SUNNA LA 2:2 - PATHIEN LEKHABU THIENGTHO (BSI)

² Lalpa’n lungsietna neilo hielin, Jakob chênna cheng chu a sumang ta a; A lungnatna chun Juda chanu kulh dettak te chu a suchim a. A vaihawmte leh a lenggam u chu a hihniem ta a.

SUNNA LA 2:2 ပူးပေါင်းရင်းမြစ်များ

SUNNA LA 3:43

Lungnat na’n na kikhuh a, kei uh nei sawi ta a, zahngaihna tello hielin nei that a.

SUNNA LA 2:17

Lalpa’n hih dinga a na tihsa chu a hih ta a; Tumasang a ei na vaulawk bangin, lungsietna beiin ei susie vek ta a. Lungsietna a nei ta puoh a, na melmate chu na chungah a kipah saka, na melmate ki chu a dawmsang tai.

ISAI 43:28

Zieziekchun, mun thiengtho a na leng chate chuh hih buok ing ka ting, Tichun, Jakob te chungah sietna huoisie tak ka tun saka; Israel chule sukmuolpho in a um tau hi, ti’n.

ISAI 25:12

Chun, a kulhbang sang tak teu chuh sukchim hita’n tin, leituol ah, leivui lak ah tawhden in um in a.

SAM LEHKHABU THE PSALMS 21:9

Na lungnat tak leh amau chu hâltuina mei kuong puotpuot bang in siem in na tin; Lalpa chun amau haw chu lungna’n valh zo in tin, Mei chun katum vek ina.

EZEKIEL 9:10

Ken le muh khelh nei puo’ng ka ting ting, lungsiet hiel puo’ng ka ting, a gitloh nau chuh a bûk-abel in khuksak ing ka,” a ti a.

SUNNA LA 2:21

Khawlai a chun teksiete leh khangdawnglaite chu a kithalseh lemlum u a; Ka nungak thieng leh tangvalte chu a melmateu chemzâma thah in a um tau hi. Na lungnatna ni chun amau haw na that ta a.

SUNNA LA 2:5

Melmate bang mai in Lalpa’n Israel chu a hihsie ta a; A leng In teu leh kulhpite chu a suchim vek a. Juda chanu chung achun sûnna leh kahna a hih pung a.

ISAI 26:5

Amah chun chapo taka umte chuh a suniem ta ngâl a, khawpi dettak leh sang tak a sunga chêngte chu tawh a kulh bângte chuh leivui a suok sak ta a.

2 KORINTH 10:4

Kidona a gâlvan ka mat sekteu hi, zie khawvel gâlvante hi ahi puoh a, himahleh, kulhpi dettak sukchimna dinga Pathien gâlvan thil bawlthei tak chuh ahi zawi. Zie chun, kinielna diklote ka susie sek uh a;

MATTHAI 18:33

nang ka hun lungsiet guol a kha nang inle na suok chanpihte na lungsiet ding hilo maw?’ a ti a.

MALAKI 1:4

Edom te chun, “Ka khawpi teu chuh suksiet in a um ta a, tungding kit ding ka hiu,” a tih u chun, “Sa pha kit thei maithei na hiu a, himahleh, susie kit ding ka hi. Tichun, mite chun, ‘Gitlohna gam’ leh ‘Kumlekhuo a Lalpa lungnatna Namte’ ti’n au” tih hi Bangkim hihthei Lalpa kamsuok ahi.

EZEKIEL 8:18

Zieziekchun, ken le lungna taka sawisa ding ka hi: gawt loh in kawih puo’ng ka ting, a chung u a zahngai lo hiel ding ka hi; ngeih tak in ka bil ah kiko leu le ana ngaitha puo’ng ka,” a ti a.

EZEKIEL 7:9

Chun, gawt loh in hun kawih puo’ng ka ting, na chunga zahngai lo hiel ding ka hi: Na lak u a thil tenum na hih hawu leh na umdan chengcheng chuh hun dit ding ka hi: khutichun, kei Lalpa hi gawt thei ka hi tih hun hen lau.

EZEKIEL 7:4

Gawt loh in hun kawih puo’ng ka ting, na chungah zahngailo hiel ding ka hi: Na lak u a thil tenum na hih hawu leh na umdan chengcheng chuh hun dit ding ka hi; tieng chuleh Lalpa chuh ka hi tih hun he’n lau,” ti’n.

