RUTH 4:15 - PATHIEN LEKHABU THIENGTHO (BSI)

¹⁵ Chun, amah chuh na hinna tungdawk leh na teklam a hun chawm pa hung hi’n tin, na monu nang hun hehpih a, chapa sagih sanga nanga dinga phazaw chun amah chuh a hing ta ngâl a,” a tiu a.

RUTH 4:15 ပူးပေါင်းရင်းမြစ်များ

SAM LEHKHABU THE PSALMS 55:22

Na puokgik chuh Lalpa chungah nga’n la, tichun, ama’n hun hih hât ina. Mi diktat chuh bangtik lai inle hih lîng phal puo’n a.

ISAI 46:4

Na Pathien uh ka hi a, na hung têk u a, na sam hawu a kan gei in hun enkawl ding ka hi. Ka siemsa na hiu a, hun enkawl ka ting; hun panpih ka ting, hun humbit ing ka.

THILSIEMBUL 45:11

Zie chun ken hun vak ing ka ting, kiel hi kum nga um nalai ding ahi ngâla; khutilochun hung gimthei kha’n lau, nang leh na inkawte leh, na neih chengcheng tawh, hun tiu in,” a ti a.

THUCHINGTE 18:24

Mi khenkhat chuh guolpha guolin a kisiem u a, himahleh guolpha tak tak chuh inkuon kinaihpih pên sanga kinai zaw a um hi.

1 SAMUEL 1:8

Chun a pasal Elkanah chun a kawmah, “Hannah, bang zieka kap na hi? Bang zieka an nelo na hi? Bang zieka na lunggil lungkham a hi? Chapa sawm sangin nang dingin ka phazaw hilo maw?” a ti a.

THILSIEMBUL 47:12

Chun, Joseph in a pa leh a suohpihte leh a pa inkawte chengcheng a neupen chanin nek ding a pie a, a vak ta a.

RUTH 4:16

Tichun, Naomi chun nausen chuh a la a, a âng ah a pawm a, a dâwn ta a.

1 SAMUEL 2:5

Nieng leh nal a umte chun nêk kawm a hawl tau a, Gilkielte chu a kiel ta puou: Ahi, ahi, a chîng nu chun cha sagih a hing ta a; Cha tamtak neinu chu a chau tai.