SOLOMON LA 2:3 - PATHIEN LEKHABU THIENGTHO (BSI)

³ Gammâng thing laka apple thing bang ahi; ka deihtak chuh tangvalte lak achun, a lima chun kipâk takin ka chu a, gahte chuh kei din a thum ngêi mai.

SOLOMON LA 2:3 ပူးပေါင်းရင်းမြစ်များ

SOLOMON LA 8:5

Kuo ahi gamthip a pata hung to a, a deihtak chunga kinel hih? Theipi bul nuoi ah ka hun chawktho a, zie tak achun na nu’n nauhanat in a hun vei a, Zie tak chuh ahi na nu’n nauhanat a a hun hinna chuh.

ISAI 32:2

Amah chu huihpi laka kisêlna, guohpi laka kisêlna mun bang hi’n tin; thalek gama luicha tui luong leh, gam haksa a suongpi lim tawbang hi’n a.

ISAI 25:4

Mi chagah leh panpih beite dingin bitna kulhpi na hi a; a lungzînnau achun a bit u a; Guohpi huihpi lak a kiselnau na hi a, nisa nuoi a lîm uh na hi ngâl a. Mi gilote chun phalbi huihpi guolin a nam u a;

HEBRAI 12:2

Chun, Isu, I taksannau siempa leh subukimpa lam chuh en zing hitiu. Amah chun, a masanga lawpna a um ziek chun, zahchâkna chuh ngaidau in, kross achun a thuok a, tichun, Pathien lalchutphah changlam achun a va chu ta a.

EZEKIEL 47:12

A lui pang tuoka chun theikung chi tin kek intin, ziehaw chuh a nah vuoi ngeilo in, gah loh tih le um ngei puo’n tin, mun thiengtho apat a lui hung luong dawkin a chawm a hih ziekin tha chengin gah ina, a gah chuh nek ding hi’n tin, a nah chuh sukdamna ding hi’n a.”

ISAI 4:6

Sun a nisa lum in a kâk loh na ding leh, guohpi-huihpi laka kihumbitna ding leh kisêlna dingin a lopina chuh bukcha guolin um ta’n a.

ISAI 4:2

Zie ni chuleh Lalpa bâk chuh hawih tak leh lopi tak hung hi ta’n tin, a gam gahte chuh Israel chate laka suokcha ana umsunte a dinga kithang-at pih leh a lopinau hung hi ta’n a.

SOLOMON LA 5:16

A kamsuok chuh a thum pena, ahi, a deihum bukim kei hi; zie hi ka deihtak chuh ahi a, zie hi ka guol deih chuh ahi; aw Jerusalem chanute haw.

SOLOMON LA 4:16

Tho inla, aw mâl huih, hung nung in, Aw sim huih, ka huon hi hung mût inla, a gimlim a hung lendawk theih na dingin; ka deihtak chuh a huon ah hung lut hen la, a gah phapen pente chuh ne hen.

SOLOMON LA 2:5

Grep thei bel in ei suhing unla, apple thei in ei suhalh tiem u, hehpihna a damlo ka hi ngâl a.

SAM LEHKHABU THE PSALMS 91:1

Chungnung pên Pa kisêlna a nei a, Bangakai hihtheipa lîm a umte chun.

SAM LEHKHABU THE PSALMS 89:6

Van dum akhun Lalpa tawh tehkal theih ding kuo a um a ahim? Van mite laka khun Lalpa tawbang kuo a um?

SAM LEHKHABU THE PSALMS 57:1

Aw Pathien, ei lungsiet in, ei lungsiet in; Ka hinna hi nangmah a chun a hung puklut ngâl a, Ahi, na thanuoi chuh hun chuh ing ka. Vangsietna hi a kithiel masang sieh in.

SAM LEHKHABU THE PSALMS 45:2

Mihiem chate lak ah na hawih pena; Lungsietna hi na mûk a sun khum ahi: Zieziekchun Pathien in kumlekhuo a dingin a hun vangsak ahi.

VAIHAWMTE 9:15

Chun, ling chun thing haw kawm achun, ‘Na leng ding uh a sathau nei nuh takzet u chun ka lîm a hin hung châwl tau u leh; khutichuh ahih loh chun ling bawk a chun mei hung pawt in Lebanon tânga sidar thing haw chuh katum vek hen,’ a ti a.

SOLOMON LA 1:16

Ngaitie, na hawih hi, ka deihtak, bang tienga deihum na hi ta’m? Hampa eng zîn zên chuh I zâlkhun ahi a.

SOLOMON LA 4:13

Vaimimthei mûm bang ahi na deihum zie, gah phapen pên pawt sekte,

SOLOMON LA 7:13

Zawldeih-âi hampa chun a gimlim a hun suoh a, I kawtkhak bul ah theigah pha tincheng a um ui a lui leh a thak, nang dingin ka kawihkhawl hi, aw ka deihtak.

SOLOMON LA 8:11

Solomon in Baal-hamon ah grep huon a nei a, grep huon chuh huonvengte kawmah a vawpsak a; mitin in a gah chawkna ding dangka sangkhat chiet a hun chawih dinguh ahi.

SOLOMON LA 8:12

Ka grep huon, keia ngêi, ka ma achun a um a; aw Solomon, nang chuh sangkhat chang in na tin, huon vengte chuh zanih chang un au.

JOEL 1:12

Grep guite chuh a vuoi ta a; theipi kungte chuh a chau tha ta a; vaimimthei kungte, tum thingte leh theikung chengte chuh a gaw zo ta a; Mihing chate laka kipahna chule a muol zo ta ngâla!

SAM LEHKHABU THE PSALMS 45:3

Aw, mihat, na chemzâm na kâwng ah vawp in, Na lopina leh na kilawmna tawh.