EZEKIEL 5:11

“Khutichun, Lalpa Pathien chun ziehi a tii: Na buokna haw leh na tenumna hawa ka Ho-In na sukbuok ziekin, a hi’n a ka hin sung chuh, hun vat chap lemlum ing ka ting, sit hun nei lo hiela na chunga zahngaihna neilo ding ka hi.

JEREMIA 21:7

Zie zawh tieng chuleh, Lalpa kamsuok chun a tii. Leng Zedekia leh a miliente leh midang zie khawpi a hipi leh chemzâm leh kiel a thi lote chuh Babulon leng Nebuknezar khut leh a melmateu khut leh nang haw hun thah guote khut achun pie’ng ka ting. Chemzâm hiem ah thiu un tin, amau chuh sit puo’n tin, lungsiet diek puo’n tin, lainat diek puo’n a.

JEREMIA 13:14

Amau haw chuh kisuktuoh sak ing ka ting, pate leh chapate nasan le tih hi Lalpa kamsuok ahi. Amau haw sukmangthai lohna ding khawp in lungsietna ahim khawtuohna ahim nei puo’ng ka ting, susie zaw bawn ing ka.

JEREMIA 5:10

A grep huon pal haw achun kal unla, susieu un. Amahvang chuh na suksiet vek loh dinguh ahi a, a bâk haw chuh thiek unla, Lalpa a a hi puoh ngâl u a tih hi Lalpa kamsuok ahi.

ISAI 47:6

Ka mite chungah ka lungna ta a; Keia te hitalo bang khawp hielin ka bawl ta a; Na thuneihna nuoi ah ka hun pie a, nangin lungsietna himhim latsak lo in na um a, teksiete nasan chuh gilo takin namkawl gik tak na puok saka.

ISAI 27:11

Thing bawkte chuh hung vuoi tha’n tin, bawng intin, tichun, numeite’n meia tih dingin chawm khawm un au. Mipite chun bangmah het theihna mawng mawng a nei puou a, a siempau Pathien in lungsietna leh a chung u a zahngaihna himhim latsak ta puo’n a.

ISAI 23:9

Sepaihte Lalpa chun a uonna chuh bangmahlo suoh sak ding leh, leia mi zahumte chengcheng muhsit um taka umsak dingin a guot ahi.

JOB LEHKHABU THE BOOK OF JOB 2:3

Lalpa chun Setan kawmah, “Ka suok Job hi na ngaihtuoh kha? Amah tawbanga mi bukim, demna bei, mi dik, Pathien kihcha mi, thil phalo laka kidêk thei amah tawbang hi leichung ah a um puou hi, a ziek um lo a nei hihsiet sak nung in le a ginum ngêi in a ginum zing hi,” a ti a.

SAM LEHKHABU THE PSALMS 74:7

Na munthiengtho chuh mei in a hâl u a; Na min umna mun chuh lei a tum hiel in a gensieu a

ISAI 22:5

Kilâkna guom achun, Lalpa sepaihte Lalpa apat chun, buoina leh tawhden a umna ni leh, lungkhamna ni ahi ngâl a, kulhpi bang hihsietna leh, tâng te kawma panpih ngetna ni tunsak ding ahi.

MIKA 5:14

Na gamsung uh apat in, Asher pathien te chu bawt dawk ing ka ting, na khawpiteu chuh susie’ng ka.

DAN NIHNA 28:52

Na gamsung u a na kimuonpih uh kulh chengah hun ûmbichilh untin, Lalpa na Pathien un a hun piek na gamsung u a na khawpiu haw achun hun huolkhum un au.

DAN NIHNA 32:22

Ka lungnat mei guolin a kuong dawka, Sheol kawdawn chan in a kâng hi; Lei leh a gahsuoh cheng tawh a kang zo hi, Tang kingaknate haw chanin a kang hi.

JEREMIA 19:15

“Israel Pathien, Sepaihte Lalpa chun hiti hin a tii: Ngaitiem u, ka thu ngaitha lo dinga a kisukluhlul ziek un, zie khawpi leh a khawpel haw chung ahin sietna ka gen haw kha hun tunsak ding ka hi” ti’n.