RUTH 3:7 - PATHIEN LEKHABU THIENGTHO (BSI)

⁷ Chun, Boaz chun an a ne a, tui a dâwn zawh chun, lungthim kipâk tak kawmin buhvum bul a giek ding chun a chieh ta a; a kuol ta a. Ruth chuh awlcha’n a chieh a, a keng khuhna chuh a hâwk a, a kuol tai.

RUTH 3:7 ပူးပေါင်းရင်းမြစ်များ

ESTHER 1:10

A ni sagih ni a lengpa lungthim uain in a hun sukkipak phet chun mitilgeh sagih, amah panpih sekte, Mehuman te, Biztha te, Harbona te, Bigtha te, Abagtha te, Zethar te, Karkas te chuh a sama.

VAIHAWMTE 19:6

Khutichun, a chu khawm u a, a nih u chun a neu in a dâwn u a; chun, nungaknu pa chun, “Lungthim nuom takin tuzan in giek kit unla, lungthim kipâk takin um tadih un,” a ti a.

2 SAMUEL 13:28

Chun, Absalom chun a suokte chu, “Ngaitiem u, Amnon chu uain dawna a lunggil a tai lai leh na kawm u ah, ‘Amnon chu that un,’ ka hun tih chun, that zieng unla, lau kiu in, thu ka hun piek uh hita lo ahim? Kihih hangsan unla, kipasalphat sak un,” ti’n thu a pie a.

VAIHAWMTE 19:9

Tichun, zie pa chuh a meinu tawh a suokpa chu tawh chieh dingin a kipan u a, nungaknu pa chun a kawmah, “Ngaitie, ni le a tâk ta a, tuzan chuh giek kit mai un, khuo thim ding le ahi ta hi; zie hin giek kit unla, lungthim chawldam taka na um theih na dingun, tichun, zingkal vaima taka tho in, na chieh mai puoh dem,” a ti a.

THUGENPA 10:19

Guolvakna chuh kipahna ding ahi a, uain chun hinna a sukipak a, chun, dangka chun thil mamawh cheng a hih thei hi.

THUGENPA 9:7

Khawsa zel inla, kipâk takin na chângthâk ne’n la, uain dâwn in; na thilhih chengcheng chuh masang lai apat a khah Pathien in pha a sak sa ahi.

THUGENPA 8:15

Zieziekchun, khawvel a hin mihing a dingin a nêk a, a dâwn a, nuom taka a um sanga phazaw bangmah a um puoi tih ka mu a; zie chuh Pathien in a piek khawvel a a damsunga a sepgimna gah chuh ahi ngâl a.

THUGENPA 2:24

Mihing a ding chun nek leh dâwn a, a sepgim zieka thilpha a nawpchen sanga phazaw a um puoi. Zie chule Pathien khuta kipan ahi tih ka hun he tai.

SAM LEHKHABU THE PSALMS 104:15

Mihiem lunggil kipah sak na ding uain tawh, A mai hih hawih na ding sathau tawh, Mihiemte lunggil suhat ding chângthâk tawh.

1 KORINTH 10:31

Khutichun, na nek un le, na dâwn un le, na thilhih chengcheng u chuh, Pathien lopina ding ngenin hih un.

1 LENGTE 21:7

Chun, a zi Jezebel chun a kawmah, “Israel gam leng hi hilo na him? Tho inla, an ne’n la, lunggil kipâk takin um in, Jezreel mi Naboth grep huon chu ken hun pie’ng ka,” a ti a.

VAIHAWMTE 19:22

Khutia lawp leh kipâk taka a umlai u chun, ngaitie, zie khuo a Belial chapa khenkhat te chun a In chuh a hun um tau a, kawtkhak a hun khên u a, a Inneipa teksepu kawm achun, “Na in a hung tung pa khah hun puidawk ah, a na kipawlpih ding ka hiu hi,” a tiu a.

VAIHAWMTE 16:25

Chun, hiti hi a hung hi a, a lungthim uh a hung kipâk lai tak chun, “Samson chuh etnawp bawlna ding in vak sam tiem u,” a tiu a. Tichun, Samson chuh suongkul apat chun a va sam dawk u a; tichun, a masang u a chun etnawp bawlna dingin a mang tau a: khuom leh khuom kikal achun a din sak u a.

THILSIEMBUL 43:34

A chan ding dawl chiet u chuh Joseph dawhkân apat chun piekdawk ahiu a. Benjamin chan vang chuh adang cheng chengte chan sang chun a leh nga a tamin a siem saka; Tichun, amah chu tawh nekhawm dâwnkhawm in kipâk takin a um tau hi.

EPHESI 5:18

Chun, uain kham in um kiu inla, zie tak a chun kidêklohna a um ngâl a; Thagau a dim in um zawu in.

RUTH 3:6

Khutichun, Ruth chuh buhphuol achun a va chieh a, a talpinu’n a gen bang tak chun a hih ta a.

RUTH 3:8

Chun, hiti hi ahi a, zan khang chun amah chuh thakhat in a hung phuguih a, a leh lam a nga, a et viel leh, ngaitie, a kengthuon achun numei khat ana kuol ta mai a.