RUTH 2:4 - PATHIEN LEKHABU THIENGTHO (BSI)

⁴ Tichun ngaitie, Bethlehem apat in Boaz chuh a va chieh a, buh âtte kawm achun, “Na kawm u ah Lalpa um hen,” a ti a. Chun amau chun, “Lalpa’n hun vangsak hen,” ti’n a dâwng u a.

RUTH 2:4 ပူးပေါင်းရင်းမြစ်များ

2 THESSALONIKA 3:16

Chun, chamna Lalpa mawng chun, hun tin leh bang chengah, chamna nanguh hun pie ta he’n. Lalpa chuh na bawnchau a kawmah um hen.

LUKE 1:28

Tichun, vânsâwlchâk chuh a kawmah a lut a, a kawmah, “Na chungah thamuonna um hen! Lalpa chuh na kawmah a um a, nasa takin a hun vangsak hi!” a ti a.

VAIHAWMTE 6:12

Chun, Lalpa vânsâwlchâk a kawmah a hung kilak a, a kawmah, “Nang mihat hangsan, Lalpa chuh na kawmah a um hi,” a ti a.

2 TIMOTHE 4:22

Lalpa chuh na thagau kawmah um ta hen. Pathien hehpihna chuh na bawn u a kawmah um ta hen.

SAM LEHKHABU THE PSALMS 118:26

Lalpa min a hung chuh a hamphai: Lalpa In apat hin ka hun vangsak sek ui.

RUTH 4:11

Chun, kulh kawtkhaka mipi chengcheng leh upate chun “Hetpihte ka hiu hi, na In a numei hung lut chuh Rachel leh Leah, Israel nam tung ding te nih bang khan Lalpa’n siem henla, chun, nang le Ephrath achun hausa takin um inla, Bethlehem a chun minthang takin hung um in.

JOSHUA 24:15

Chun, Lalpa nasep hi phalo guola na ngaih u chun, tuni hin kuo na ahi nasep ding uh tel un; na pulepateu in lui gala a na a sep uh pathien haw khah ahim, na chênnau gam Amor te pathien haw khah ahim ana nasep dinguh? Himahleh, kei leh ka inkawte hin chuh Lalpa na ahi ka sep dinguh,” a ti a.

THILSIEMBUL 18:19

Lalpa lampi a hawh theih na ding u leh a nung u a a chate leh a inkuonpih teu thil dik hih ding leh diktaka vaihawm ding leh kitûp taka hih dinga thu a piek theih na dingin amah chuh ka guot ta ngâla. Khutichun, a chungchâng thu Lalpa’n a gen chuh Abraham chunga a tunsak theih na dingin,” a ti a.

1 TIMOTHE 6:2

Gingcha mi, pu a nei suokte vang chun, suohpih a hih ziekun musit hiel kiu he’n. Khutihnak sangin, a nasepnau a phatchuomna neite chuh, gingcha mi, a lungsietteu mah a hih ziekun, pha zawsem in amau ding a sep sak zawk dinguh a hi.Zie thu haw chuh sinsak in la hilh ah.

RUTH 2:3

Tichun, a chieh ta a, buh âtte nutsieh haw chuh a va hawl ta a; tichun, Elimelek inkuon Boaz lo achun a va chieh kha khel khel a.

RUTH 2:5

Khutichun, Boaz chun a suokte laka buh ât lawiupa kawm achun, “Zie nungak hi kuo ahi?” a ti a.

THILSIEMBUL 28:3

El Shaddai Pathien chun hun vangsak intin, nam tamtak te pa na hung hihtheihna dingin, suonlepak tamtak hun neihsak in, hun hihpung hen;

KISIMNA 6:24

Lalpa’n hun vangsak in hun veng zing hen,

VAIHAWMTE 6:16

Chun, Lalpa chun a kawmah, “Na kawma um zel ding ka hi, tichun Midian mite chuh mi khat bangmai in baihlam takin zo vek ding na hi,” a ti a.

1 SAMUEL 17:37

Chun, David chun, “Sakeibaknei khut apat leh savawm khut apat ei hukdawkpa Lalpa chun zie Philistia pa khut apat hin ei hukdawk ina,” a ti a. Chun, Saul chun David kawmah, “Chieh ta leh, Lalpa’n hun umpih hen,” a ti a.

1 KHANGTHUBU 2:51

Bethlehem pa Salma leh, Beth-gader pa Hereph te ahiu.

SAM LEHKHABU THE PSALMS 134:3

Lalpa lei leh van siempa ngêi chun, Zion apat in hun vangsak hen

JEREMIA 31:23

Israel Pathien, sepaihte Lalpa chun hiti hin a tii: “A saltannau apat a ka puihkit tieng leh Juda gam leh a khawpi teu achun zie tawbang paukam hi mang kit un au, ‘Aw dikna umna mun, aw tâng thiengtho, Lalpa’n hun vangsak hen,’ tih hi.”