RUTH 3:14 - PATHIEN LEKHABU THIENGTHO (BSI)

¹⁴ Tichun, zingkal tiengin Ruth chuh a kengthuon ah a kuol ta a, chun, khuo kimuhchet theih ma’n a tho a, “Buh phuol achun numei chuh a hung hi tih kuoma’n he kihen,” a ti a.

RUTH 3:14 ပူးပေါင်းရင်းမြစ်များ

2 KORINTH 8:21

Ka thiltup u chuh, Lalpa ngaih maia hilo in, mihiem ngaih a thil kilawm le ka ngaihtuoh khawl sek uh ahi.

ROME 14:16

Khutichun, nang u ding a thilpha chuh, gitloh lama gen in um kihen;

1 PETER 2:12

Jentel te, laka na tawihzieu chuh kilawm tak hi hen, khutichun, thil gilo hihte guola a hun gensiet sek nau achun, na thilhih phat uh a muh hawu ziekin, veh a a um tieng u leh Pathien sulopi thei un au.

1 KORINTH 10:32

Judate ahim, Grikte ahim, leh Pathien sapchuom haw dingin le, a pukna dingun bangmah hih kiu.

1 THESSALONIKA 5:22

Gitloh guola lang cheng lak achun kikiengkawih zawu un.

ROME 12:17

Kuo gitloh hita leh, gitloh mah in dinthuk kiu. Mi chengcheng ngaih a thil kilawm ngaihtuoh khawl zawu in.

THUGENPA 7:1

Minphatna hi thau gimlim man tamtak sangin a phazaw a; chun, thihni chule pienni sangin a phazawi.

RUTH 3:15

Chun, a kawmah, “Na puon silh kha hun chawi inla, dawh in,” a ti a. Tichun, a hun dawh phet in buhmanpawl chuh tehna dim gup a teh a, a puok sak ta a; tichun, khuo ah a chieh ta a.