SUNNA LA 1:9 - PATHIEN LEKHABU THIENGTHO (BSI)

⁹ A kihdak-umna chu a puonmawng ah a bek a; himahleh a tawpna ding chu a ngaihtuoh puoi. Nasa takin a puksie ta a; thamuontu ding himhim a nei puoi. A melmate’n a zo tau a, zahngaihna ngenin Lalpa, ngaitie, ka melma ten ei sukgimtheih zieu hi.

SUNNA LA 1:9 ပူးပေါင်းရင်းမြစ်များ

DAN NIHNA 32:29

Ching u henla hile chuh zie hi hethiem u ding un tin, A tunung thu dinguh ngaihtuoh ding hiveu in!

ISAI 47:7

Chun, Kei hi kumlekhuo’n lengnu’n um ing ka ting, na ti a; na hung tâwp ding dante ngaihtuoh phalo hielin na um a.

SUNNA LA 1:17

Zion in a khutte a zaka, amau thamuon ding kuomah a um puou hi. Jakob chungchâng achun a melmateu in ûmkimvel un au, ti’n Lalpa’n thu a pie a, Jerusalem chu a lak u ah numei thienglo bang mai ahi.

THUGENPA 4:1

Tichun, ka vak enviel a ni nuoia gimtheihna umte chuh ka ngaihtuoh a. Sukgimtheih a umte mittui chuh entie, kuomah a panpih ding a um puou hi. A sugimtheite chun thuneihna nasa tak a nei u a, amau chula a thamuon ding a um puou hi.

SAM LEHKHABU THE PSALMS 25:18

Ka gimtheih zie leh ka thuok dan hi ngaihtuoh inla, Ka gitlohna chengcheng ngaidam in.

ZEPHANIA 2:10

Zie chuh Moab mite leh Ammon mite chun kiletsak leh chapo taka Lalpa Sepaihte Lalpa mite a sukminsiet ziek u a, gawtna chuh hi ding ahi.

JEREMIA 48:26

“Moab chuh zu dâwn kham sak un, Lalpa kalh in a kichawisang ngâla; chun, Moab chuh amah luok lak ah kibuol intin; nuihzatbuk a um ding ahi.

JEREMIA 2:34

Na puonchen nasan ah mi gimthei, thilsie bawllo te hinna thisan a bek hi. A hun buluh te na thah le hi sâm lo in,

ISAI 3:8

A lopina mit tunsak dingin, a kamsuok u leh a thilhih u chuh Lalpa deihloh lam ahih ziekin Jerusalem chuh a sie zo a, Judate chuh a puk zo ta ngâl a.

SAM LEHKHABU THE PSALMS 119:153

Ka gimtheih zie hi ngaihtuoh inla, ei humbit in; Na dân chuh ka hengilh ngei puoh ngâl a.

1 PETER 4:17

Vaihawmna chuh pat a hun ta a, Pathien mite chung ahin pat hi ding ahi. Eihaw chunga pat a hih chun, Pathien apat a Chanchin Pha gingcha lote tawpna ding chuh bang tawbang phet a hi ta dem!

JOHAN 11:19

tak achun, a suohpihpau thihna chunga thamuon dingin, Judia gam mi tamtak, Martha leh Mari kawm achun a hung u a.

HOSEA 2:14

Zieziekchun tuhin thalek gam ah puikit ing ka ting; zie tak achun lungsietna aw nem takin thêm ing ka.

SUNNA LA 4:1

Bangti dana sana chuh muol tha a, bangti dana sana thieng takte chu muoltha zo ahi ta! Mun thiengtho a suonghaw chu ning tin a thehzak in a um zo tai.

SUNNA LA 2:13

Nang dinga hetpih dinga bang thila ka mat ding? Bang tawh ka hun tehkal die? Aw Jerusalem chanu ka hun thamuon theih na dingin bang tawh ka hun tehkal die? Aw Zion chanu thiengtho, na sietna chu tuipi guolin a lien a, Kuo a hun thamuon thei ding?

SUNNA LA 1:21

Ka tauna thawm hi a zau a, Kuomah ei thamuon ding a um puoh ngâl a; ka chunga sietna na hun tun sak hi ka melmate a kipâk ui. Nang hih ahih ziekin a kipâk ui, na ni guot chu hungtung in tin, amau chule kei tawbang hung hin au.

JEREMIA 50:29

“Babulon do dinga thal kap thiem, thalpi mang thiem chengcheng chuh samkhawm un: a kimvel ah bûk sau unla, kuomah pawtdawk kiu hen. A thilhih bang zel in din thuk un; a thilhihsa haw cheng chuh a chungah hih un; Lalpa, Israel mi thieng tho chuh a cho ngam ngâla.

JEREMIA 16:7

Lusûnte chuh a mithi ngaih uh lungmuon dingin kuoma’n nek ding luih sak puou untin; a nuu ahim a pau ahim ziekin le lungmuonna khawn dâwn ding kuoma’n luihsak puo’n au.

JEREMIA 13:27

Phul laka tâng haw a na zawlsaihnate, na hûk hâm git te, na kiphal nasat ziete, zie na thilhih kihdak-um tak haw chuh ka mu tai. Aw Jerusalem na chung a gik na e! Hih thiengtho hilo ding na him? Bangtik leh hih thientho na hita dem?

