SUNNA LA 1:2 - PATHIEN LEKHABU THIENGTHO (BSI)

² Zan khawvak in a kap a; a mitthi teu chu a bieng u ah luong tha a. A guolphate cheng lak achun, amah thamuon ding himhim a um ta puou. A guolte chengin a thep bawl tau a, tichun, a melma a suok zo tau hi.

SUNNA LA 1:2 ပူးပေါင်းရင်းမြစ်များ

SAM LEHKHABU THE PSALMS 6:6

Ka tau na ziekin ka chau ta a; zan cheng leh ka zalkhun chuh mittui in a chap chek a; Ka khapchâk chuh mittui in achup sek hi.

MIKA 7:5

Na invengte chungah kinga ki’n la, na guolte chung ale na kinepna kawih ki’n. Na mûk kawtkhak veng tûp in, zie apat chun na angsung ngêi ah lepchieh a gen sek hi.

SUNNA LA 1:21

Ka tauna thawm hi a zau a, Kuomah ei thamuon ding a um puoh ngâl a; ka chunga sietna na hun tun sak hi ka melmate a kipâk ui. Nang hih ahih ziekin a kipâk ui, na ni guot chu hungtung in tin, amau chule kei tawbang hung hin au.

SUNNA LA 1:19

Ka ngaihnatte chu ka sama, himahleh amau haw chun ei thêm tau hi; Thiempute leh upate chu khawpi sung ah a thi zo tau a, A hinna ding u a nek ding a hawl lai ngêi u chun.

SUNNA LA 1:9

A kihdak-umna chu a puonmawng ah a bek a; himahleh a tawpna ding chu a ngaihtuoh puoi. Nasa takin a puksie ta a; thamuontu ding himhim a nei puoi. A melmate’n a zo tau a, zahngaihna ngenin Lalpa, ngaitie, ka melma ten ei sukgimtheih zieu hi.

JEREMIA 30:14

A hun lainate chun a hun hengilh zo tau a, a hun limsak ta puou hi. Melma sukliem in ka hun suliem a, migilo gawt in ka hun gawt a, na manlohna chuh a nasa a, na gitlohnate le a pun bêk ziekin.

JEREMIA 13:17

Himahleh, na ngaihthak loh u chun na chapona ziekun ka hinna hi a gûk in kap in a. Ka mitthitui nasatak in luong zing in tin; Lalpa belam hawn chuh sala puih ahih tâk ziek un.

JEREMIA 9:1

Ka luchang hi tui hi henla, ka mit hi mitthi tuinak hile chuh aw! Ka mi, ka chanu thah a um te a ding chun sun le zan in kap ing ka.

JEREMIA 4:30

Chun, buluh a na um tieng leh bangti’n na um ta die? Puon sandâng silh in, sana te a kichei in, na mit haw chuh nuh theih chin nuh leh chin le na kihawihsakna chuh a thâwn ahi. Na ngaihzawng te chun a hun musit tho u a, na hinna lak guon a hawl ui.

SAM LEHKHABU THE PSALMS 31:11

Ei do pa ziekin ka min hi a sie zo ta a, A hi, ka vengte a dingin tizat-um ka hita a, ka melhette ding inle lauh-um tak ka hi ta a; Khawlai a ei mu hawn le ei taihsan ta ngâl u a.

THUPHUON 17:16

Chun, ki sawm na muh te leh sahang khan nawhchizuoknu chuh mudah un tin; a thil neih chengcheng lâksak vek un tin uh; sangawn in taihsan un tin; a sa neu un tin uh, mei in hâltum un au.

THUPHUON 17:13

Zie sawmte chun thukhat kisa’n, a thilhih theihnau leh, a thuneihnau chuh sahang kawm achun pie’n au.

HOSEA 2:7

Chun, a deihchakte chuh delh intin, delhpha diek puo’n a. Amau haw hawl intin mu diek puo’n a. Tichun, “Ka pasal masa kawmah vaikit mai ing ka, tu sang hin tumasang kha kei dingin a phazaw ngâl a,” ti’n a.

EZEKIEL 16:37

Ngaiin, nang hun ngaite na kinawpcheppih haw chengcheng leh na na ngaih sa haw chengcheng leh na mi hawt chengcheng chuh ning tin apat sam khawm ing ka ting, na sangawnna chengcheng a muh theihna dingun na sangawnna chuh a masang u a hun hâwkdawk ding ka hi.

SUNNA LA 2:11

Ka mitte chu kahna’n a chauzo tau a; ka lunggil a gimthei a. Ka mite chanu sietna ziek chun lungkham in ka chautha tai. Naupangte leh nawichep laite chu chau in khawpi achun a puktha zo tau hi.

JEREMIA 3:1

“Mi’n a zi ma hen la, amah taihsan in pasal dang nei leh; a pasal masa chun a na pawm kit dem? A gam chuh buok lawh hiel lo ding ahim? Nang chuh tamtak kawmah nawhchizuok bangin na khawsa a; khutisa chun ka kawmah na hung vaikit die? tih hi Lalpa kamsuok ahi.

THUCHINGTE 19:7

Mi chagah chuh a suohpih te chengin a muhdah u chun, a guol te chun bang tiengin a taihsan ta ding um? Amau chuh a sama, a um ta puou hi.

JOB LEHKHABU THE BOOK OF JOB 7:3

Bangmah lo mai in tha tamtak ka na mang zo a, Zan chim um takte kei dingin guot ahi a.

JOB LEHKHABU THE BOOK OF JOB 6:15

Himahlele, nang haw ka guolte hin, Guoh zuk loh phata luicha tuikang bang mai hin nei thêm u a.

SAM LEHKHABU THE PSALMS 126:5

Mittui kie kawma tuh haw chun lawp takin ât un au.

JEREMIA 2:25

Na kenga kengtawbek butlo in um ki’n la, na dang le châk kihen. Nang chun la kinepna a um ta hiel puoi, gamdang mite delh ing ka, na ti a.

SAM LEHKHABU THE PSALMS 69:21

Ka an dingin gu ei pieu a; Ka dangchâk lai in lah uain thuk dâwn ding ei pieu a.