RUTH 4:10 - PATHIEN LEKHABU THIENGTHO (BSI)

¹⁰ Chun, zie mai chuh hilo in, mithi chuh a min mang lo a, goluoh ding siem sak ding leh, mithi chuh a suohpihte lak leh a umna mun kulh kawtkhak a a min a man loh na dingin, Moab numei Ruth, Mahlon zi chuh ka zi dingin ka chaw khawm a, zie chuh tuni hin, nang haw hi ei hetpihte na hiu hi,” a ti a.

RUTH 4:10 ပူးပေါင်းရင်းမြစ်များ

DAN NIHNA 25:6

Chun, hiti hi hi’n tin, zie nu chapa neih masak pên chun, Israel te laka a min a man lohna dingin, a thisa a suohpihpa min chuh a puok pek ding ahi.

EPHESI 5:25

Pasalte haw, na ziteu hehpih un, Krista’n sapchuom haw a hehpih a, a sik uh a amah a kipiek bang khan.

HEBRAI 13:4

Mi cheng cheng lak ah kichênna hi limbawl in um hen la, zâlkhun le sukbuok loh in um hen. Kideihchak chîng leh zawlsaite chuh, Pathien in ngaihtuoh ding ahi ngâl a.

MALAKI 2:14

Bang zieka pawm talo ahi die aw, na ti nalai u a. A ziek chuh, tanglak na hih laia na kichênpih na zi kawma Pathien in a hun hetpih a na thutiem kha na bawhsie ta a. Pathien masang ngêi ah, amahnu a dinga chuh ginum dingin thutiem na nei ngâla.

ZEKARIA 13:2

Chun, zie ni chuleh milim pathiente chuh gamsung apat chun lamang ka ting; kuoma’n hezing ta puo’n au! Thiemgau ka hi tite leh thagau buok chu nawhmang ka ting, milim ho utnate chu lamang ding ka hi, Lalpa’n a tii.

HOSEA 12:12

Ei suonpau Jakob chuh Mesopotamia gam ah a taimang a, Israel chun zi man ding a sep a ngai ta a, zi man ding chun belam a ching hi.

HOSEA 3:2

Khutichun dangka sekel sawm le nga leh buhmanpawl homer kimkhat in amahnu chuh ka chaw ta a:

ISAI 48:19

Na suonteu chuh luipi pîlnel banga tamin um untin; chun, na suonlepak teu chule suongchang guola tam hung hiu in tin, amin u chuh thaihmang hita puo’n tin, ka masang apat hin sukmangthai in um ta puo’n au,” ti’n.

THUCHINGTE 19:14

In leh sumlepai chuh pa apat a gochan ahi a, himahleh, numei lemhe chuh Lalpa apat ahi.

THUCHINGTE 18:22

Kuole zi mu chuh thilpha mu ahi a, Lalpa deihsakna chang ahi.

SAM LEHKHABU THE PSALMS 109:15

Ziehaw chuh Lalpa âng ah chun um zing hen la, Amau haw hetzingna chu lei apat a a sukmang hi henla.

SAM LEHKHABU THE PSALMS 34:16

Lalpa mel chun thil hihkhielte a do seka, Amau haw hetzingna chuh lei apat a sumang dingin.

JOSHUA 7:9

Kanaan te leh zie gama um chengcheng te hin heu untin, ei hun ûm untin, lei apat hin ka min uh hihmang kei ding ahiu hi; na min lopi tak hi bangti’n na hih ta die?” a ti a.

THILSIEMBUL 29:27

Zie ni sagih hi subuting inla, tichun, kum sagih dang ka na nasep ding gûn chun, amah chule hun pie mai ing ka,” a ti a.

RUTH 4:9

Chun, Boaz chun, upate leh mipite kawm a chun, “Tuni hin Elimelek neih chengcheng leh Kilion leh Mahlon neih chengcheng Naomi khut apat in ka châwi tih nang haw hi ei hetpihte na hiu hi,

THILSIEMBUL 38:9

Himahleh, Onan in chi suon ding chuh amah suon hilo ding ahi tih a he a, a u zi a kuolpih cheng leh a u dinga suona neihsak lohna dingin a chi chuh tuol ah a vatthak sak sek hi.