SUNNA LA 2:1 - PATHIEN LEKHABU THIENGTHO (BSI)

¹ Bangti dana Lalpa lungnatna meipi chun Zion chanu a khuhkhum a? Israel hawihna chu van apat in lei ah a paih tha ta a. chuleh, A lungnat ni a a kengngakna hezing lo ahi tâm!

SUNNA LA 2:1 ပူးပေါင်းရင်းမြစ်များ

SAM LEHKHABU THE PSALMS 132:7

Amah umna mun achun lut hiting un; A keng ngakna bul a chun ho hitiu.

1 KHANGTHUBU 28:2

Tichun, leng David chu amau ah a ding a, “Ka unaute leh ka mite haw, ka thu hi na ngaitha tiem u! Kei chun, Thugawlh kawihna Thingkuong kawihna ding leh, I Pathien uh keng ngakna ding In sa leng tih ka na ut mah mah a. A van ding le ka ngah diem ta a.

LUKE 10:18

Chun, amah chun a kawm u ah, “Kawlphe guola Setan van apat a hung kie kha ka mu apuo!

MATTHAI 11:23

Chun, nang Kapernaum, van tienga kichawihsan ut na him? Mithi khuo tienga paihthak ding na hi a puo! nang haw chunga thilmak kihih haw kha Sodom khuo a hih hileh chuh, tu tiengin um zing nalai ina.

JOEL 2:2

Thimna leh vannîm ni, meizin ni leh thim sah ni hi’n tin; Tang chunga meipi thim zeng zung a kai bangin, khaupe hawn hattak, masanga a na um khalo leh, tunung lele um talo hiel ding chuh hung leng un tin, tâng chuh phalvak in a tuom bangin hun tuom un au.

EZEKIEL 30:18

Tehaphnehes achun khuo thim ina, zie a chuh Aigupta namkawl ka sukbawt a, a kisuonpih a hatna chuh ka suktawp tieng leh; amah chuh meipi’n tuom intin, a khawpi hawa mite chuh sala puih in um in au.

SAM LEHKHABU THE PSALMS 99:5

Lalpa ka Pathien u chuh chawiân unla, A keng bula chun chibai bûk un: Amah chuh thiengtho ahi.

LUKE 10:15

Chun, nang Kapernaum! van chana limbawla um dinga kingaihtuoh, gawtmun a sawtthâk a um ding na hi a puo!”

EZEKIEL 24:21

Israel insung mite kawm achun gen inla, Lalpa Pathien chun hitihin a tii: ‘Ngaiun, ka mun thiengtho, na kisuonpih pên uh mun det, na et chim loh uh, na lungthim kipahna pên u chuh subuok ding ka hi; na chanu na chapateu na nutsieh hawu chuh chemzâm in puk in au.

SUNNA LA 4:1

Bangti dana sana chuh muol tha a, bangti dana sana thieng takte chu muoltha zo ahi ta! Mun thiengtho a suonghaw chu ning tin a thehzak in a um zo tai.

SUNNA LA 1:1

Bangti dana mipi a dim sek Jerusalem kha, tu a lunghel a um ahi tam! Namte laka chawihsâna um sek kha, bangti dana meithai bang pheta um ahi ta? gambung laka a lienpen kha bangti dana sieh pie ahi ta’m?

ISAI 64:11

Ka In thiengtho u leh hawih tak, ka puteu in a hun na pahchak seknau mun chuh meia hâl tumin a um ta a! Nuom ka sakna mun teu chuh suksiet in a um tai!

2 SAMUEL 1:19

Aw Israel, na lopina chu na munsang haw ah a that u a! mihatte a puk tak mai u hih!

1 SAMUEL 4:21

Chun, “Lopina chun Israel a nusieh tai,” ti kawmin nau min ding chun Ikabod a sa a: Pathien bawm chuh a lâksak uh a, a talpupa leh a pasal chule a thih tâk ziekun.

SUNNA LA 2:17

Lalpa’n hih dinga a na tihsa chu a hih ta a; Tumasang a ei na vaulawk bangin, lungsietna beiin ei susie vek ta a. Lungsietna a nei ta puoh a, na melmate chu na chungah a kipah saka, na melmate ki chu a dawmsang tai.

EZEKIEL 19:12

Mahleh thangtawm in a thiek bawng ui, Tuol ah a sep thau a, suohlam huih in a mût gaw a, a gah haw chuh a thawngthau a, a kung khauh tak chuh a vuoi a, mei in a katum hi.

1 SAMUEL 4:22

“Lopina’n Israel a nusieh tai, Pathien bawm chuh a lâksak ta ngâl u a,” a ti a.

SAM LEHKHABU THE PSALMS 89:45

A vanglai nihaw chuh na hih chawm sak a; Amah chuh muolpho na’n na khuh ta ngâl a. Selah

JEREMIA 30:14

A hun lainate chun a hun hengilh zo tau a, a hun limsak ta puou hi. Melma sukliem in ka hun suliem a, migilo gawt in ka hun gawt a, na manlohna chuh a nasa a, na gitlohnate le a pun bêk ziekin.

SUNNA LA 1:12

Ziehi nang u dingin bangmahlo ahim, nang haw chieh suk chieh to te haw, ding unla, entiem u, Lalpa’n a lungnat ni a ei sukgimtheih dân hi, Zie bang lungkhamna ka thuok u hi, a thuok kha a um die aw?

SUNNA LA 4:11

Lalpa’n a lungnatna lauh-um tak chu a suguitung a, a lungnatna tizat-um tak chu a sungbuo a; Zion achun mei a chawhkuong a, zie chun, a suongphum haw nasan a katum tai.

EZEKIEL 13:13

Zieziekchun Lalpa Pathien chun hiti hin a tii: “Ka lungnat ziekin huihpi husie tak tak hun nun sak ing ka ting; ka lungnat ziekin a susie dingin guohpi-leh gielpi kithuoh hung zun au.