JEREMIA 5:31

Thiemgaute chun lepchieh thu ngen a genlawk u a; thiempute chun la a thu thuu in vai a hawm u a; ka mite chun khutibang hih chuh a nawp lam uh ahi. Himahleh, a tâwp a hung tun tieng bangti’n na hih ta ding u le?

ISAI 54:11

Aw nang sukgimtheih a um, huihpi’n a mût lumlet; thamuontu bei! na suongte kha a zem hawih takin hun siem sak ing ka ting, na In suongphum ding chuh sapphire suongmantam in hun lemtoh sak ing ka.

ISAI 40:2

Jerusalem kawmah thamuonna thu gen unla, a kidonau chuh a kichai ta ngâl a, a gitlohnau chule ngaihdam ahi tai, a thil hihkhelh teu cheng ziekin gawtna bukim in ka gawt ta ngâl a,” ti’n.

ISAI 37:29

Ka chunga na lungnat ziek leh, na husa chuh ka bil a a hung lut tâk ziekin, ka ngakuoi chuh na nak ah vawh ing ka ting, thik bah chule na mûk ah vawh ka ting, na hungna lampi mah a khan hun leh kaih ding ka hi,” ti’n.

ISAI 37:23

Kuo ahi na sukminsiet a na gensiet chuh? Kuo chungah ahim na aw na suksan a na mit na chung hah? Israel Pathien Thiengtho chung ngêi ah ahi.

ISAI 37:17

Tuhin, aw Lalpa, ei hun ngaitha’n la, ka chung u a thiltungte hi en tie! Nangmah, Pathien hing hun gensietna dinga Senacherib thugente chengcheng hi a na ngaitha’n la.

ISAI 37:4

Asuria Leng chun a milien Rabshakeh chuh Pathien hing gensie dingin a hun sawl a. Lalpa Pathien in a gensietnau chuh a za ta a; a thugen dungzui chun gawt tei hen. Zieziekchun, nutsieh a um mipite ding hin Pathien kawmah paucham sak in,” a ti a.

SAM LEHKHABU THE PSALMS 140:8

Aw Lalpa, mi nunsiete duhthusam chu pie ki’n la; A ngaihtuohna phalo uh haw chuh pitit sak ki’n; Khutilochun kipakcha kha’n au, ka ti a. Selah

NEHEMIA 9:32

“Zieziekchun, ka Pathien uh lopi, bangkim hihthei leh lauh um, a thugawlh hezing leh zahngaihna a dim chun ka chung u leh ka leng teu leh ka milien teu, ka thiemputeu, ka thiemgau teu leh ka pileputeu leh, na mite chengcheng chunga Asuria lengte vaihawm lai apat a tuni tienga gimtheihna hung tung haw hi thil neu thêm in ngai ki’n.

2 LENGTE 14:26

Lalpa’n, Israel te gimtheih huoisiet dân chu a mu a; suok hileh, suok lo hileh, Israel te panpih dingin kuomah a um diek puoh ngâla.

2 SAMUEL 16:12

Lalpa chun ka gimtheih zie hi hun muntin, tunia ei sapsiet na hi apha lam in ei dit sak kit mai thei le ahi,” a ti a.

1 SAMUEL 1:11

Chun thu a tiem a, “Aw, sepaihte Lalpa, na suoknu lunggim zie hih na het takzet a, nei hetzing, na suoknu hi nei hetngilh loh a na suoknu hih chapa nei piek chun, a damsung cheng Lalpa pie’ng ka ting, a sam le met hi himhim puo’n a,” a ti a.

DAN NIHNA 32:27

Melma ênghona thatdahum sa kileng chuh, a melma teu in hekhiel in, ‘I khut uh dawp sangin a um tai; Ziehaw cheng hi Lalpa hih ahi puoi’, a tih khâk dinguh.

DAN NIHNA 26:7

khutichun, ka pileputeu Lalpa Pathien kawm achun ka mau tau a, Lalpa chun ka awu chuh a na za a, ka gimtheih zieu leh ka sepgim zieu leh nuoisieh ka hih zieu chuh a mu ta a;

PAWTDAWKNA 4:31

Chun, mipite chun a gingcha tau a: chun, Lalpa’n Israel chate gimtheih zie a mu tai tih a het un, a bawkkhup u a, a ho tau hi.

PAWTDAWKNA 3:17

Aigupta gama sukgimtheihna lak apat chun hun puidawk ing ka ting, Kanaan mite, Hit mite, Amor mite, Periz mite, Hiv mite, Jebus mite gam, bâwngnawi leh khuoizu a luong gam achun hun puilut ing ka,” tih ka tiem ta ngâl a.

PAWTDAWKNA 3:7

Chun, Lalpa chun, “Aigupta gama ka mite chuh a gimtheih zieu ka mu zing a puo, suok enkawlte zieka a kiko thawm u chuh ka na za a; a lungkham nau chuh ka hezing ngâl a.

SAM LEHKHABU THE PSALMS 69:21

Ka an dingin gu ei pieu a; Ka dangchâk lai in lah uain thuk dâwn ding ei pieu a.

ISAI 51:19

Buoina thuoh nih in a hun tunkhum ta a, na gam u chuh kidona a suksiet in a um ta a; Na mite chuh gilkiel in a chautha zo tau ui! Kuon ahun thamuon ta die? Sukgamna, kiel leh chemzâm, kuo manga nang hun thamuon ding ka him?

SUNNA LA 5:1

Aw Lalpa, ka chung u a thil tungte hi hezing inla; Ei hun en inla, ka zahchaknau hi mu’n.