mah ngâla, ti’n thu a pie a.

JEREMIA 21:12

Aw David inkuonte haw Lalpa chun hiti hin a tii: “Zingkal in diktakin vaihawm unla, mi sugimtheite khut apat in sukgimtheih a umte chuh hukdawk un la, khutilochun, na thil gilo hih ziek u hin ka lungnatna chuh mei guola kuong in, kuomah phelh theih loh in hung kuong khan a”

JEREMIA 4:4

Nanguh Juda mi leh Jerusalem a chêngte haw Lalpa het in zektan unla, na lunggil zek teu tan un. Na thil gilo hih teu ziekin ka lungnat na chuh mei bangin hung kuong khan tin; kuomah phelh theih loh in hun kang khâna.”

ISAI 63:10

himahleh, a chungah a kiphin uh a, lungkhamna’n a tunkhum sek uh ahi. Zieziekchun, a chungu ah Lalpa a lungna ta a, amau haw chuh a do ta a.

ISAI 63:6

Tichun, mipite chuh ka chilgawp a, ka thangtawmna chun amau chuh ka gawt nêl a; a hinnau thisan chuh leituol ah ka sung tha vek ta a,” ti’n.

2 KHANGTHUBU 34:25

Ei deih puou a, pathien dangte kawmah a kithawi u a, a thilhih teu in ka lungnatna a chawktho uh ahi. Jerusalem chung achun ka lungnat na a puokzak a dai kit ngei puo’n a.

2 KHANGTHUBU 34:21

“Chieh unla, kei leh Israel gam leh Juda gam a mipi ana damsun te ding hin Lalpa ei va dawtsak tiem u. Zie lehkhabu a thu umzie hi hawldawk unla. I pileputeu in Lalpa thu a na zawp loh ziekun leh, zie lehkhabu a hih ding kitite a hihloh ziek un Lalpa chu I chungu ah a lung ana tai,” ti’n thu a pie a.

SAM LEHKHABU THE PSALMS 37:14

Gimthei leh chagahte hihpuk ding leh Mi diktat te hihlum ding in, Mi dukdaklote chun chemzâm a lau a, a thalphel uh a luoi u a.

JEREMIA 10:20

Ka puon-In suksiet ahi ta a, ka khau haw cheng le a tân zo tai. Ka chate ka kawm apat in a pawt u a; a um ta puou a ka puon-In zak palh ding a um ta puou hi; a puonzak khâi ding chuh.

EZEKIEL 20:34

Namte lak apat chun hun puidawk ing ka ting, nawhzak a na umna gam u apat chun khut hât tak leh bân zak leh lungna kawmin hun puikhawm ding ka hi.

THIEMPUDANTE 26:17

Nang haw hun do ing ka ting, zawhin um un na tin uh, nang haw hun mudahte’n na chungu ah vaihawm un au; tiza mah mah un na tin uh, kuomah delh loh in taisie’n lau.

DAN NIHNA 32:22

Ka lungnat mei guolin a kuong dawka, Sheol kawdawn chan in a kâng hi; Lei leh a gahsuoh cheng tawh a kang zo hi, Tang kingaknate haw chanin a kang hi.

1 SAMUEL 28:16

Samuel in, “Khutia Lalpa’n a hun kiheimang sana na melma a hung hi tai tih hezing ngâla chu bang zieka thu ei dawng na hi?

JOB LEHKHABU THE BOOK OF JOB 19:11

Ka chunga a lungnatna chuh a hih ko a, A melma bangin ei ngai ta a.

SAM LEHKHABU THE PSALMS 7:13

Thihna hiem matte chuh a mah thahna’n a siem zo kêi a; A thal haw chuh kuong thei in a siem a.

JEREMIA 42:18

“Sepaihte Lalpa Israel Pathien chun hiti hin a tii; Jerusalem a chêngte chunga ka lungnatna ka sunthak mah bangin, Aigupta gama na lut tieng u leh na chung u ah ka lungnatna sungtha’ng ka; hansiedawl leh maksak leh mi mûk chuonna leh gensiet hin na tin uh, zie mun hih mu kit ta hiel puo’n lau”.

SUNNA LA 1:13

Chunglam apat in mei a hun sawl a; ka guh sung a ka hut hut a; zie chun ei zo ta a. Ka kenga dingin lên a zak a, tuol ah ei luoi chu ta a. Lungvai leh ni tum a chau in ei kawih ta a

SUNNA LA 4:11

Lalpa’n a lungnatna lauh-um tak chu a suguitung a, a lungnatna tizat-um tak chu a sungbuo a; Zion achun mei a chawhkuong a, zie chun, a suongphum haw nasan a katum tai.

EZEKIEL 7:14

Pêngkun chuh mût u henla, thil cheng chengah kisazo ta mahleu, kuomah galdo dingin chieh puo’n au; ka lungnatna chuh a bawn u a chungah a um ngâla.

EZEKIEL 13:13

Zieziekchun Lalpa Pathien chun hiti hin a tii: “Ka lungnat ziekin huihpi husie tak tak hun nun sak ing ka ting; ka lungnat ziekin a susie dingin guohpi-leh gielpi kithuoh hung zun au.