RUTH 3:1 - PATHIEN LEKHABU THIENGTHO (BSI)

¹ Chun, a talpinu Naomi chun a kawmah, “Ka chanu, nang a dinga thilpha, na khawsakna ding hun ngaihtuoh sak lo ding ka him?

RUTH 3:1 ပူးပေါင်းရင်းမြစ်များ

RUTH 1:9

Lalpa chun na nih un pasal hun pie hen la, pasalte In a na khawsak theih na dingun hun lungsiet hen,” a ti a. Tichun, Naomi chun a châwp a; amau nih chuh aw ngeih tak in a kap tau hi.

1 TIMOTHE 5:8

Himahlele, kuo’n le amah mite ding ngaihtuoh khawl lo a, amah insung a mi neupen ding nasan a ngaihtuoh khawl loh chun, taksanna chuh a kizuksan a, ginglo mite sanga gilo zaw ahi.

1 TIMOTHE 5:14

Khutichun, meithai ana nungak deuhte chun pasal nei u hen la, cha le nei u hen, In sung vaihawm u hen la; I melmateu ei gensietna ding hun mawngmawng pie dah leu ka nawp ahi.

SAM LEHKHABU THE PSALMS 128:2

Na khut sepgim gah chuh ne ding na hi ngâl a: Kipak takin um in na tin, nanga dinga pha ding ahi.

1 KORINTH 7:36

Amahvang chuh, kuo’nle, a cha nungak lengkul hiela a kawih a; hih diklo a a kihet a, pasal neih sak a nawp leh, pha a sak bangin hih hen, thil a hihkhiel puoi.

DAN NIHNA 4:40

Zieziekchun, kumkhuo a dinga Lalpa na Pathien un a hun piek gama chuh nang u leh na suonteu na hung lamzan u a na chên sawt theihna dingun a dân haw leh a thupiek haw, tu a ka hun piek hi na zuih dinguh ahi,” tih hi.

THILSIEMBUL 40:14

Amahvang chuh chanpha na chan kit phat leh ei hun hezing inla, lungsiet takin hehpihna ka chungah hun sulang inla, Pharaoh kawmah ka chanchin hun gen inla, zie In apat hin ei puidawk in.

RUTH 2:23

Khutichun, buhmanpawl leh buhpi ât zawh tiengin Boaz suok nungakte lak ngawn achun buhsang hawl in a chieh zing a; khutichun, a talpinu kawm achun a um zing a.

RUTH 3:2

Chun, I chanau pau Boaz, a suok nungakte laka na na va sepna pa kha a um hilo ahim? Ngaitie, Boaz in tuzan leh buhphuol ah a buh zap ngim ding ahi a.